Mataioo 19:9 - Anutuna Ufa

⁹ Qinee qimannimidaqa, faiqí yafee narí anaaqa sia ummuarimari anaaseena andeeqara anaasee kaqi minniseenoo moo anaasee marainafa, mi fasiqafa qumuarammidanoo.

Mataioo 19:9 Referans Kwoze

Mataioo 5:32

Mi ufafa miqimminoo maridanoo, qinee Yisusa minara maaqi qidaqa. Faiqí moo fannoo narí anaaqa aqiqee mariana sia ummuari mari anaaseena amiqimari anaaseena fifau aqiqee marifa mi fasiqafa narí anaaqa mareeqeenoo ummuariranaki quqaidanoo. Quqasaifanoo faiqí moo fannoo mi anaaseena maraifa mifa faqa ummuarammidanoo.

Ruka 16:18

Faiqí moo fannoo narí anaaqa minnisee moo anaasee marainafa qummuarimari fasiqafa mariannoo, faiqí moo fannoo minnisainna aanaaseena marainafa mifa faqa qummuarimari fasiqafa mariannoo.

1 Koorinti 7:39

Anaaseeuqa nári nifaaqmaaka faqa kaqi marianara sia oonuree aniree iqanuaqa. Nári nifaaqmaaka kuqufuafaqa miqoo nári nidimari fasiqana amana mareefara. Moodaa ainaina kai mariannoo, Yisuna ufa irimarinna anaaseefa Yisuna ufa irinnana kai maraannoo.

1 Koorinti 5:1

Oo Koorinti maqannaa Yisuna ufara suqimariasa inni ufa moo iriqa firaa manda oosana inniki marifa aamina maqannaasa firaaqoo mandoosana maree mariasa faqa sia maree maria oosana mareenoo inniki Yisuna ufa irimariasaki moo fannoo narí anoona aqoonnana narí akoona anaaqa mareenoo.

Oosana 20:3

Miqoo marufanoo Anutufa Abimeereekana qaina saa kooroo qimasee qimaminau. Anee kuqinnaranoo maa anaaseena anee maraannana moo fasiqa anaaqa maridanoo.

1 Koorinti 7:4

Anaasee fannoo sia narí afaaqa rakisirafa maridanoo narí afaaqi fannoo mina afaaqasaa rakisidanoo, miqi kai masee faiqí fannoo sia narí afaaqara rakisirafa maridanoo narí anaaqa fannoo mina afaaqasaa rakisidanoo minara qinee qidaqa nariara nariara nidimari ainainna narami narami iaqa.

Mataioo 19:8

Yisufa iriseenoo qinau. Inni irirana mandaikinara inni nimuqusa sia amaqi marifa afeekaikinoo amatooki marinara minara kai Mooseefa akooqee marufanoo inneeqa ninaaqara minnisaaqee qinau. Indaaru kuradoo aukuana sia miqinoo marinau. Miqoo Anutufa miqandara apiqa mariaqee qinau.

Mataioo 19:10

Mina faiqi namu aniree qimamidaqa qiqau. Faiqí anaasee miqiqa maridaqa amana faiqí nariqa kai maridaqa adeedaana mariaqaana. Maasa andeeqaidee sia fee andeeqaidee.