Mataioo 18:10 - Anutuna Ufa

¹⁰ Innee aufariaqa. Sia uqanna faiqi aanaaqi moo fannoo maaqirafa akoo uqannaqaani. Innee mi oosannara eerairiaqa. Minara qimannimianaura. Innaaruna maqusai qangiroouqa maqasaaqaraa faiqi aanaaqi misa naadu naadu rakisinnimaqara qangiroouqa qini innaarunaindaraa qikoona oorisaa kikiqidaqa nári faiqi aanaaqi maa maqanasaaqaraasa rakisinnimaqaranara Anutuna qimamidaqa mina oorisaa maridaqa.

Mataioo 18:10 Referans Kwoze

Idi Ufa 91:11

Anee miqinanoo Anutufa narí qangeeroouqara qinaqa misa ani marirana niranasaa rakisi amaqeefaranoo.

Heeburu 1:14

Qangiroouqa naqi fee iqa maridee. Misa aiqama maraquna kai maridaqa Anutuna ainainira ainaina maridaqa. Mifa innaarunaindari niqiqainaqa faiqí anaasee innaarunai fifandinausa dadaaqiaqeera niqiqaidanoo.

Idi Ufa 34:7

Yaaweenara rufiee mariasa mina angiroouqa misa fiqufiquiqa maridaqa mandainainakinaana maraqunnisaidaqa.

Ruka 16:22

Ainaina faqaa fasiqa faqa kuqufufaqa akundamasoofanoo idaki finau. (Mi idana auqu Aadeesaa ida fee qidaqa, kuqimariasa maqa maaqa taikara aukuanara afeesimaria idafa maridanoo fee qidaqa.) Ainaina faqaafa firaa aupuraranaki maridanoo afu murufi maqaseenoo nianai Abarahaamana faqa Rasarusana amarana faqa amiqiranaki ooqufaaqee marufanoo niqafanau.

Mataioo 24:31

Mikari qinee ukeena firaa qoo fuaqaanaqa qini qangiroouqa daraanifara, aiqama maa maqa maaqana afaaqasasa qini qiku qisauku qinee qutaaqama nimaqaafanausa suqeeqeeqa moodaa saqa qinee marianannai suqu quqeefaranoo.

Ruka 1:19

Mi qangiroofa mina ufa iriseenoo quandafi qimaminoo qinau, Qinee Kabarieerasa maridaqa Anutuna afusaa kiki iqa marunausa maridaqa. Mifa kai qini diqiqaifaqa maa amiqira ufana ani faiqí asumu faiqi aanaaqi maqeemaria faasaana kambiqaannoo fee qunana sia iriananoo.

Mataioo 18:14

Miqi kai mandee qini innaarunai qikoofa faiqi aanaaqi moo kuridiranara akooqaidanoo. Aiqama uqanna kaqi naaruara mariranara innaarunai nikoofa aididanoo.

Mataioo 18:6

Faiqí moo fannoo qinisaa atooqee mari kaqikaa faiqina mandoosana uqafiqainanoo mi faiqifa saamurinanoo, mi fasiqana mi mandoosanna uqafiqeemari fasiqana mina numoo uriqaranoo mariannoo mandainainaki maridanoo. Faasai mi fasiqafa ooni firaatia qumareenoo narí anukaki ususeenoo nammariki aqufinoo narí kai narí arinoofau narí numoo oorudupinoo mariqini. Mi faiqi anaaqina manda oosanna uqafiqainanoo mi numoofa firaafa mariannoo.

Mataioo 2:19

Yooseefaafa Isipa maqusai kaqi marufanoo Eeroodeefa kuqufufanoo Anutuna qangiroo moo fannoo Yooseefaana qainasaa afunnareenoo akooqoo qimaminau.

Mataioo 2:13

Fasau asaana rimarusa misa fufanoo Anutuna qangiroo moo fannoo Yooseefaana qainasaa afunnareenoo qinau. Eeroodeefa faiqi aanaaqiara randasee rutukirara qidaqinoo. Anee faiqi qisanoosa nifiqeenana Beetareeqeemma maqusara rufiasee Isipa maqusai oonu marinaqa kasooqaqee qinee qianana ooqurandee urua.

