Mataioo 21:16 - Anutuna Ufa

¹⁶ Amaana maqasaa rakisi marusa misa Yisuna qafoofanoo, faiqí anaasee amiqi amiqimmanniseenoo faiqiuqaindi idi ramamaqoofanoo minara irufanoo niranaqanau. Niranaqoofaqa Yisuna qimamida qiqau. Anee maa idina iridanee, sia fee iridanee. Miqi qufanoo Yisufa iriseenoo nariqa qimanniminau. Eeoo qinee iridaqa, ooqeenaa akara ufa sia fee innee faqa iridee. Mifa maaqi qinau. Anee faiqi aanaaqiuqa nári nimariasa faqa sakasee mariasa faqa nári nookiqari anoona nimooqira ufa uridanoo. Sia fee innee mi ufana iridee.

Mataioo 21:16 Referans Kwoze

Idi Ufa 8:2

Miqi qimasee faiqí aanaaqiuqaindi faqa naaqoo iriasa faqa ani amooqira idi raidaqa. Anee amiqiranaki marianaqa ani namuqaa sia ani arifaranoo. Nariara uriqararausee qimariasa anee misa aana ititannimaqee mariananoo.

Mataioo 11:25

Mikari Yisufa innaaru qimasee qinau. Qini qikoofa, maa maqana faqa innaaruna faqa rakisirafa dufi dufi ani ufa qinee maqee maqee maa ufana qimannimimarunnanara irirana faqaasa nifusaa rafaaqafunniseenana kaiqeesa nifusaa kooroo mannimaqee mariananoo.

Mataioo 19:4

Yisufa iriseenoo qinau. Sia fee innee Mooseena akara asaanaridee. Oosana arooqooqari Anutufa oosana araseenoo misa auqinau. Faiqí faqa anaasee faqa oosanaraseenoo auqinau. Sia fee innee mi akaranara iridee.

Mataioo 12:3

Yisufa iriseenoo qinau. Innee aaqaida miqi qimariafanoo Dafidina akara sia fee asaanari fee. Mifa faqa mina faiqi namufaqa naararoofaqa misa Anutuna amaana maaqaki Nooba maqusai marunaki keeqafufaqa amusarara feemu Anutuna amimaru feemuna naqau. Misa miqi mandee sandufa rukiaqau. Mi feemuna Anutuna maaqaki rakisirausa kai naaqee qimaru feemuna marasee naqau. Innee sia fee mina asaanari fee.

Mareekoo 2:25

Yisufa mina iriseenoo quandafi maaqi qimasee qimanniminau. Innee Dafidina oosana sia fee innee asaana ridee. Ooqai Saurooofa mina arirarufanoo sandeenoo aararee marufanoo Anutuna amaana maqaki Nooba maqusai marunaki keeqafinoo Anutuna amimaru feemuna marasee namasee akaqana marasee narí faiqi namufaqa nimufaqa naqau. Mooseena sandufa rukiasee nanau, aanaiqikirausa kai nee maria feemuna marufanoo sandufa rukiasee kaqiqeefa nanau. Mi aukuanna Abiatarafa aanaiqikirausa uriqararafa marinau. Innee moomoo kari mina asaana rimariafa mina oosana innee sia fee minara iridee.

Mataioo 22:31

Yisufa mi tamummaqarana aufakiana iriseenoo Sadikai amaana ufa qimariasa kaifaa maaqi qimaseenoo qimanniminoo qinau. Innee aaqamasee kuqiranakiqari sia findifiraree qiasa. Minara Anutufa inni qimannimiqoona sia fee innee mi akarana asaana rida fee.

Mareekoo 13:17

Mi manda aukuanna nimuaqu uqa faqaa aanaaseeuqa faqa faiqi aanaaqi faqaasa faqa mandaiki marifaranoo sandaranara anuqifaranoo.

Ruka 21:23

Mi aukuanna nimuaqu uqafaqaa anaaseeuqa naaquqaranaki mandainainaki marifaranoo, sandaranara anuqifaranoo faiqi aanaaqifaqaa anaaseeuqa miqikaimasee naaquqaranaki kadaapiriranaki marifaranoo. Anutuna aranaqarafa maa maqa maaqanaki marianara naaquqarafa aupurarafa firaaqoo mariannoo.