Mataioo 2:21 - Anutuna Ufa

²¹ Miqi qufanoo Yooseefaafa irinoo faiqi qisanoosa nifiqeeno kaifaa anirandeenoo Isaraee maqasaa ooru finau. (Isaraee firaa maqa maaqa marunaki minaki dinni atinai Yuda maqa maaqa marinau.)

Mataioo 2:21 Referans Kwoze

Heeburu 11:8

Abarahaamafa faqa Anutunasaa irirana rusi marufa marinau. Anutufa Abarahaamana aaramaseenoo qimaminau. Anee anirainaqa fuka maqa maaqa anindi kianinnana uqafiqaanaura, anee miqoo fua. Miqi qufanoo Abarahaamafa iriseenoo narí irirana Anutunasaa rusiranannai eedoo qimasee narí maqa maaqa minnisee sia qafee maru maqa maaqanaki kaqimbinau.

Oosana 6:22

Nooafa Anutuna ufa iriseenoo mifa qundee kai inau.

Mataioo 2:20

Findifi doo fua. Faiqi qisanoosa nifiqee kaifaa Isaraee maqusai ooru fua. Ooqai faiqi ariraru fasiqafa doo kuqinoo.

Mataioo 2:22

Yuda maqasaa oonureenoo Eeroodeena mina amaaku auqu Aakeerausifa doo mifa narí akoona ainaina afapita qumareenoo rakisirafa marinau. Yooseefaafa minara iriseenoo rufiee marinau. Qainasaa afunnaroofanoo Isaraee maqa maaqa dinnatinni Kariree maqa maaqaki oonu marinau.