Mataioo 21:1 - Anutuna Ufa

¹ Misa Yeerusaree maqusa adeedi ramasoofanoo kaqikaa maqusa moo auqu Beetapaisa mi maqusafa aaqanasaa maridanoo, mi aaqanna auqu Oorifa aaqana, miqoo oorureenoo narí faiqinamukiqari qaaraqanda naaramaseenoo qimanniminau.

Mataioo 21:1 Referans Kwoze

Yoohanee 8:1

Oorifa aaqanai kaqimma ooru faiqeenoo iqaqoofanoo Yisufa Yeerusaree firaa amaana maqaki kaifaa ooquree keeqafufaqa faiqí anaasee moomoosa suqufufaqa mina fiqu fiqumma marufanoo ooqumarifi Anutuna ufa qimannimimarinau.

Ruka 21:37

Mi fasannai Yisufa faasaambaasaana firaa amaana maqaki faiqí anaasee minaki qimannimiiseenoo eenoofanoo rafudamakufanoo Oorifa aaqanasaa akara mafufanoo miqoo faiqanau.

Mataioo 26:30

Yisufa miqi qimasee qimannimisoofaqa misa namaseeqa Anutunara idi ramaseeqa raudamakufaqa asukunai Oorifa aaqanai ooru fiqau.

Mataioo 24:3

Yisufa Oorifa aaqanasaa ooru ooqu marifufaqa mina faiqi namu oorureeqa naríara marufaqa ooru irammiriqau. Anee faasai amaana maqara qiannana yairee fee miqiannoo fee. Maasa anee qumira aukuana nana ainainee qafamasee fee oo Yisufa qumira aukuana doo adeedi reenoo fee qianauree. Maasa maa aukuanna naqi fee inaqee maasa miqoo qafee fee maa marunna aukuanafa taikaannoo fee qianauree.

Ruka 22:39

Yisufa miqi qimaseenoo doo narí faiqi namu faqa findifinoo narí maqee maqee fimaruqoo Oorifa aaqanasaa ooru finau.

Mareekoo 14:26

Miqi qimaseeqa misa moo amaana idi ramaseeqa maaqakiqari raudamaki asukunaki fiqa Oorifa aaqana ameemaanai ooru mariqau.

Mataioo 20:34

Miqi qimasoofanoo Yisuna kaaqa amuqusufanoo asauku nifusaa mundinau. Mikari kai misa nifu maqasoofaqa miqanda Yisuna faqa fiqau.

Mataioo 21:2

Inneeqara kaqikaa maqusaki oonureeqa muqutinai mi maqusanaki doonki maridanoo, narí aanaaqindiri maridanoo oonureeqara miqanda ninukaki sanda rumbaqoona idukuseeqa miqanda nifiqeeqa aniaqa.

Mareekoo 13:3

Yisufa Yeerusaree firaa amaana maqakiqari raudamaki Oorifa aaqana amaana maqa adeedi marufanoo miqoo ooru ooqu marinau. Ooqu marifufaqa mina faiqi namukiqari Peetooroofa faqa Yameesafa faqa Yoohaneefa faqa Andurufa faqa minamusa qumee kukeeqaku narí maruqoo aniree qimamiqau.