Mataioo 19:23 - Anutuna Ufa

²³ Mifa fifufanoo Yisufa narí faiqi namu maaqi qimasee qimanniminau. Kuqaa ufa anoona ufa qinee qimannimidaqa. Faiqí moo fannoo ainaina faqaafa innaaruna maqa maaqaki keeqaaneera anuqinnara mammaqamminnaranoo.

Mataioo 19:23 Referans Kwoze

Mataioo 13:22

Amuka faqaanaki aqufu qaqammafa moo fasiqara foora maridanoo. Mifa Anutuna ufa irinoo maqasaa kadaapirirana faqa kaaqa ainainara munnimmara amuqusirana faqa mi ainainafa mi ufana anukaki kukuqinoo sia qaqamma iraidanoo, sia anoona kambiqaidanoo.

Mareekoo 10:23

Mifa fufanoo Yisufa quandakinoo narí faiqi namu qimanniminoo qinau, ainaina moomoo faqaasa Anutuna ququsaki keeqaranara anuqifaranoo.

Ruka 18:24

Yisufa mina oori runirana qafamaseenoo qimanniminau, qumiasana moomoo faqaasa Anutuna ququsaki keeqarara firaaqoo anuqidaqa.

1 Koorinti 1:26

Oo Koorinti maqannaasa, maanara naaqooki iriaqa inni Anutufa naaroo aukuanna Yisuna saqariku aukuanafa innee mikari irirana faqaasa moomoosee mariqee iqau. Faiqí faiqi irirana faqaasa sia moomoo inniki mariqau. Faiqí faiqi afeeka faqaasa sia moomoo inniki mariqau, sia faiqí uriqararausa moomoo inniki mariqau.

Yoohanee 3:3

Yisufa iriseenoo narí qimaminoo qinau. Qinee anoona ufa ani qimamianaura. Faiqí Anutufinaindari kafaa fukasaa aanaaqi aanaaqi kamafinausa kai Anutuna ququsaki keeqeefaranoo. Kaqi marinausa sia amana fifaranoo.

Aaquqira Ufa 11:28

Nári qumiasanasaa mundi mariasa ufai firaafa uqnoo saqari amanee rauqu aqusaifafanoo maqasaa aqufindee mifaranoo. Andeeqara oosana maree mariasa misa sia fuka saqari amanee rafoora amiqi amiqi faranoo.

Yameesa 2:6

Anutufa miqimasee ainaina siaisa uqeeraifaqa inneeqa ufannai rainannimaqaidaqa unnaqimasee misara maqasaa ooqu mariaqee qimariafanoo. Yafa yafee inni Yisuna ufa irimariasa mareeqee ufaki siaasinnai quqaida fee, ainaina faqaasa kai miqidaqa innee aaqaidaqa misara amiqira qoo ooqu mariaqee qimariafanoo. Anutufa inniara narí amaakundi fee qimaqoofa marifaqa ainaina faqaasa kai miqiasara manda fasiqee qidaqa Yisuna uriqararana aquraraidaqa fidiaqaammamaqaidaqa.

Yoohanee 3:5

Yisufa iriseenoo qimaminoo qinau. Qinee anoona ufa ani qimamidaqa. Faiqí kaqimarinausa sia uqanna Anutuna ququsaki keeqeefaranoo. Anaasee aranandaki kambiqainausa quandafi Anutuna maraqunannai faqa fukasaa aanaaqi kamafinausa kai Anutuna ququsaki keeqeefaranoo.

Mataioo 18:3

Qinee kuqaa anoona ufa inni qimannimida. Innee sia oonu quandakinaqa sia kafaa aanaaqi aanaaqi kammafinaqa innaaruna ququsaki sia fifaranoo.

Mataioo 5:20

Innee iriaqa Mooseena sandufa akoofasauqa faqa Farisai amaana ufa qimariasa faqa misa irirafa sia andeeqanoo maridanoo sia uqanna innaarunnai fifaranoo. Innee faqa inneeqa andeeqara oosana misa nimana kai ooreeqaqa maridaqa sia amana innaarunai fifaranoo. Inni andeeqara marirafa misaindi firaaqoo oorinaaqaramasee marinaqa innee amana innaaruna ququsaki fifaranoo.

Mataioo 21:31

Mi fasiqaqanda indaaruqaa fee inaaqianaa fee nári nikoona ufa aindusinoo fee qifaqa qinee irianaura. Misa iriseeqa qiqau. Indaaruqaafa mifa narí akoona ufa aindusinau innaaqianaafa sia aindusinau. Yisufa minara iriseenoo maaqi qimasee misara akooqoo qimanniminau. Miqi kaimmaseeqa kaaqa faiqí maraqanua anaaseesa faqa ummuarira takisa munnimma maree mariasa faqa misauqa Anutuna ufara eedoo qimasaidaqa inni indaaru kamannisee Anutuna ququsaki keeqaidaqa.

Mataioo 19:22

Mi kumaaraafa mi ufana iriseenoo oori akooqamaseenoo finau. Narí ainaina moomoo marunara minara oonumafi iriseenoo oori akooqamaseenoo finau.