Biblia Todo Logo
Bib sou entènèt

- Piblisite -




Mataioo 17:12 - Anutuna Ufa

12 Qinee qimannimidaqa, iriaqa. Kuqaa Eeriaana aanna ree marifa qini qifunni doo aninoo. Aniroofaqa misa minara sia irirai narí iriranannai kai dapikamasoofanoo kuqinau. Miqi kai mandee qinee faiqí nimaaku kaqikaaqoo misasaa farindamaki aqufuanaura.

Gade chapit la Kopi




Mataioo 17:12
25 Referans Kwoze  

Mikari oosanarasee miqooqari narí kuquaninnanara qimannimi maree finau. Mifa Yeerusareenni ooru firanara faqa qimanniminau. Faiqí firaasa faqa amaana maqasaa rakisimarusa faqa Mooseena sandufa uqannifiqee marusa faqa misa firaa dinee miqoo narí Yisuna amiranara qimanniminau. Kuqariranara faqa qaaramoo faasaana findi fuaninnanara faqa qimanniminau.


Mifa narí auqu maqa maaqanaki aniroofaqa mina maqannaasa minaki mariasa mina mareeqee aqusee minnisaqau.


Yoohaneefa nammari nimimarufa anireenoo uainna nammari sia nanau narana uqanna faqa sia nanau. Ookasaasa anoona faqa pandaaqa oofaafana faqa kai noofaqa innee minara qafamasee afaanna aundurai keeqafifanoo miqidanoommifoo qiqau.


Yoohaneefa nammari nimimarufa inniara amaana maqasaa rakisirausara inniqa mandainaina ninaaqiannai quqasee nimeesuqusee noori Anutufinnai noori ubeekaaqa. Yoohaneefa miqi qimaseenoo inni qimannimisoofaqa innee siamma iriafanoo ummuarira takisa munnimma maree mariasa faqa kaaqa faiqí maraqanua anaaseesa faqa misa kaimma Yoohaneena ufa irisee Anutufinnai quandafiqa andeeqasee fiqau. Kaifaa innee amaana maqasaa rakisirausa misa andeeqasee fuana nikooqaifaqa Anutufinnai noori ubeekaranara qaoo qimasee mina ufara nikooqaifaqa inneeqa qimaqaamau kai fimariafanoo.


Yoohaneefa nammari nimimarufa karabusaki maridanoo asauku mundirana oosana oosana irinau. Iriseenoo amiqimmasee irianau qimaseenoo narí faiqi namu Yisufinnai niqiqanau.


Miqi qufanoo Yisufa narí maaqi qimasee qimaminau. Anee qiniara amiqira maaqaki faiqee mari fee qidanee qini faqa firaree qidanee. Kaasau fainiuqa oonaamarai faiqee mariasa maridaqa ufiniuqa aanaamuki faiqeemariasa maridaqa. Qinee faiqí nimaaku yai fee qeeqa qikiaqa rumasee fee faiqaanauree sia faiqara qoo marisa maridaqa. Doo qini faqa finnaree.


Misa miqooqari Yisuna saimbaqa aaqanaindari qumimarufanoo Yisufa maaqi qimasee afeekaikamasee qimanniminau. Innee aaqanasaa mee qafaa ainaina sia innee moosa qimannimiaqa. Qinee faiqí nimaaku kuqiranakiqari findi fuanaqa miqoo kai qimannimiaqa.


Miqi qimasoofaqa mina faiqi namu iriseeqa Yisufa Yoohaneefa nammari nimimarunara Eeriaana kikiqa ususeenoo qidaqinoo qiqau.


Yisuna faiqi namu Kariree maqa maaqai moodaarunna moodaasaa suqiqa maridaqa nimarufanoo Yisufa maaqi qimasee qimanniminau. Faiqí nisaukuara qinee faiqí nimaaku fuanaura.


Swiv nou:

Piblisite


Piblisite