Mataioo 20:6 - Anutuna Ufa

⁶ Eenoofanoo mi fasiqafa kafaa maqusai oonuree nindafoofaqa faiqí akaqausa kaqi ooqufaaqee marufanoo nindafeenoo qinau. Naqaa fee ifaqee innee kaqi kai maa faasaanna mariafanoo, doo eeneenoommi.

Mataioo 20:6 Referans Kwoze

Heeburu 6:12

Maasa innee kudoosaapee foora qikooqaidanoo. Akaqausa nári irirana Yisunasaa rusiranannai faqa ubiqasee reendeenamasee marirana niranannai faqa ooqai Anutufa qima afeekaikammasee nimira naundura qumiasana doo maree mariafanoo. Maasa inniara misa naanna ramasee maridaqa naundura qumiasana maraaqeera qidaqa.

Yoohanee 9:4

Qini diqiqoofa qini qimiqoo ainainirana sia amana asukunaki auqaanaura maasa faasaana auqaanaura. Doo kaqikaaqoo eendinaqa sia miqoo faiqí moo fannoo auqaannoo.

Aaquqira Ufa 19:15

Kudoosaapee maria oosanafa faiqarana kai amidanoo. Ainaina sia inafa aandaroo aruannoo.

Mataioo 20:5

Suani qambaanai ainaina faqaafa kaifaa maqusai oonureenoo akaqausa qimannimisoofaqa misa faqa ainainirannai fiqau. Suani afu muqunni mara ubeekoofanoo kafaa oonureenoo kaifaa miqi kai masee akaqausa qimannimisoofaqa misa faqa fiqau.

Mataioo 20:7

Misa iriseeqa qiqau. Faiqí moo fannoo sia qifaqa maasa mareeqa kaqi maridaqa. Miqi qimamufanoo mifa misa faqa narí ainainai nifiqee finau.

Mataioo 20:9

Eeneemaru inaaqianna fuasa misa aniroofanoo deenariasa munnimma moodaa moodaa niminau. Miqi kai masee aiqamausa niminau.