Mataioo 11:5 - Anutuna Ufa

⁵ Nifu dimbarausa maqannisaidaqa, niku eendirausa amiqimmannisaunaqa nidaqa. Karoora narimariasa rukannisaidaqa. Naaqoo aunirausa ufa iridaqa. Kuqimariasa findifumannisaidaqa. Kudi fasiqauqa qinee amiqira fuka ufa innaarunai ququsa ufa misa qimannimidaqa. Mi ufana oonuree Yoohaneena qimamifanoo mifa qiniara iriannoo.

Mataioo 11:5 Referans Kwoze

Ruka 4:18

Karaambaiqa maraquna fannoo qini daakinoo maridanoo, mifa kudi fasiqauqa amiqira fasaasa ufa qimannimiannee qimasee asauku qinisaa mundinau, rumbaqa mariasa idukuaki fuaqeera qini diqiqanau, nifu dimbarausa faqa nifu maqannisaaneera faqa qini diqiqanau, moo maqannaasa ani mara moo maqannaasa aupurarana nimimariana minakinaana idukuaneera faqa qini diqiqanau, karaambaiqa narí maqannaasa mandainainakinaasa maraaninna aukuanara qimannimirara qini diqiqaifaqa ani maridaqa.

Yameesa 2:5

Qini qikaqaafasaa mariasa qini ufa iriaqa. Anutufa ainaina siaisara rusandeesamu mandeenoo qafamaseenoo qumareeqeenoo narí saqariki mariasaki uriqararanaki mariaqeera narí innaaruna ququsa maraaqeera ainaina siaisa utaaqamannisaidanoo. Anutufa faasa nariara rimariasara niqafamasee qima afeekaikammasee innaaruna maqa maaqa nimiraree qimaqoofa maridanoo.

Mataioo 21:14

Yisufa amaana maqaki kaqi marufaqa nifu dimbarausa faqa naununu apirirausa faqa Yisufa maruqoo aniree marufanoo nifu maqanniseenoo niku andeeqannimaqeenoo imarinau.

Yoohanee 10:38

Innee qeeqaraa ufa qunnanara unna fee qimasaida qinee faiqí sia auqaaqaa ira ainainna auqaanaqa qafamasee qiniara kuqaa anoona fee qimasee kuqaa mina akoofa minaki marinara miqidanoo fee qiaqaana kaifaa mifa faqa nariki marinara miqidanoo fee qiaqaana.

Yoohanee 10:25

Yisufa maaqi qimasee qimanniminau. Doo qimannimuna siamma irimariafanoo. Qinee moomoo qeeqa qikoofinaindaraa ainaina auquseeqa minannoo inni uqannifiqaunausa maridaqa.

Yoohanee 5:36

Yoohaneefa nammari nimimaruna ufa anoona maru fanoo qinindi minaindi arusee uriqaranoo maridanoo. Qinee aniree faiqí sia amana auquaqaa ira ainaina qini qikoofa qimuna auqaqa fimarunna ainainna fannoo qini duqu firaaqoo uqeeraannoo. Uqeerainaqa qafamasee qiniara Anutufinaindari qumu fee qifaranoo.

Yoohanee 3:2

Mi fasiqafa moo eenda asukunaki kukeeqakufanoo Yisufa maruqoo anireenoo qimaminoo qinau. Oo ufasaa rakisirafa anee Anutufinaindari anianafa ufasaa rakisirafa marianaqa maasa minara iridaqa. Sia fifau fasiqa narikai qinanoo faiqí teeroo ainaina aaqee taikaannoo, anee ianandee qiananoo taikaannoo. Anutufinaindari anianafa mariannanara mi afeeka ainaina auqimarianaqa maasa iridaqa. Anee nanufa fee maasa qimaqiminnaree.

Yoohanee 2:23

Mi fasannai ainnaaqarara qoomaqa kamuqoo Yisufa Yeerusareenni marufaqa moomoosa mina sia faiqí amana auqeemaria ainaina qafamasee kuqaa Anutuna asauku mundira fee qimariqau. Maa fasiqafa Anutuna afeeka eeraarirana kooroo imarifa maridanoo fee qimariqau.

Mareekoo 7:37

Aiqamausa mi fasiqana andeeqoonara irufanoo naaquqamasoofaqa maaqi qiqau. Doo qafaaqa mifa amiqimandee idaaqamandee aiqama ainaina oosana oosana aurirana andeeqaidanoo. Mifa naaqoo auni mariasa faqa andeeqannisaidanoo ufa sia qiasa faqa ufa qirana nimidanoo.

Mataioo 10:8

Miqi qimasee qimannimiseeqa misa aurirana taikannisaaqa misa kuqirausa findifumannisaaqa karoora faqaasa rukannisaaqa afaanna naunduraki marisa afaqannisaaqa. Sia innee feefaurummasee maraasa. Kaqi maraasa. Doo miqi kai iqa kaqi nimiaqa.

Mataioo 9:30

Miqi qufanoo mikari kai miqanda nifu andeeqannisanau. Miqanda nifu maqasoofanoo Yisufa maaqi qimasee qimanniminau. Nimambaina qimaseenoo qimanniminau. Doo inneeqara sia uqanna faiqi anaasee akaqausa qimannimiaqa. Maa ufana kukeeqammasaaqa.

Idi Ufa 146:8

Iduku nisaseenoo nifu imbarausa nifu maqa nisaidanoo. Mifa aqufiqa mariasa uqeera nisaidanoo. Mifa narí andeeqara fasiqa aanaaseera aididanoo.

Idi Ufa 22:26

Sarau iranaki mariasa narana namasaifanoo nimuaqu imarina marifaranoo. Yaaweefinnai anirainausa mina amooqifaranoo. Miqi mariasa naaru naaru aiqama ainaina amanaikirausa mariaqa.

Mataioo 5:3

Faiqí moo fannoo nariara qinee qeeqara sia amanaikidee qimasee dadaaqi marifa dadaaqinaqa minannai kai andeeqasee marianauree qimarifa mifa uqanna anoona asasiranaki maridanoo. Innaaruna ququsara Anutufa amianinnanara asasidanoo.

Rafudoo Akarafa 4:11

Miqi qufanoo Anutufa Mooseena qimaminoo qinau. Yafee nifauru nimidanoo fee. Yafee sia ufa qiasaika faqa naaqoo qaunirausaika faqa mannisaidanoo fee. Yafee nifu maqarana faqa nifu dimbarana faqa nimidanoo fee. Qinee Yaaweesa kai miqidaqa.

Mataioo 11:4

Qimasoofanoo Yisufa qinau. Maaqoo innee animariaqoo ainaina auqaunnanara faqa ufa qimannimunnanara faqa minara kai oonuree Yoohaneena qimamifanoo mifa qiniara iriannoo.

Mataioo 12:13

Miqi qufanoo mi fasiqafa asauku uqinau. Uqusoofanoo asauku amiqinau, dinni asaukuara foora amiqinau.

Yoohanee 9:7

Doo fua. Doo oonu Sirooamma farummaki aneenna oori afuakai ruquannee qinau. Sirooamma farumma auqu oosana niqiqamaqai farumma fee qinoo marinau. Mi afu qimbara fasiqafa eedoo qimasee oonu narí oori afuakai ruqufanoo afu aiqamaqara amiqimasee qoofanoo oonu quandakufanoo sandee kafaa aninau.