Mataioo 21:22 - Anutuna Ufa

²² Kaifaa anee nanainainaree Anutunara iraidanee anee aneenna irirana Anutunasaa rusisainafa marinana anee moo ainainara innaaru qinanoo mifa mi ainainna kai ani amiannoo.

Mataioo 21:22 Referans Kwoze

Mataioo 7:7

Anee ainainara sarauqinana Anutunara innaaru qinanoo ani amiannoo. Ainainara sarauqinana Anutufinnai randainanoo mifa uqafiqaani. Ainainara sarauqinana Anutuna kooqi arinanoo mifa kooqi rafaqaamasee ani amiani.

Mareekoo 11:24

Minara qinee inni maa ufana faqa qimannimidaqa innee moo ainainara innaaru qidaqa inni irirafa doo mareera foora miqiunoo qimasee irirana Anutunasaa rusisaifanoo aiqama innaaru qimariana Anutufa inni nimiannoo.

1 Yoohanee 3:22

Paasoosidaqa maasa nana ainainaree sarau ianna ainainnara innaaru qiananoo Anutufa maasa qimiannoo. Maasa mina ufara qimuqusannoo eedoo qimasee Anutuna aidimari oosana maraidaqa iraanna ainainara qiananoo mifa qimiannoo.

Mataioo 18:19

Qinee kaifaa moo ufa qimannimidaqa. Qaara fasiqa maa maqanasaa maqasaaqaraa nana ainainaree moodaaqoo naundura quqasee iraifanoo innaarunai qini qikoofa mi ainainna nimiannoo.

Yameesa 5:16

Inni nariara nariara manda irira irimariannana akooroomaseenana nariara nariara amiqiaqa. Inni aurirana taikaanifeera nariara nariara innaaru qiaqa. Andeeqara fasiqa innaaruqirafa afeeka ainaina maridanoo.

Yoohanee 14:13

Innee innaaru qidaqa qini duqusaa qimasee innaaru qifaqa nimianaura. Sia moo ainaina sia nimianaura innaaru qifaqa nimianaura. Qini qikoona afaaqa areenarafa qinisaaqari faqa areenaanifeera nimianauura.

Yoohanee 16:24

Maa maria kamu sia moo ainainara qiniara aqoondi fee qimasee Anutufinnai innaaru qimariananoo. Irammiriaqa. Irammirifanoo nimiani. Innee asasirafa anoonaikianifeera Anutufa nimiannoo.

Yoohanee 15:7

Innee qiniki marirara kai idaqa marifaqa qinee qimannimunna ufafa inniki marirara kai imarinaqa innee nana ainainaree qiniara iraifaqa nimianaura.

Mataioo 7:11

Innee manda oosana maree mariasa mariafanoo inneeqa faiqi namu innaaru qiafaqa amiqira ainaina kai nimimariafanoo. Innaarunai nikoofa amiqirafa uqanna maridanoo minara innaaru qimarinausa minara narí firaaqoo amiqirana amana kai amiqira ainaina kai nimiannoo.