Mataioo 17:5 - Anutuna Ufa

⁵ Peetooroofa kaqi qimarufanoo kaaqa qarana asuru fannoo aiqama rafaaqa finau. Ufa moo, asurukiqari Yisunara qimanniminau. Maafa qini qimaaku qini kaaqa minara qimuqusidanoo. Qini didirafa minasaa maridanoo, mina ufa iriaqa.

Mataioo 17:5 Referans Kwoze

Mataioo 3:17

Quqamafufanoo innaarunaindaraa ufa maaqi qimaseenoo akooqoo Yisunara qinau. Maa fasiqafa kaaqa qini qimuqusira qimaaku marifaqa minara qini qimuqusa asooaifaqa susuidaqa.

Mataioo 12:18

Mifa ooqai maaqi qimasee Yisunara akara rinau. Qafaa, qini dadaaqira faiqi, qinee mina utaaqamamaqaunafa. Qinee minara qimuqusidanoo qini daundura minara asasidanoo. Qini maraquna mina aakufuannoo. Mifa aanaamuru mariasa faqa kiapausara foora andeeqannisaannoo. Sia Isaraee maqannaa kai.

Yoohanee 3:35

Yisuna akoofa Anutufa narí amaakuara amuqusifanoo minara ridanoo aiqama ainaina mina aramandunnai quqaidanoo.

Mareekoo 1:11

Quqamafufanoo innaarunaindaraa ufa moo maaqi qimasee Yisunara qinau. Anee qiqaindi uqanna qimuqusira qimaaku marianafa qinee aniara amiqimasee qiqaara raidanoo.

Uqafiqoo Ufafa 1:7

Qafaaqa, mifa Yisufa asuruki qumidanoo. Mina faaqaana raquramusa misa faqa kuqiranakiqari findifi qafeefaranoo. Maa maqa maaqanakinaa maqusa maqusa mariasa aiqama minara ikiraqeeqa soofaarifaranoo. Doo kuqaa uqanna miqifaranoo.

Heeburu 5:9

Mifa aupuraranakiqari amiqiranaikamambinoo quandafi narí ufara eedoo qimarusa naaru naaru marirana oosanaraseenoo niminau.

Yoohanee 5:37

Sia qinee auqee marunafa kai qini duqu uqeeraidanoo. Qini qikoofa qini diqiqamaqaifa mifa faqa qiniara ufa qidanoo dadaaqidanoo. Innee Yuda maqannaa uriqararausa ooqaindari sia mina ufa irimariafanoo. Innee sia mina afiri qafaanara sia uqanna mina iriranamau firanara irimariafanoo.

Kooroosee 1:13

Maasa manda marira asukunaki marunanoo maasa rafaaqafuqisaifaqa marunanoo Anutufa qumareeqeenoo narí faiqi uqanna ququsaki quqannisaifaqa amiqiranaki maridaqa.

Eefeesusa 1:6

Anutufa narí kaaqa qara areenara afaarirana narí amuqusira amaaku kaqi nimimari ainainnara foora kaqi niminau. Minara maasa qimuqusa ookiqari idaaqira ainaina uqannee qiaqeera kaqi niminau.

Yoohanee 3:16

Anutufa maa maqanasaa mariasara amuqusa firaaqoo qunara narí amaaku moodaa uqanna amiqirana maqasaaqaraasa nimuna mina saqarikinausa sia kuridiranaki fifaranoo Anutuna naaru mariranaki fuaqeera narí amaaku niminau.

Rafudoo Akarafa 19:19

Ukeena feendundaanai qimarinau. Miqi qimarufanoo Mooseefa Yaaweena qimamufanoo Yaaweefa kafaa innaarunai darara qiranakiqari narí qimaminau.

Idi Ufa 81:7

Innee manda aupuraranaki maridaqa qini Anutusa daaroofaqa qinee minakinaana inni mareeqee kaqinni quqannisa qiafana. Qinee qeeqa kukeeqara maqusa oonnamukiqari inni dadaaiqiafana. Innee Meeribaa nammari maruqoo marufaqa qinee inni nimanammasee qafaqiafana. (Meeribaa mi nammarina auqu oosana tinoo taanoo rira nammari fee qinau.)

Mataioo 17:6

Yisuna faiqi namu mi ufana iriseeqa kaaqa rufieeqa noorindari maqasaa aqufiqau.

Uqafiqoo Ufafa 14:14

Qinee Yoohaneesa mi ufana iriseeqa quandafi qafaafananoo eekara asurusaa faiqí moo fannoo faiqí nimaakuara fooqaana ooqufaaqee idanoo koora auqira qafee afisirafa asaukuki paipana afai raiqarana asaukuki uaqeeufaqa qafaqiafana.