Mataioo 19:5 - Anutuna Ufa

⁵ Anutufa minara maaqi qinau, qinee oosana arooqooqari faiqi faqa anaasee faqa auquafannanara faiqí narí anoona akoona minnisee narí anaaqa faqa moodaanakikiannoo. Miqoo nariqa miqanda moodaa marifaranoo.

Mataioo 19:5 Referans Kwoze

1 Koorinti 7:4

Anaasee fannoo sia narí afaaqa rakisirafa maridanoo narí afaaqi fannoo mina afaaqasaa rakisidanoo, miqi kai masee faiqí fannoo sia narí afaaqara rakisirafa maridanoo narí anaaqa fannoo mina afaaqasaa rakisidanoo minara qinee qidaqa nariara nariara nidimari ainainna narami narami iaqa.

1 Koorinti 7:2

Kafaa mina atiki maaqi qianaura. Faiqí anaasee narí ummuari narí ummuarirafa moomoo marinara aiqama fasiqauqa nári ninaaqa maraaqa, aiqama aanaaseeuqa nári nifaaqmaaka marasee andeeqasee mariaqa.

Eefeesusa 5:31

Ooqeenaa tamummaqara fasiqauqa akara mina maaqimminoo maridanoo, Anutufa qunara faiqí moo fannoo narí anoofa akoona minniseenoo narí aanaaqasaa atooqafinoo miqanda moodaa kara mafifaranoo.

1 Koorinti 6:16

Faiqí moo fannoo narí afaaqa mareenoo dapi maraqa nua anaasee finnai finanoo mi fasiqana afaaqa fannoo mi anaaseena afaaqandiri moodaanaki atooqafuannoo. Oo innee sia minara irimariafanoo. Ooqeenaa akara minara maaqi qimasee akooqoo qidanoo Miqanda moodaa nifaaqaikamambi maruqanda marifaranoo.

Idi Ufa 45:10

Oo fuka amundara anaasee anee aneenna aaqoo ramatinimmafi qini ufa iria. Aneenna maqannaa faqa aneenna ainainara faqa qaunuseenana aneenna afaaqi maqa maaqaki kai maria.

Roomma 12:9

Inniki nariara nariara nimuqusirafa inniqa nimuqusannai kai nariara nariara nimuqusiaqa. Innee aiqama manda mariranara fidiaqaamasee amiqira marirana kai rakisisimma qumaraaqa.

Idi Ufa 63:8

Qinee anisaa atooqaidaqa. Ani asauku uqannai asauku fannoo qini asumu maraidanoo.

Oosana 34:3

Mifa qafoofanoo Dinnaa nammarifa kaaqa amiqirafa marufanoo amuqusa mandaikufanoo amiqira ufannoo mi manaaqana amuqusa reendeenianee qimasee amiqira ufauqa qinau.

Mataioo 19:6

Yisufa minara kaifaa qimanniminau. Miqanda sia qaaraqanda marifaqa moodaa amaqiara foora marifaranoo. Anutufa moodaanaki aquminafa sia uqanna faiqí idukuaqa.