Mataioo 23:11 - Anutuna Ufa

¹¹ Moo fannoo inniki uriqararafa marinafa narí kai eedoo qimaseenoo misa dadaaqira ainainira fasiqa mariannoo.

Mataioo 23:11 Referans Kwoze

1 Koorinti 9:19

Qinee sia moo fasiqa ainaini marunausara foora maridaqa kaqi fasiqara foora maridaqa Yisufinnai moomoosa aniaqeera aiqamausa ainainira faiqi kammambi maridaqa.

Karatia 5:13

Oo qini qikaaqaafasaauqa inniara qinee qianaura. Innee inneeqa mandainaina rumbaranaki mariafanoo Anutufa minakinaana inni naarameeqeenoo Yisuna idukiranaki quqeenoo. Doo innee minaki maridaqa inni nifaaqa manda nidimari ainainafa sia quandakinoo innisaa rakisidanoo inni nikaruqiranannai minni ubeekamannimaqaani. Sia miqiaqa maaqiaqa inneeqa nariara nariara rirafa nimudaoo qirafa inni nifiqeeqeenoo nariara nariara dadaaqiranaki quqaani.

2 Koorinti 4:5

Maasa namu sia qeeqara qidaqa faiqí anaasee qimannimidaqa, maasa asauku mundirana karaambaiqa Yisuna minara kai kooroomannimidaqa. Maasa namu Yisuna auqu uqeeraidaqa Yisunara inni qimannimidaqa inniki rumbara fasiqara foora ainaina mannisaidaqa.

2 Koorinti 11:23

Misa náriara asauku mundirana aiku asauku maridee qiafaqa qinee faqa furufarira fasiqara foora qidaqa qinee misaki misa uriqararausa maridaqa. Qini asauku mundirana mi ainainnara irunnana misaindi ooraaqaranoo maridanoo. Qinee Yisuna ufa saara karabusaki misa urinnaaqarammasee moomoo kari rumbeeqa. Raitasamunnai qifaaqa ateekeeufa moomoo kari misa narirana urinnaaqaramasee qini qifaaqa ateekaqau. Qinee kuqirara madikakiqari moomoo kari misa narirana urinnaaqaramasee findi fiqa.

Mataioo 23:10

Inni saimbaqaki sia moonara karaambaiqee qiaqa minara minnisaaqa. Inni karaambaiqa moodaa Anutuna asauku mundirafa mifa kai maridanoo.

Mareekoo 9:35

Yisufa ooqu marifinoo narí faiqi namu aiqama naaramasee mai aniaqee qimasee maaqi qimasee qimanniminau. Faiqí moo fannoo maqasaa mariasaki uriqararafaikinafa mifa narí kai ureeqaranaki fuannoo mifa aiqamausa dadaaqidanoo amiqira saika faqa nikooqeemari saikana faqa dadaaqiannoo.