Mataioo 13:19 - Anutuna Ufa

¹⁹ Moo fannoo qini ququsakinaa ufa iriseenoo sia irinoo manoo manaa imarifa, qaqamma mina amuqusaki kakasammasaifanoo manda faiqi fannoo animaree fifinoo. Maafa qaqamma fooqaana aanasaa kukupee marifanoo siara foorammidanoo.

Mataioo 13:19 Referans Kwoze

Mataioo 13:38

Ququsaki maa maqanasaa mariasa maridaqa. Amiqira qaqamma karaambaiqa aiku asauku mariasa maridaqa. Kukura manda faiqi mina aiku asauku mariasa maridaqa.

Heeburu 2:1

Minara maasa anoona ufa irimariafannufana qumareeqa amiqimma rakisi qumaraanauranoo. Sia miqifanoo maasa nammariara foora aufinoo maasa maree fuandoora.

1 Yoohanee 5:18

Maasa maana iridaqa sia Anutuna faiqi namu mandoosana maqee maqee maraqa fidaqa. Anutuna amaaku ititasaifanoo manda fasiqa fannoo sia amana mina mandaikamamaqaannoo.

Mataioo 4:23

Mifa Karidaia maqa maaqa aiqama fiqu fiqu inoo nidanoo innaaruna ququsara fuka ufa qimanniminoo ninau. Aurimarusa faqa oosana oosana ainaina maree marusa faqa teeroouqee marusa faqa idaaqamannimaqee marianu.

1 Yoohanee 3:12

Maasa sia Kaina aanna raa, mifa Sadannana faiqi maridanoo narí akaqa arinau. Kainafa nanaree narí akaqa arinoo fee inau. Narí auqoo ainaina mandaikufanoo, mina marirafa nirafa eendaandinoo marunara narí akaqa nirafa marirafa andeeqanoo marunara minasaara aanoomaseenoo arinau.

Roomma 1:28

Faiqí anaasee Anutuna anoona ufara nikooqaifanoo Anutufa misa mareeqeenoo mandainainakina sia fuaqaa ira mandainainakina quqasaifaqa minaki fidaqa. Miqianara maa manda ainaina oosana oosanafa qumbiqaidanoo, manda oosana faqa, kaaqa ainainara rimarina faqa nariara nariara fidiaqaa imariana faqa nariara nariara rairai qirana faqa faiqí kuqannarirana faqa narí afumau narí afumau irafa faqa nári ueeqee narí ueeqee imariana faqa manda oosana oosana faqa nariara nariara munuqi miniqi imariana faqa misa Anutunara fidiaqaa imariana faqa kaukaata qimariana faqa nári nifaaqa nimooqirana faqa nariara kai firaaqoo ufaqí marina faqa maqee maqee mandoosanara randeemariana faqa nári ninaukoo ufa rukiee mariana faqa sia nári andeeqaramau firanara uriqararanee qimariasa, faqa nariqa qimannimira ufa rukiee mariana faqa sia nári nikaqaafasaara amuqusirana faqa mi manda ainainnausaki fimariasa maridaqa.

Roomma 14:17

Anutuna ququsaki mariasa maasa nirana marirana sia narana nammarisaafau mundinoo maridanoofau. Anutuna naaquqara maraquna nimimari ainainausa andeeqarana faqa asooarana faqa asasirana faqa minamusasaa maasa marirana nirana mundinoo maridanoo. Faiqí anaasee moo fannoo asauku mundirana ainainidanoo narí akaqaafasaauqara amuqusimarifanoo dadaaqinoo rakisinanoo Anutuna amooqirafa faqa faiqí faiqi eedoo qirana faqa maraannoo.

Yoohanee 18:38

Piratoofa mina iriseenoo maaqi qinau, kuqaa anoona ufa qirafa mifa nanee maridanoo. Miqi qimaseenoo Piraatoofa raudamakufanoo Yuda maqannaasa naaramasee maaqi qimasee qimanniminau. Maa fasiqanaki sia arira ainaina moo marifaqa iridaqa.

Yoohanee 8:43

Innee naqaa fee ifaqee sia qini ufa oosana iridee. Innee qini ufa iriafanoo nikooqaidanoo miqidaqa sia irimariafanoo.

Ruka 9:2

Nimiseenoo maaqanna maaqanna niqiqamaseenoo qimanniminau, innee Anutuna innaaruna ququsara faiqí anaasee qimannimidaqa misa aurirana taika nimaqaaqa, innee sia moo ainaina maree fuaqa saunu faqa aakauqa faqa narana faqa munnimma faqa aabaa qamunna faqa sia maree fuaqa kaqi fuaqa.

Mareekoo 4:15

Moo kari akaqa ufa faiqí naunduraki aanasaara foora aaqasaafanoo iriafanoo Sadannafa ufiniara foora mina aaqee uqanna aakueeqee aqidanoo.

Mataioo 5:37

Minara innee eedoo qiaqeera eedoo kai qiaqa. Innee qaoo qiaqeera andeeqasee qaoo kai qiaqa. Anee moo ainaina kikiqa usinana aneenna amuqusa ookiqari mandainaina marinakiqari moo ainaina kikiqa ususee unna qiananoo.

Aaquqira Ufa 17:16

Faiqí moo fannoo irirana sia maraifa nanaree fifau sukura feefauridanoo fee mina irirafa sia maridanoo.

Aaquqira Ufa 1:7

Anee irirana faqaafa mariraree qimasee Yaaweena ameemaanai maria. Furufari mariasa sia iriranara naaquqaidanoo irirana mararanara faqa nikooqaidanoo.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.

Eefeesusa 3:8

Qinee Anutuna aiku asauku maqasaa fasiqaki oorudupirausa marunanoo Anutufa sia minara irinoo kaqi mi naakaparana qiminoo diqiqamaqimaqeenoo asauku mundirana, innaarunai nimira amiqi amiqira ainaina moomoo ainaina sia amana asaana rirana amana mi ufanara aanaamuru qimannimiranaki qini quqaqisaifaqa maridaqa.

Mataioo 12:26

Sia Sadannafa narí kai quandaki narí aqiqaannoo. Miqidanoofau narí raineenoofau mina afeeka fannoo maqasaa aqufiqini. Miqinanoo naqimmasee mina aiku asauku afeekaikamandee marifaree. Sia afeekaikifara furufariqa dapikammifaranoo.

Mataioo 13:20

Oonisaa kukupanoo marifa mina oosana maaqimminoo maridanoo. Misa Anutuna ufa irisaidaqa asasammasee mi ufana maraifanoo sia atuka misaki amiqimmasee ausinoo kaqi meeraqoo rusinoo maridanoo, qusasaa qimasee minnisaidaqa. Mi ufanasaara narirafa kambiqaifaqa misa quqasee fuaniqiana saamuridaqa.