Mataioo 24:15 - Anutuna Ufa

^15-16 Misa kaaqa fidiaqaa imaria manda ainaina qumareeqeeqa Yeerusaree naaquqara amaana maqakina quqasaifaqa Anutuna tamummaqara fasiqa auqu Danieerafa mifa minara akara rinau. Innee mina asaana rumasee amiqimmasee iriaqa. Misa mi mandainainna quqasaifaqa innee Yuda maqa maaqaki mariasa quqasee sandamaqaraasamasee aaqana aaqana daraaniaqa.

Mataioo 24:15 Referans Kwoze

Mareekoo 13:14

Kasooqaqee innee naaquqara fidiaqaaimari mandainaina qafeefaranoo mifa sia mariaqaa iraqoo Yeerusaree amaana maqaki kikiqinoo marina qafeefaranoo. Innee maa ufana asaana rimariasa mi ufana oosana amiqimandee iriaqa. Mi naaquqara mandainainafa kikiqa mambinaqa innee Yudeeaa maqa maaqaki mariasa quqasee aaqana aaqana sandamafuaqa.

Ruka 21:20

Innee moo maqannaa rakira fasiqauqa moomoosa anireeqa Yeerusaree maqusa puseemafifaqa innee irirana maaqi qiaqa oo maqee Yeerusaree maqusa taikarafa anireenoo fee qimasee Yudeeaa maqa maaqaki mariasa aaqanaaqana akareeqa sandeefaranoo, maqusai marinausa qafeeqa quqasee sandeefaranoo, ainainai finausa sia kafaa maqusai anifaranoo, doo mindari kai sandeefaranoo.

Uqafiqoo Ufafa 1:3

Faiqí moo fannoo maa akarana asaana rinafa asasiannoo. Maa tamummaqara ufana irisee eedoo qinausa misa asasifaranoo. Maa ufanakinaa ainaina koorooinausa qusasaa kambiqainara maa ufana asaana rimariasa faqa eedoo qimariasa faqa asasifaranoo.

Ruka 19:43

Qusasaa ani namuqaa anireeqa maara maqaseeqa ani aana kooqi ititaseeqa ani faandaamurasaa saqari kuradamaseeqa minasaa akara mafiqa maqusai aqufifaranoo.

Heeburu 2:1

Minara maasa anoona ufa irimariafannufana qumareeqa amiqimma rakisi qumaraanauranoo. Sia miqifanoo maasa nammariara foora aufinoo maasa maree fuandoora.

Uqafiqoo Ufafa 3:22

Anutuna maraquna fannoo aiqama maqusa amaana maqaki keeqee mariasa qimannimidanoo. Naaqoo faqaasa mi ufana iriaqa.

Yoohanee 11:48

Maasa mina afauaidaqa faiqí anaasee maasa minnisee minasaa kai atooqeefoora. Miqifanoo Roomma maqannaa sundiauqa anireeqa maasa faiqí anaasee faqa daru taikaidaqa maasa naaquqara amaana maqa faqa rapeepaamma aqifaranoo. Miqifaqa maasa Yuda maqannaa kuridianaura.