Mataioo 2:11 - Anutuna Ufa

¹¹ Misa oonureeqa maaqaki keeqafufaqa faiqi aanaaqi kaqikaaqoo afeekaikinoo narí anoona Mariana faqa marufaqa ireeda rufia rufia idaqa ooru keeqafi qafaqau. Mi fasiqausa naaquqoofaqa ooqumarifufaqa noorindari maqasaa kummara mafufaqa amooqimamaqaida susumamaqaqau. Misa Yisunara amooqimaseeqa karaambaiqa nimimaru ainaina minammamiqau. Sia kaiqeesa nimimaruna Yisuna amiqau. Amiqira ainaina idukusee koora munnimma aabaa kai amiqau. Kaifaa afundimaru saqari anoona makaqa anoona fooqaana misa mina faqa aabaa amiqau nári maqusai firaa feefaurummamaree anuna maree mini aabaa amiqau. Kaifaa moo saqari anoona afundi maruna faqa, mandeefana anoona fooqaafa miqi kai iqa aabaa mina amiqau.

Mataioo 2:11 Referans Kwoze

Idi Ufa 72:10

Sipeena maqannaa karaambaiqauqa faqa kaqikaa afuma kiaqa maria karaambaiqausa faqa amiqira ainaina mara maree Isaraee maqannaasa karaambaiqa mini amifaranoo. Seebaa faqa Sibaa maqannaa karaambaiqauqa faqa amifaranoo.

Mataioo 2:2

Inni Yuda maqannaa karaambaiqai kianinafa kambiqaina, yamaqusanaki fee maridanoo fee maasa qeeqa maqusai nianai maridaqa narí karaambaiqa maqooqoo fasau irafufaqa qafamaseeqa mi faiqinara dufi dufi qimamaqarara anidaqa.

Idi Ufa 95:6

Doo aniaqa, aniraifaqa mina oorinni kummara mafi amooqia. Yaaweefa maasa auqunara maasa mina oorinni qiqoori saunu arafi mina amooqia.

Idi Ufa 72:15

Mi karaambaiqafa kisaaqasaa mariani. Seebaa maqannaasa nariqa koora mi karaambaiqana amiaqanani. Aiqamausa maqee maqee Anutufa mi karaambaiqana dadaaqiani feera innaaru qimamaqaaqanani. Aiqama faasaana Anutufa mina amiqimma amaqaani.

Uqafiqoo Ufafa 19:10

Miqi qimasoofaqa qini daaquqoofaqa mi qangiroona aikuki doorindari aqufumafi amooqianeeriafananoo mifa qaoo qimaseenoo qinau. Oo anee sia miqia. Aiqama Yisufa kooroo ira anoona ufa qumaree mariasa ani faqa ani akaqaafasaauqa faqa moodaa ainainimarunausa maridaqara anee sia qini qimooqia Anutuna kai amooqia. Yisufa narí maru aukuana narí anoona ufa koorooinau. Mi ufafa kai Yisufa sia kambiqoo aukuana tamummaqara fasiqauqa naakufufaqa qimannimufaqa akara riqau.

Mataioo 14:33

Sipaki kaqi marusa misa mina qafamaseeqa naaquqoofaqa Yisuna oorinni anireeqa noorindari mapamufufaqa Yisuna amooqiqa qiqau. Kuqaa anee Anutuna amaaku mariananoo qiqau.

Ruka 2:38

Simeeoonafa Mariana qimamimarufanoo Anaa nammarifa anireenoo Yisunara Anutunai dufi dufi qimasee doo miqooqari mi faiqi anaqina Anutufa asumu marirana nimianinafa ani maridanoo fee qimasee aiqama Yeerusaree maqannaasaki akaqausa Anutuna asumu marirana afeesimariasa qimanniminoo ninau.

Rafudoo Akarafa 30:34

Yaaweefa kaifaa Mooseena qiminoo qinau. Moosee anee oosana oosana amiqira undi mari pauraqana sitakatee pauraqa faqa oonikaa pauraqa faqa karabanumma pauraqa faqa amiqira makaqa anoona faqa aiqama amana amana kai maraa.

Oosana 43:11

Miqi qufanoo misa nikoofa qimanniminau. Doo amana inneeqa miqiqa miqiaqa. Innee maa maqa maaqana kinaana amiqira ainaina inneeqa uqaki rumammareeqa kaqi nimi maria ainainnara foora muqu mi maqannaasa uriqararana amiaqa. Saqari anoona qoodaa faqa ookasaasa anoona qoodaa faqa adiafaa imari saqari qaqamana anoona faqa oofauna fooqaa ira ainaina anoona faqa kasa fooqaana anoona faqa maree ooqu fuaqa.

Idi Ufa 45:8

Ani qamunna makaqa mandeefana undidanoo ani karaambaiqa amiqira maaqakina aiqama ainainauqa eereefanta aanainnai auqira ainainauqa kai maridanoo. Minaki piripunna oosana oosanannai auqaafana anee asasimariananoo.

Idi Ufa 2:12

Naindiri ree marinaqa mina oorinni niqoori saunu araaqa. Innee sia miqifanoo mifa aanoo qinaqa innee kuqifaranoo. Mifa itita qimaqaanifee qimasee mifinnai fimariasa asasi mariasa maridaqa.

Rafudoo Akarafa 30:23

Moosee anee makaqa anoona moomoo 6 kilograms faqa isaaqa anoona moomoo 3 kilograms faqa amiqira undi mari innupina anoona moomoo 3 kilograms faqa maraa.

Mataioo 1:18

Ooqai Anutuna asauku mundirafa Yisufa mina maqoo ufafa maaqimminoo maridanoo. Mina anoofa Mariafa faqa mina áqoonafa Yooseefaafa faqa qutaaqama amaqarafa mariqau. Miqanda naadu naadu mariqau. Miqinoo maridanoo Mariafa amuaquqaikinau. Anutuna kaaqa areenara maraquna fannoo Mariana aranandakina anoonaikufanoo amuaquqaikinau.

Mataioo 2:10

Misa mi fasaufa faiqi aanaaqi maruqoo kasoo inoo marufaqa qafamaseeqa nimuqusa idaaqufaqa nimudaani itairi fufaqa susumamaqaqau.

Mataioo 12:46

Yisufa miqikaimmasee faiqí anaasee ufa qimannimi marufaqa Yisuna narí anoofa faqa mina akaqaafasaauqa faqa aniree naambeeqai kikiqamafufaqa qimamianee qufanoo faiqí moo fannoo mina irisee maaqaki oonu Yisuna qimaminau.

Yoohanee 19:39

Nikoodeemusafa ooqai indaaru asukunaki Yisuna faqa ufa qiqiufa maridanoo mifa Yooseefaana dadaaqinau.