Mataioo 19:21 - Anutuna Ufa

²¹ Yisufa iriseenoo qimaminau. Anee innaarunai atisaa kai mariananoo. Anee aiqama maraannee qimaseenana aneenna qumiasana aiqama mara mareenana moo atinai nimiseenana feefauru maraseenana kudifasiqauqa nimisainanoo ani qumiasana ani afeesara innaarunai mariannoo. Miqinana doo ania, qini faqa fua.

Mataioo 19:21 Referans Kwoze

Mareekoo 10:21

Mi fasiqafa miqi qufanoo Yisufa minara aidufanoo andeeqasee mi fasiqana oori qafamasee qinau. Anee moodaa ainainara kai sia auqaananoo. Anee aneenna ainaina aiqama marasee faiqí akaqausa nimisee minasaa munnimma maraseenana kudi fasiqausa nimisainanoo ani qumiasana ani afeesara innaarunai mariannoo, miqinana doo ania, doo qini faqa aniree fua qufanoo mi fasiqafa mina iriseenoo narí moomoo ainaina marunara amuqusufanoo oori runusee finau.

Ruka 18:22

Yisufa iriseenoo qimaminau, moodaa ainaina kai anee sia amanaikianano anee aneenna qumiasana moomoo marina makeetamasee munnimma maraseenana kudi fasiqa aanaaseeuqa nimisainanoo ani qumiasana ani afeesara innaarunai mariani, miqimaseenana anee qini faqa ania.

Ruka 12:33

Innee inneeqa qumiasana moosa nimisee feefauru maraseeqa kudi fasiqa anaasee nimiseeqa, mi andeeqaranannai innee sia afauqaqaaninna munnimmara foora maraseeqa afeediaqa inneeqa aiqama qumiasana innaarunai kai afeediaqa, miqoo sia oorudupiannoo sia ummuara fasiqa fannoo maraannoo sia qooqoosa aukuanno.

Ruka 14:33

Miqi qimaseenoo Yisufa minara qimanniminau, miqi kai masee innee faqa qini faqa firanara amiqimasee iriaraasamaseeqa inneeqa aiqama ainaina minniseeqa qini faqa aniaqa. Sia miqiqa sia amana qini faiqi namukifaranoo.

Yoohanee 12:26

Innee Kirisa maqannaasa qimannimia. Yafasiqa anaasee fee qini ainainira faiqikiraree qimaseenoo aufadeemarifa mifa narí maaqoo marirana quqasee qini faqa finafa qinee fuannannai mifa faqa miqoo oonu marida qini dadaaqiannoo. Yafasiqa anaasee fee qini duqu uqeeraannoo mina auqu faqa qini qikoofa uqeeraannoo.

Ruka 9:23

Yisufa quandaki aiqamausa qimannimidanoo qinau, faiqí moo fannoo qini faqa firaree qimasee qini ufamau finafa narí marirana minniseenoo faasaambaasaana qini ufasaara kuqa dariranara amanaikidee qinafa qini faqa fidanoora foora qini ufamau fuannoo.

Yoohanee 10:27

Qini sipsipauqa qini ufa iridaqa qinee misara faqa iridaqa, misa minara aiqama qini faqa fidaqa.

Mataioo 5:48

Inni innaarunnai nikoofa andeeqarana fiqararafa maridanoo. Sia namuqaa fee qidanoo, sia maana qini qiqoondi fee qidanoo aiqamausa amiqi amiqimannimaqaidanoo. Innee faqa miqi kai iqa mina aanna raaqeera qidaqa.

Ruka 16:9

Qinee inni qimannimidaqa, maa maqanasaaqaraasa nári afeeka iriranannai kaaqa afeekaikamasee maaqoo mariranara iridaqa munnimma aina afeedidaqa. Innee faqa misa naanna ramasee kaaqa afeekaikamasee naaru marira afeedira ainainakiara munari minari masee inneeqa maaqooqaraa manda munnimmannai sarau imariasa dadaaqiqa innaarunai asumu mariranaki moomoo ainaina afeediaqa.

Mataioo 19:28

Yisufa iriseenoo misa qimanniminau. Qinee kuqaa anoona ufa inni qimannimidaqa. Fuka maqa maaqa Anutufa kasooqaqee auqusainaqa qinee faiqí nimaaku qini firaa kaaqa qara ufirira qaarisaa, qaari ufiqisee minasaa ooqu mari finaqa faiqí aanaaseesaa rakisi marianaqa innee qini faqa fimariasa innee qisaukuqara taikasee qikunni ooqu qaara marasee nári ufirira qaarisaa qini faqa ooqu marififaranoo. Innee miqooqari Isaraee maqannaa qikunni ooqu qaara marasee oosana Yakooboona faiqi namu atikiqari kambiqarausa misa niku nisaukusaa rakisifaranoo.

Mataioo 16:24

Qinee aunirira saqarisaa kuquanaura. Faiqí anaasee moo fannoo qini iriranamau finafa miqi kai iannoo. Narí marira ainaina mai uturuqu quqaseenoo qiqa duqusaara qiqa ufasaara, qiqa daanna ramasee kaqi kuqariranaki keeqaani.

