Mataioo 21:26 - Anutuna Ufa

²⁶ Kafaa maasa Yoohaneena nammari nimimari fasiqanara faiqí ufamau fimaru fee qianaqa faiqí anaasee afeeka ufa maasa qimiqa darifoora, Yoohaneenara Anutuna kuqaa tamummaqara fasiqee qimariasa mariafaqa maasa darifoora.

Mataioo 21:26 Referans Kwoze

Mareekoo 6:20

Eeroodeefa Yoohaneenara irirana andeeqara qikairi siai fasiqa fee qimasee minara rufiaseenoo karafusaki seenoo ititasoofanoo sia Eeroodia nammarifa arinau. Eeroodeefa maqee maqee Yoohaneena faqa ufa qiranara aidi marufanoo maqee maqee Yoohaneena aaramasee ufa qimamimarinau. Yoohaneena ufa fannoo Eeroodeefa maqee maqee Yoohaneena faqa ufa qufanoo Yoohaneena ufa fannoo Eeroodeena raquramufanoo aqu ufafa afaaqai ati qanoo marunara siamma irimarinau kaqi maqee maqee Yoohaneena karabusaki marunna aaramasaida ufa narí qimami narí qimami qimariqau.

Yoohanee 5:35

Yoohaneefa nammari nimimarifa qoomara fooqaana marinoo kaaqa qaidanoo rupannoo inau. Innee mina kaaqa qaranaki qusasaa kai keeqafiqa asasida mariqau.

Mataioo 14:5

Eeroodeefa Yoohaneenara kuqaruani qinaqa faiqí anaasee minara irifoora. Misa aiqama Yoohaneenara Anutuna tamummaqara fasiqa fee qufanoo Eeroodeefa minara oonumafi iriseenoo minara rufieenoo sia arinau minnisee kaqi rumbanau.

Mataioo 11:9

Nana qafararee innee fiqee iqau. Anutuna tamummaqara fasiqa qafararee fee qimasee fiqee iqau. Kuqaa Yoohaneefa Anutuna tamummaqara fasiqafa marufa ooqu qafaqau. Sia misa kai, Yoohaneefa tamummaqarausa uriqaramasee tamummaqarafa marifaqa innee qafaafanoo.

Yoohanee 9:22

Yuda maqannaa uriqararausa Yisunara faasa maaqi qimariqau. Faiqí moo fannoo Yisunara Anutuna asauku mundira fee qinnana maasa amaana maqakiqari aqiqaananoo raudamaki aqoosai finoo sia kaifaa keeqaannoo.

Ruka 22:2

Amaana maqasaa aanaiqikirausa misa uriqararausa faqa Mooseena sandufa akoofasauqa faqa Yisuna kuqa ariranara qumee randee marufaqa faiqí anaasee Yisunara amiqira fasiqee qufaqa minara rufieeqa sia ariqau.

Ruka 20:19

Mooseena sandufa irimarusa faqa amaana maqasaa aanaiqikirausa faqa Yisufa maasara mi ufana qidanoo fee qimasee miqoo kai qumaree rumbararee qimasee faiqí aanaaseera rufiasee kaqi kasoomafiqa mina qumararanara rakisi mariqau.

Ruka 20:6

Maasa Yoohaneenara maqasaa fasiqakiqari fee qianaqa faiqí anaasee Anutuna tamummaqara fasiqa fee qimasee oonisamu maasa kuqa darifoora.

Mareekoo 12:12

Yuda maqannaasa Yisuna mi ufana iriseeqa oo maasara quandaidaqinoo manda koofi ququsasaa rakisirausara maasara qidaqinoo qimasee aanoommasee Yisufa mifa maasara amiqira sabeena aqusoosa maridee qidaqinoo, qimasee Yisuna rumbara ufa qidaqa faiqí aanaaseera rufiasee Yisuna minnisee moosaa fiqau.

Mareekoo 11:32

Maasa Yoohaneenara faiqí kai qimamiaafoo qianaqa faiqí anaasee kaqiqeesa maasa darifoora misa Yoohaneenara Anutuna tamummaqara fasiqee qimariafa marifaqee qimasee Yisuna qimamiqa qiqau, maasa sia ani ufa anoona irida fee qiqau. Miqi qimasoofanoo Yisufa kafaa nári qimanniminau, Doo amana innee qinindiara sia qimaqimiafaqa qinee faqa innee qiniara yafee qimaminoo fee qianara sia qimannimianaura.

Mataioo 21:25

Yisufa maaqi qimasee irammannimaqanau. Yoohaneefa nammari nimimarufa faiqí anaasee moomoo rumannimaqarana Anutuna ufamau fee rumannimaqeenoo fee faiqí moo ufamau fee rumannimaqeenoo fee innee minara nanee fee qidee. Misa minara quandafufaqa Yisunara iriandoo qimasee naundaindari narí qimami narí qimami qiqau. Maasa Yoohaneena nammari nimiranara Anutuna ufamau fimaru fee qifanoo Yisufa maasara nanaree innee mina iriaqaanna sia iriqau. Miqi qiandoora.

Mataioo 21:27

Misa miqi qimaseeqa quandasee akooqoo Yisuna qimamiqa qiqau. Sia maasa ani irarufa iridaqa. Yisufa minara iriseenoo qimanniminau. Qinee iraunnanara sia innee kooroomasee qini qimaqimiafaqa qinee faqa innee iraanara qini diqiqoonara sia kooroomasee inni qimannimianauranoo.