Mataioo 12:12 - Anutuna Ufa

¹² Nana fannoo fee uriqaranoo maridanoo fee. Aandau fee faiqí fee. Aandau sia uriqaranoo maridanoo, faiqí kai uriqaranoo maridanoo. Minara maasa sandufa fannoo mandaiki marifa aurimarifa Saririqa amaanasaa amiqi amiqimannimaqarana amana maridanoo qidanoo. Miqi qimaseenoo asauku sufirana qimaminau. Asauku uqua.

Mataioo 12:12 Referans Kwoze

Mataioo 6:26

Innee kaaqa qamunna naranara rimariasa qinee nindafaidaqa. Qufini sia narana ummaqidaqa sia aiqidaqa, sia afeedidaqa, kaqi narana naidaqa. Anutufa misa nimidanoo. Anutufa ufini ririmma kaqikaa ainaina dapi ainaina narana niminoo inani. Innee faiqí firaa ainaina mariafanoo uriqaraqa mariafanoo inni faqa nimiannoo.

Ruka 6:9

Kikiqa mafufanoo Yisufa misa qimanniminau, qinee moodaa ainainara inni irammirianaura, innisaimbaqa sandufa Saririqa amaanara naqi fee qidanoo, maasara faiqí dadaaqiaqee qidanoo fee faiqí kuridiaqee qidanoo fee, maasa faiqí mariaqeera asumu mara nimaqaanauree faiqí sia mariaqeera naru taikannimaqaanauree.

Mataioo 10:31

Minara sia rufiaaqa. Inni feefauru uriqaranoo maridanoo. Dapi ufini feefauru sia maridanoo.

Ruka 12:24

Kaammeesa qafaaqa mifa sia narana asumu ummaqidanoo sia narana aiqifa sia maaqa usakasee minaki afeedifa, Anutufa kai narana misa nimidanoo. Innee sia ufiniara foorau mariafanoo uriqarara ainaina mariafanoo inni faqa nimiannoo.

Ruka 14:1

Yuda maqannaasa amaana faasaana moo Saririqa Farisai amaana ufa qimarusa misa uriqararana maaqaki Yisufa mina faqa narana nararee qimasee keeqafufaqa aqoonna Farisai amaana ufa qimarusa Yisuna qumarararee qimasee amiqimasee apuree mariqau.