Mataioo 15:8 - Anutuna Ufa

⁸ Maa maqannaa fasiqa anaaseesa nifauru fannoo kai unnaqimasee qini duqu uqeereemariasa, nimuqusa kaqinni ubeekarausa mariafanoo.

Mataioo 15:8 Referans Kwoze

1 Peetooroo 3:10

Ooqeenaa tamummaqara fasiqausa akara maaqimminoo maridanoo. Faiqí moo fannoo maa maria mariranaki amiqiranaki asasiranaki marianee qimaseenoo doo mi fasiqafa manda nirana taikaseenoo unnufa taikaseenoo manda marirana ameesa uquseenoo amiqira marirannai ubeekaannoo. Miqinna fasiqafa asooaranara randamareenoo afaqee fidanoo miqinoo fidanoo amiqirana paquriannoo.

Aaquqira Ufa 23:26

Qini qimaaku qini ufa amiqimmasee iria. Saina qini marirafa ani quqafiqaani.

Heeburu 3:12

Qini qikaqaafasaauqa, innee amiqimandee rakisiaqa. Moo fannoo narí mandiriranannai faqa narí ufa rukiee marinannai faqa narí amuqusaki marinara kaqi marira Anutuna nimeesa uqamaqeefoora.

Yoohanee 1:47

Firipifa mina afiqeenoo oonu roofanoo Yisufa Natanaeerana qafamaseenoo qimaminoo qinau. Oo maafa Isaraee maqannaa faiqí uqanna anidanoo. Sia qunna ufa minaki marifa andeeqarafa kai marifa maridanoo.

Mataioo 15:7

Innee kaaqa ufa qimannimisaida maqandanai manda oosana maraqanuasa. Anutuna tamummaqara fasiqa Eesaia, kuqaa uqanna inniara qimasee akara rinau. Mifa maaqi qinau.

Yoohanee 5:23

Aiqamausa qini qikoona Anutunara naaquqaanifeera miqinau. Qiniara naaquqaindee kai iqa qini qikoonara naaquqaanifeera miqinau. Faiqí moo fannoo moona amaaku sia mina aqoondikinafa mina akoona faqa miqikai inana miqanda qisakoosa sia niqoondikinnaranoo.