Mataioo 1:20

Miqi qimaseenoo Yooseefaafa irisee fimarufanoo karaambaiqa qangiroo fannoo qainasaa akooqoo qimaminau. Yooseefa, anee Dafidina mi oosanafa mariananoo. Anee aneenna aqoonnanara sia rufia, sia qumuarimari manaaqafa maridanoo mifa amuaquqaiki ainainafa Anutuna kaaqa areenara maraquna fannoo quqasaifanoo anoonaikinoo. Sia minnisaa kaqi maraa.

1 Teesaroonika 4:8

Faiqí fee anaasee fee moo fannoo maa qinee qunnufana minnisainafa sia faiqí ufafau minniseefara Anutufa narí naaquqara andeeqara maraquna niminna ufana rukieefaranoo. Innee Teesaroonika maqannaasa Yisuna ufa irimariasa nariara nariara nidiranara innee irimariafaqa fifau qimannimidaqa. Anutufa narí kai narí aidi narí aidiranara qimannimifaqa irimariafanoo.

1 Koorinti 11:22

Innee maaqa siaisee maqee maqee neemaria narana nammarina sia minaki naidee, innee Anutuna ufara suqimariasa fidiaqaamma nimaqaidee miqidee, innee nara ainaina siaisa nisaurirana nimianee fee qidee miqidee. Innee minara irisee qiniara nana ufee qimaqimiannoo fee qidee. Abee nimoofee qianauree. Oo sia uqanna nimooqianaura.

1 Koorinti 16:11

Timootifa Yisuna ufa irimariasa qini qikaqaafasaauqa saimbaqa mootinai aiquqaki mai aniraree qimasee inni maqusai naaree anireenoo mai qinee minara rakisi marunnannai Eefeesusa maqusai anianifeera qidaqa. Innee Timootinara kumaaraa fee qimaseeqa sia minara nikoo nikaa iaqa amiqimmandee dadaaqifanoo asooaranakiqari findifinoo mai aniani.

Roomma 14:10

Qinee Pauroosa minara irisee iraidaqa. Anee yafee maridanee aqoonnana oosana qafamaseenee aqinanee. Anee yafee maridanee aqoonnanara akooqaidanoo fee. Maasa aiqamausa Anutuna afusaa kikiqammafuananoo mifa maasa oosana qafammaseenoo raina qimaqaannoo, minara sia aqoonnana aqisee akooqaani, anee ureeqarafa mariananoo.

Idi Ufa 17:15

Qinee sia aaqara ainaina auqaunnanara qinee ani qafaanaura. Qinee faiqaqee iinaqa findi fuananoo ani afusaa marira oosana fannoo qini asasirana qumbiqa qimiannoo.

Idi Ufa 15:4

Anutufa ameesuqu nimaqaqaisara andeeqarausa faqa misara fidiaqaa idaqa. Yaweena ufa mau fimariasara uriqararausee qidaqa. Moo fannoo narí amana aiqamasee moo ainaina auqararee qimasaifanoo mi faasaanna moo ummaara kambiqaifanoo afai riqiseenoo oonu mi ainainna auqeenoo narí qima afeekaikira ufa taikaidanoo.

1 Timooti 4:12

Oo Timooti anee kumaaraa mariananoo minara faiqí anaasee irisee sia ani ufa irifoora maa ufana ani qimamidaqa. Aneenna ufa faqa aneenna nirana faqa aneenna faiqí aanaaseera amuqusirana faqa aneenna Yisuna saqarikirana faqa aneenna andeeqasee marirana faqa amiqimasee andeeqasee akooqoo marinaqa qafeeqa faiqí anaasee Yisuna ufa irimariasa ani afaqaidaqa ani aanna raaqeera.

1 Koorinti 9:22

Qinee Yisuna ufara sia andeeqasee saqariki mariasaki ainainidaqa misa faqa moomoosa aniaqee qimasee misa naanna ramafi maridaqa. Qinee oosana oosana qaini qaini qiranannai faiqí anaasee maraanee qimasee aiqama fasiqa anaasee naanna ramafiqa misa naaraidaqa.

