Mataioo 2:10 - Anutuna Ufa

¹⁰ Misa mi fasaufa faiqi aanaaqi maruqoo kasoo inoo marufaqa qafamaseeqa nimuqusa idaaqufaqa nimudaani itairi fufaqa susumamaqaqau.

Mataioo 2:10 Referans Kwoze

Idi Ufa 105:3

Maasa Yaaweenaindi marunnanara asasiaqa. Innee minara amooqi mariasa asasiaqa.

Ruka 2:20

Sipsipasaa rakisirausa anirandee fidaqa nariqa irunara faqa qafoonara faqa qangiroo ufamau fiqa paqurunara faqa asasira idi raqau.

Ruka 2:10

Sia rufiaaqa, amiqira fasaasa ufa aiqama maqa maaqakinaasa firaa asasira ufatia qimannimirara qumidaqa.

Idi Ufa 67:4

Oo Anutu, anee faiqí anaasee aiqama amana amana kai andeeqasee rakisi mariannana faqa amiqimmasee naamua qimasee nifiqee fimariannanara faqa aiqama maqannaasa asasammasee idi raidaqa.

Mataioo 2:9

Mifa miqi qufaqa misa findimeeqee Beetareeqeemma maqusai fiqau. Aanai fimarufanoo fasau fannoo aana amummaqa uqannifiqanau. Mi fasaufa misa nariqa maqusai suani oosanaindari maridaqa qafoo fasaufa kai mi fasaufa kai nifiqanoo fifiufanoo faiqi aanaaqi maruqoo mina amummaqa kasoo inoo marinau.

Mataioo 2:11

Misa oonureeqa maaqaki keeqafufaqa faiqi aanaaqi kaqikaaqoo afeekaikinoo narí anoona Mariana faqa marufaqa ireeda rufia rufia idaqa ooru keeqafi qafaqau. Mi fasiqausa naaquqoofaqa ooqumarifufaqa noorindari maqasaa kummara mafufaqa amooqimamaqaida susumamaqaqau. Misa Yisunara amooqimaseeqa karaambaiqa nimimaru ainaina minammamiqau. Sia kaiqeesa nimimaruna Yisuna amiqau. Amiqira ainaina idukusee koora munnimma aabaa kai amiqau. Kaifaa afundimaru saqari anoona makaqa anoona fooqaana misa mina faqa aabaa amiqau nári maqusai firaa feefaurummamaree anuna maree mini aabaa amiqau. Kaifaa moo saqari anoona afundi maruna faqa, mandeefana anoona fooqaafa miqi kai iqa aabaa mina amiqau.