Mataioo 2:16 - Anutuna Ufa

¹⁶ Eeroodeefa fasau asaana rimarusa nifeesida marusianoo akaru qimasee moo aatata fifufanoo Eeroodeefa minara irinoo aranaqeenoo sia kaiufanoo narí firisuaiqauqa niqiqoofaqa misa Beetareeqeemma maqusa faqa dinni dinni marusa faqa akoonaiqi aanaaqi kai aiqama rutuku taikanau. Eeroodeefa fasau asaana rimarusara mi fasaunara irammirusara minara oonu mafi iriseenoo faiqi naridaqa Yisuna faqa aruaqeera minaramma irinau. Minara irisee qaara aukuana mararausa faqa qambaana aukuana mararausa faqa aanaaqi maqee maqarausa faqa minara iriseenoo akoonaiqi kai aiqama rutuku taikanau.

Mataioo 2:16 Referans Kwoze

Aaquqira Ufa 28:15

Manda oosana maree mari karaambaiqafa kudi fasiqa anaasee manda rakisira rakisinnimaqee marifa kaasau kuarara foora faqa kaasau fainiara foora faqa maridanoo.

Uqafiqoo Ufafa 17:6

Qinee Yoohaneesa mina akara qafeeqa mi anaaseena oosana qafaunanoo furufaramminoo marifaqa qafeeqa. Mifa Anutuna maqasaaqaraa faiqí anaasee fidika faqa Yisuna ufara afeekaiki mariasa fidika faqa uainna nammariara foora misa narusee misa fidika neeneeseenoora foora furufarinoo nimari anaaseefa. Qinee mina qafamasaunanoo firaaqoo daaquqeenoo. Qangiroo fannoo miqiafananoo qiqafeenoo qinau.

Oosana 49:7

Inniqara aannoo qiranasaa niqirafa mariannoo. Innee kaqi fifau nárí marianara minara niqirafa mariannoo. Isaraee maqa maaqakina inniqara faiqi namu furufaramambuaqa.

Aaquqira Ufa 28:17

Faiqí kuqa arinafa narí madika indufidanoo. Sia moo fannoo mina dadaaqiannoo.

Oosana 39:17

Aniroofanoo mi ufana kai qimaminau. Maa Qeeburu maqannaa anainira faiqina anee miniqaanafa qini maaqaki keeqafi qini faqa manda oosana auqarara inoo.

Mataioo 2:1

Eeroodeefa rakisimaru aukuanai Yisufa Yuda maqa maaqaki moo maqusaki Beetareeqeemma maqusai kambiqanau. Yisufa kambiqoofaqa irirana faqaasa fasau asaana rimarusa, fasau asaana rumasoofanoo uqannifiqoofaqa suani afu oosana qaanaindari nianaindari faiqaqa aniufaqa Yeerusareenni aniqau. Misa aniree Yeerusaree maqannaasa irammiriqa qiqau.

Mataioo 2:7

Eeroodeefa mi ufana iriseenoo fasau asaana rimarusa qumee naaramma quqaseenoo irammirinoo qinau. Mi fasauna innee indaaru qafoofanoo kambiqoo kamuqoo mina oosanara idaaqamasee andeeqasee qimaqimiaqee qinau.

Mataioo 2:17

Faiqi aanaaqi aiqama rutuku taikasoofanoo Anutuna tamummaqara fasiqa auqu Yeereemaia mina ufa anoona kambiqanau. Mifa qinau.

Uqafiqoo Ufafa 12:4

Mina ameesa fannoo innaarunaidaraa fasau moomoo nukudara foora rarisameeqeenoo maqai aqimarinau. Mi qaareenafa amuaqu uqaikira anaasee oorisaa kikinoo maridanoo faiqi maqasainanoo nambiqarara rakisidanoo.