Mataioo 23:12 - Anutuna Ufa

¹² Faiqí anaasee náriara uriqararausee qimariasa Anutufa misa farindamaki saamuriqa nisauriranaki quqaannoo. Faiqí anaasee nariara oorudupirausee qimariasa misa faakanaikamma nimaqaannoo.

Mataioo 23:12 Referans Kwoze

1 Peetooroo 5:5

Miqi kai iqa innee kumaaraauqa faqa inneeqa faiqí firaasa nimeemaanai miqi kai masee ureeaqa mariaqa. Innee aiqamausa oorudupi oorudupimafinaqa qamunnara foora afisusee mariaqa. Tamummaqarausa akara minara maaqi qidanoo. Anutufa faiqí anaasee nári nuqu uqeeree mariasa rafaaqafidanoo fifimariasa adiafaairana faqa amiqirana faqa nimidanoo.

Yameesa 4:6

Sia rairaiqirana kai Anutufa sia qaara irirana iriaqeera minaindika kai iaqeera maqee maqee dadaaqirana qimidanoo. Anutuna akara minara kaifaa maaqi qidanoo, Anutufa nári nuqu uqeeraida nári nimooqimariasa rafaaqafidanoo qaoo qidanoo kafaa quandaki reendeeni mariasa afaarimariana faqa fisoo fisoo imariana faqa nimidanoo.

Ruka 14:11

Nariqa kai qinee uriqararausee qimariasa Anutufa nisauriranaki quqaannoo, nariqa kai qinee ureeqararausee qimariasa Anutufa misa uriqararanaki quqaannoo.

Aaquqira Ufa 29:23

Narí auqu uqeeree marifa asauriranaki aqufuannoo. Narí mara maree qumi marifa uriqarara auqu maraannoo.

Ruka 18:14

Yisufa mi fasiqaqandara narí faiqi namu qimanniminoo qinau, ummuarira takisa munnimma maree maruna mandainaina Anutufa taika aisoofanoo andeeqasee finau, Farisai amaana ufa qimarufa sia andeeqanau kaqi finau, nariara uriqararausee qimariasa Anutufa asauriranaki quqaannoo, nariara ureeqararausee qimariasa Anutufa uriqararanaikama nimaqaannoo.

Mataioo 18:4

Moo fannoo narí kai maa kaqikaa faiqiara foora fifimandeenoo marinafa mifa innaaruna ququsaki uriqararafa mariannoo.

Aaquqira Ufa 15:33

Yaaweenara qeerairirafa amiqira irirana ani amiannoo. Reendeenira oosana naaree maraseenana inaaqianna uriqarafaikinnaranoo.

Mataioo 5:3

Faiqí moo fannoo nariara qinee qeeqara sia amanaikidee qimasee dadaaqi marifa dadaaqinaqa minannai kai andeeqasee marianauree qimarifa mifa uqanna anoona asasiranaki maridanoo. Innaaruna ququsara Anutufa amianinnanara asasidanoo.

Idi Ufa 138:6

Anee kaaqa mirinni uriqarana maridana ureeqarausasaa rakisinimaqee mariananoo. Faiqí nári nimoo naamoo qimariasa sia amana ani afusaaqari kukeeqeefaranoo.

1 Peetooroo 5:6

Tamummaqara fasiqa ufa miqinoo marinara innee minara irisee Anutuna afeeka asauku ameemaanai ureeaqa marifanoo narí aukuana qumureenoo inni uqeera uriqararanaki quqannisaannoo.