Mataioo 18:12 - Anutuna Ufa

¹² Innee maaqianna ufana nana iraranee irifaree. Faiqí moo mina sipsipa moomoo marida moodaannai qisauku fasiqa arusee marufanoo misakiqari moodaa kai auianau. Misasaa rakisi maru fasiqafa aiqama sipsipa anusaa suqu quqaseenoo misakiqari moodaa auianoo marunara randarara finau. Qinee kuqaa ufee qida fee. Kuqaa, aiqama sipsipasaa rakisi mari fasiqausa miqifaranoo.

Mataioo 18:12 Referans Kwoze

1 Peetooroo 2:25

Innee sipsipa aandaura foora furufariqa auiaqa nuafanoo doo maqee Anutufa inni nimanasaa rakisimari finnai inni aandaura foora rakisimari finnai quqasaifaqa mina afaqee fimariafanoo.

Mataioo 12:11

Yisufa minara iriseenoo qimanniminau. Saririqasaa firira aandau madikaki aqufifaqa innee umbaqidee sia fee umbaqidee. Sia amaanara irisee kaqi umbaqi mariafanoo.

Idi Ufa 119:176

Qinee auiara sipsipara foora auiaqa nidaqa. Qinee sia ani sandufa qimeesu uqimarunnanara anee aniree qini aneenna ainainira faiqi randasee paquria.

Mataioo 21:28

Yisufa maa ufana kafaa faiqí firaasa faqa amaana maqasaa rakisimarusa faqa quandasee qimanniminau. Qinee moo ufa inni qimannimianaqa innee irisee mi oosanna qini qimaqimiaqa. Faiqí moo marinau, mina amaaku qaaraqanda mariqau. Mi fasiqafa narí amaaku indaaruqaa faiqi qimaminau. Qini uainna qaqama afuqaki aqufinana ainainia qimasoofanoo indaaruqaa faiqi fannoo qaoo qimaseenoo minnisee mariufanoo kafaa oonumafi iriseenoo doo ainainai finau.

1 Koorinti 10:15

Innee Koorinti maqusanaasa ooqeenaasa irirana faqaasa mariafanoo. Inneeqa kai qini ufa irisee oonumafi rainasee iriaqa.

Mataioo 22:42

Ooqai asauku mundiranara innee minara nanee fee qida fee. Yana ati fee qidee. Miqi qimasoofaqa misa qiqau.

Mataioo 18:13

Mi fasiqafa mi sipsipana paqurimaseenoo kaaqa minara asasiannoo. Moomoo sia auianoo mariasara mana maniannoo.