Mataioo 12:16 - Anutuna Ufa

¹⁶ Andeeqanniseenoo aranaiqi qimaseenoo qimanniminau. Qumee uqannandaaqa kukee uqanna saaqa sia qinee andeeqasaunnanara kooroo qiaqa.

Mataioo 12:16 Referans Kwoze

Mataioo 17:9

Misa miqooqari Yisuna saimbaqa aaqanaindari qumimarufanoo Yisufa maaqi qimasee afeekaikamasee qimanniminau. Innee aaqanasaa mee qafaa ainaina sia innee moosa qimannimiaqa. Qinee faiqí nimaaku kuqiranakiqari findi fuanaqa miqoo kai qimannimiaqa.

Mataioo 9:30

Miqi qufanoo mikari kai miqanda nifu andeeqannisanau. Miqanda nifu maqasoofanoo Yisufa maaqi qimasee qimanniminau. Nimambaina qimaseenoo qimanniminau. Doo inneeqara sia uqanna faiqi anaasee akaqausa qimannimiaqa. Maa ufana kukeeqammasaaqa.

Mataioo 8:4

Mina karoora taikasoofanoo Yisufa qimaminau. Simai sia uqanna moodaa fasiqa qimamia. Findifinana munu amaana maqasaa aanaiqikirana aneenna afaaqa karoora arimaruna uqafiqainanoo aiququmasainana Mooseefa ufa qimaqoomau ainaina mara maree amaana maqaki qaindasaa suqarana tatufinana Anutuna amia. Faiqí anaasee qafamasee doo mina karoora taikeefoo qimasee sia aniara eerairiaqeera. (Ooqai Mooseefa karoora narinausa sia maqusai aniaqee qimaqoofa. Andandakinai kai nuaqee qimaqoofa. Faiqí moo fannoo narí karoora taikaseenoo amaana maqaki ani kikiqamafufanoo amaana maqasaa rakisirausa qafamasoofanoo doo maqusai fuannee qufanoo doo kaifaa maqusai finau. Kaqikaa ainaina amaana maqaki Anutunara dufi dufi qimasee nimiseenoo doo maqusai kaifaa finau.)

Mareekoo 7:36

Ufa qimasoofanoo Yisufa aiqamausa aranaiqi qimanniminoo qinau, sia maanara moosa qimannimiaqa qinau. Yisufa kafaa kafaa qaoo qimarufaqa misa moo faqa moo faqa qimannimiqa fimariqau.

Mataioo 12:17

Miqi qimasoofanoo tamummaqara fasiqa Eesaia mina ufa anoona kambiqanau.

Mareekoo 3:7

Miqooqari Yisufa Kariree farumma firaa farumma tia marunnai ooqufufaqa faiqí anaasee moomoosa afaqa maree ooqu fiqau. Akaqausa Kariree maqa maaqakiqari aniqau, akaqausa Yudeea maqa maaqakiqari aniqau akaqausa Yeerusaree maqusakiqari aniqau akaqausa Idumeea maqa maaqakiqari aniqau akaqausa Yooradana nammari dinni afainni marusa aniqau, akaqausa Tiree maqusakiqari faqa Sidoonna maqusakiqari faqa misaqa marusa faqa aniqau. Doo mi fasiqa anaaseesa moomoosuqanna tatufufaqa Yisufa imaru ainainausara iriseeqa qafararee qimasee ani suqiqau. Faiqí anaasee moomoosa Yisuna auqaidaqa radamuaqaammimariqau.