Ruka 6:40

Akara maqaki keeqeemari kumaaraafa sia amana narí uqafiqee marina uraaqaraannoo, akara maaqaki keeqarafa taikaseenoo mikari narí uqafiqeemari fasiqana amanasaa mariannoo.

Ruka 5:27

Miqooqari Yisufa raudamaki moosaa fidanoo Roomma maqannaa kiapana takisa munnimma maree maru kuskusafa mina auqu Reefina amarafa narí oopisaki marufanoo Yisufa mina qafamaseenoo qimaminoo qinau, aniree qini faqa fua qufanoo Reefifa findifinoo aiqama ainaina minniseenoo mina faqa finau.

Mareekoo 8:34

Miqi qimaseenoo narí faiqinamu faqa naarama quqaseenoo qimanniminoo qinau, moo fannoo qini faqa fuani qinafa narí maaqoo mariranara minniseenoo qini ufa saara qini daanna ramasee eedoo qimasee kuqiranaki fuannoo.

Mataioo 9:9

Yisufa miqooqari moosaa fimarufanoo faiqí moo fannoo mina auqu Mataioo narí oopisaki marufanoo Yisufa qafanau. Mi oopisana takisa aqimaru oopisanaki marinau. Takisa maree maru fasiqausa ummuari marusa misa moomoo maraseeqa akaqana naríara quqasee dinni ati kaamanna amimariqau. Minara faiqí anaasee kaaqa nikooqee marinau. Mataioofa mi munnimma ainainna maree marufa marinau. Yisufa Mataioona qafeenoo aaramaseenoo qinau. Doo qini faqa ania. Mataioofa Yisuna ufa iriseenoo findimeeqeenoo mina faqa finau.

Heeburu 10:34

Innee karabusaki mariasa dadaaqidaqa narana munu nimiranannai misa aupurarana inne faqa maree mariafanoo. Faiqí anaasee aniree aanoomasee inni maaqakinaa ainaina aiqama animaree fifuafaqa sia innee minara noori runuafanoo, innee asasa kai mandee mariafanoo. Innee inneeqa maa maqanasaaqaraa qumiasanara fifau oorudupira ainainee qimasee innaarunai uriqarara naaru marira ainainara maridanoo fee qimasee sia ikiraqaafanoo, innee asasimariafanoo.

Mareekoo 2:14

Mifa mi saqa oonuree aniree idanoo faiqí moo narí maqannaasa takisa munnimma mareeqeenoo Roomma maqanna nimimaruna paqurinau. Mi fasiqana auqu Reefifa mina akoofa Arafaiusafa marinau. Reefifa narí oopisaki ooqumarifi marufanoo Yisufa mina qafamasee aniree qimaminoo qinau. Anee qini faqa fua qufanoo, Reefifa iriseenoo aaqee findifinoo Yisuna faqa finau.

Mataioo 8:22

Yisufa mina ufa iriseenoo maaqi qimasee qimaminau. Maqee uqanna qini faqa ania. Naaruara kuqiranaki fifandinausa misa kai nári niqoonnana akundeefaranoo.

Mataioo 4:19

Yisufa miqanda paqurimasee qimanniminoo qinau. Inneeqara qini faqa aniaqa. Inneeqara maqee maqee noodaanna maree mariaqanda mariafanoo qini faqa anireeqa faiqí noodaannara foora mareeqee Anutuna ququsaki quqeefaranoo.

Idi Ufa 37:37

Anee ufa siai fasiqana faqa andeeqara aatata fimari fasiqana faqa niuqummasee qafaa. Asooara oosanaki reendeennammasee mariasa maa maqanasaa misa saaqari kambiqainausa faqa kisaaqasaa marifaranoo.

Oosana 17:1

Abarammafa mariufanoo 99 aukuana marasoofanoo Karaambaiqa mina afusa kooroo mafi qimaminau. Qinee aiqama afeeka faqaa Anutusa maridaqa. Anee aiqama kari qini ufa qaindusidana andeeqara ainaina kai auqaa.

Oosana 6:9

Nooana oosana maaqimminoo marinau. Nooafa kai sia aaqarana marufa marinau, narí faqa marusakiqari naríaraa kai andeeqarafa marinau. Mifa kai Anutuna aqoondikiranaki marinau. Mina amaaku qaarammoo namu mariqau. Misa nuqu Seemmafa faqa Qammafa faqa Yafeetafa faqa mariqau.

Mataioo 19:20

Mi kumaaraafa iriseenoo qinau. Anee qianandee mi sandufausa doo aiqama maraqaunausa maridaqa. Nana saika fee moo faqa qinee auqamasaananoo fee Anutufa naaruara marirana qimiannoo fee.

Mataioo 19:22

Mi kumaaraafa mi ufana iriseenoo oori akooqamaseenoo finau. Narí ainaina moomoo marunara minara oonumafi iriseenoo oori akooqamaseenoo finau.