Mataioo 11:7 - Anutuna Ufa

⁷ Yoohaneena faiqi namu fifufanoo Yisufa faiqí anaasee Yoohaneenara qimanniminau. Fifau maqa maaqa kaasau aadana maqa maaqa innee Yoohaneena qafarara fiqa innee nana qafararee fiqee iqau. Fifau andanda kasinaree fiqee iqau. Sia uqanna minara fiqau.

Mataioo 11:7 Referans Kwoze

Yameesa 1:6

Innee iriranara innaaru qidaqa sia oonumafi qaara irira iriaqa, oonumafi qaara irira irimariasa ufaira foora uqimariafanoo.

Yoohanee 5:35

Yoohaneefa nammari nimimarifa qoomara fooqaana marinoo kaaqa qaidanoo rupannoo inau. Innee mina kaaqa qaranaki qusasaa kai keeqafiqa asasida mariqau.

Eefeesusa 4:14

Mikari maasa sia faiqi aanaaqiara foora aiqama oosana oosana amaana ufa iriseeqa munari minari ianaura unna ufa qimaria fasiqausa nári nikaruqira finnai akaqausa aaqaranaki rarisama quqaidaqa maasa misa ufa iriseeqa sia ufaira foora aiqama saqari udammi udammianaura.

Oosana 49:4

Anee nammari aufindee imarianafa kaaqa afeekaiki marianafa mariananoo. Anee sia uriqarana marinnaranoo. Anee qini qaarisaa qini ainainira anaasee sakasee faiqaannanara miqinnaranoo.

Ruka 8:18

Innee Anutuna ufa irimariasa amiqimasee irisee maraaqa aiqama kaqikaa irirainaina faqaasa Anutufa moo faqa nimiannoo, irirainaina siaisa ati marina Anutufa rafiqa mara marainaqa kaqi marifaranoo. Innee minara Anutuna ufa iriseeqa rakisi qumaraaqa.

Mataioo 21:25

Yisufa maaqi qimasee irammannimaqanau. Yoohaneefa nammari nimimarufa faiqí anaasee moomoo rumannimaqarana Anutuna ufamau fee rumannimaqeenoo fee faiqí moo ufamau fee rumannimaqeenoo fee innee minara nanee fee qidee. Misa minara quandafufaqa Yisunara iriandoo qimasee naundaindari narí qimami narí qimami qiqau. Maasa Yoohaneena nammari nimiranara Anutuna ufamau fimaru fee qifanoo Yisufa maasara nanaree innee mina iriaqaanna sia iriqau. Miqi qiandoora.

Mataioo 3:5

Misa Yeerusaree maqusanaasa faqa Yuda afumakinaasa faqa Yooradanna nammari dinni dinni afainni marusa faqa aiqama Yoohaneefa maruqoo suqiqa marida Yoohaneena ufa irimariqau.

Yoohanee 1:38

Afaqee fimarufanoo Yisufa quandafi nindafeenoo qinau. Inneeqara nanaree qini qifaqee anidee qufaqa miqanda qiqau. Ufasaa rakisira anee yai fee maridanee.

Mataioo 11:8

Innee nana qafararee andandai fiqee iqau. Faiqí amiqira qamunna afisimarina mina qafararee fee qimasee fiqee iqau. Oo sia uqanna minara fiqau. Miqirausa sia kaasau maqa maaqaki maridaqa karaambaiqa maaqaki amiqiranaki maridaqa.

Mataioo 12:20

Mifa eendira saka sia ramooramaa mamaree raudaannoo. Amannaikiasa mandainaina rafaaqa fimarinara sia mifa aanoommasee qimannimifa fifimandee reendeenamandee naakapee marifa. Mifa miqimmamaree reendeenammamaree fifi inanoo numoo aukuana raquramiseenoo miqoomma uriqaraannoo.