Roomma 15:1

Maasa Yisuna saqarikiranaki afeekaiki mariasa quandaki ureeqarausa qumaara dinni ati dadaaqi akumaraa, sia maasa qeeqa didiranamau kai fua.

Roomma 14:21

Andeeqasee nimariaanafa maaqimminoo maridanoo akaqa narana nammari fee namasaananoo qini qikaqaafasaa moo fannoo fee qini qiqafamaseenoo minasaa aiku amakinanoo kuridiranaki aqufuandoora mi narana nammarina narara rufiaanaura. Nana ainainasaa fee qini qikaqaafasaa aiku amaki kuridiranaki aqufuannoo fee qimasee mi ainainara rufiaanaura.

Uqafiqoo Ufafa 8:2

Ufa sia qirafa taikasoofaqa kafaa qinee Yoohaneesa qafaafananoo qangiroo Anutuna afusaa kikiqammambi marusa dinni qisauku taikasee dinni ani qaara marasee miqimandee qangiroo ukeena moodaa kai moodaa kai amana kai misa niminau.

Karatia 6:1

Qini qikaqaafasaauqa inniki moo fannoo mandainainaki aqufinaqa qafeeqa Anutuna oosanara irimariasa mina mareeqee andeeqaranaki quqaaqa, sia aanoomasee miqi iaqa reendeenamandee miqi iaqa anee mi fasiqana dadaaqidana aneenna marirana faqa rakisia, anee faqa minaki aqufinafaara.

2 Koorinti 10:10

Akaqausa maaqi qifaranoo Pauroofa narí akara riranaki afeekaikamandee qimaqimidanoo, narí uqanna anireenoo reendeenidanoo narí ufa faqa fifau mariannoo.

2 Koorinti 10:1

Qinee Pauroosa maa ufana reendeenamandee qimannimidaqa. Akaqausa qiniara nianai maridanoo aanoo ufa kai qimari fee inni faqa maridanoo reendeenidanoo fee qidaqa. Qinee miqi qianara maaqi qidaqa. Qinee asauku mundirana amiqi amiqirana faqa ireeda marira oosana faqa mina afusaa maridaqa reendeenamasee qimannimidaqa qinee innee iannai oonuraanaqa sia qini qirana fundakuaqa maasara maqasaaqaraa irirana irisee qimariaafoo qimariasa amana aanoomannimaqaanaura, sia sia amana mariannoo, amana mariannoo.

Ruka 10:16

Yisufa quandafi narí faiqi namu qimanniminoo qinau. Ya fasiqa anaasee fee inni ufa irianinafa qini ufa uqanna iriannoo. Ya fasiqa anaasee fee inni ufa rukiainafa qini futeeqaannoo, ya fasiqa anaasee fee qini ufa sia irinafa qini diqiqaina Anutuna futeeqaannoo.

Mataioo 12:20

Mifa eendira saka sia ramooramaa mamaree raudaannoo. Amannaikiasa mandainaina rafaaqa fimarinara sia mifa aanoommasee qimannimifa fifimandee reendeenamandee naakapee marifa. Mifa miqimmamaree reendeenammamaree fifi inanoo numoo aukuana raquramiseenoo miqoomma uriqaraannoo.

Estaana 1:14

Mi fasiqausa nuqu maaqimminoo marinau. Kareesanafa faqa Seetaraafa faqa Atmataafa faqa Tarasisaafa faqa Meereesafa faqa Maraseenafa faqa Meemukanafa faqa mariqau. Misauqa qisauku dinni taikasee dinni oonu qaaraqanda marasee 7 nikiiqa fasiqauqa Peereesia maqa maaqaki faqa Midia maqa maaqaki faqa aiqama kinna rakisi maru maqa maaqanaki misa uriqarara kaammanna mariqau.

Heeburu 9:24

Asauku mundirafa uqiqaana maqa faiqí nisaukunnai auqamaqoonaki innaarunai marina fooqaanaki miqiranaki sia keeqanau, mi maqanaki naaquqara oosiranaki sia keeqanau. Mifa andeeqasee innaaruna maqa maaqaki Anutufa maruqoo uqanna keeqafinoo kooroomafinoo maridanoo maasa dadaaqidanoo.