Mataioo 19:13 - Anutuna Ufa

^13-14 Misa faiqí anaasee, nári faiqi aanaaqiuqa moomoo nifiqee Yisufuqoo aniqau. Yisunara mina asauku misasaa munduseenoo innaaru qianifeera nifiqee aniqau. Yisuna faiqi namu faiqí anaasee nári faiqi aanaaqi farafara qiaafoo qimasee niqiqamasoofanoo Yisufa qinau. Saifaqa maree aniaqa. Sia rafaaqafunnisaaqa. Innaaruna maqusa miqirausaindi maridanoo.

Mataioo 19:13 Referans Kwoze

1 Koorinti 7:14

Yisuna ufa irimari anaaseefa narí afaaqindiri moodaa fara maqi mafuanara mi anaaseefa narí afaaqi mareeqeenoo Anutuna aqoondikiranaki quqaidanoo miqidanoo. Kafaa Yisuna ufa irimari fasiqafa narí aanaaqandiri moodaa fara foora mafuanara narí anaaqa sia amaana ufa irimarina maramareenoo Anutuna aqoondikiranaki quqaidanoo miqidanoo. Sia miqinoo marinanoofau miqanda faiqi namu aamina maqannaara foora mariaqini, maqee Anutufa misa faqa aqoondi kiannoo.

Mataioo 20:31

Miqi qimasee faaqa rumasee nameera qufaqa faiqí anaasee aiqama miqanda aanoo imasee nimambaina qimasee qaoo qiqau. Nimambaina qimasoofaqa miqanda siammiriqau firaaqoo uqanna nameera qiqau. Oo Dafidina amaaku faiqí firaafa maasara ani amuqusinana dadaaqia.

Mataioo 16:22

Peetooroofa maa ufana iriseenoo Yisuna kaqinni mareeqee quqaseenoo aaqooki qaoo qinoo qimaminau. Oo karaambaiqa, saa. Ani kuqiranara Anutufa qaoo qiannoo maa ainainausa siamma ani arifaranoo.

Oosana 48:1

Kaqikaaqoo mari kufaqa misa Yooseefaana qimamiqau. Ani akoofa doo amiqimma auridanoo. Yooseefaafa mi ufana iriseenoo narí amaaku qara Mannaaseesa Eefaraimasa nindiqeenoo narí akoofunnai ooqu finau.

Mataioo 19:12

Nifaandama itirausa misa maqookari kai nifaandama siaisa misa sia amana anaasee maraaqeera. Kaifaa akaqausa nifaandama itirausa faiqí kai nifaandama itinnimaqasoosa maridaqa. Misa faqa sia amana anaasee maraaqeera. Kaifaa anaasee siaisa moo, misa innaaruna maqusara kai irisee nariqa kai anaasee siaisa maridaqa. Andeeqasee marianauree qimasee Anutunara kai irisee miqidaqa. Misa faqa sia amana anaasee maraaqeera. Yafee mi sandufana amana marinafa mifa kai maraani.