Mataioo 11:21 - Anutuna Ufa

²¹ Koorasinna maqannaasa maqusa maaqa namufaqa qinee inniara qimudao̱o qidaqa inni narirafa firaafa mariannoo. Beetasaida maqannaasa maqusa maaqa namufaqa inniara faqa qimudao̱o qidaqa. Inni narirafa faqa firaafa mariannoo. Taia maqusa faqa Sidoonna maqusa faqa aanaamuru aamina mariasa qinee misakina miqimandee faiqí sia amanaiki maria ainaina misakina auqaanaqau naundura dauni quandaiqini. Misa danda doona nifaaqai nikiaqaki akuseeqa nári mandoosanara ikiraqasee minniseefau dauni quandasee qini ufamau fini.

Mataioo 11:21 Referans Kwoze

Yoohanee 12:21

Kirisa maqannaasa aniree Firipina irammiriqa qiqau. Oo maa fasiqa, Yisuna qafararee qidaqa amanee maasa qifiqee finaqa qafaanauree. Firipifa Beetasaida maqusaindaraafa Kariree maqa maaqakinaafa marufa.

Ruka 9:10

Yisuna faiqi namu maqusa maqusa niniufaqa anireeqa nariqa nidaqa auqoo ainainara Yisuna qimamiqau. Yisufa misa nifiqeenoo faiqí sia marunnai Beetasaida maqusa aaqa fiqau.

Mareekoo 6:45

Yisuna faiqi namu narana ataraasa mara maroofanoo Yisufa narí faiqi namuara afeekaikamandee fuki faaki qinoo niqiqoofaqa misa mina afunni kanuqaki akaramafi Beetasaida maqusai nammari dinni afainni fiqau.

Mataioo 15:21

Yisufa miqooqari Taia maqa maaqa faqa Sidoonna maqa maaqa faqa marutinai finau.

Yudeesa 1:11

Misa narirafa firaaqoo mariannoo. Minara irifanoo naaquqaani. Misa Kaina aatata fidaqa. Kainafa Anutuna ufa rukiee marufa maridanoo narí akaqa arinau. Misa kafaa Baraamana manda aatata fidaqa minaki keeqararee qimaseeqa narí rarisee narí rarisee mamaree fidaqa. Baraamafa munnimmara rumammareenoo unna qimasee Isaraee maqannaasa rarisameeqee mandainainaki quqee marinau. Misa moo fasiqa ooqeenaa fasiqa Kooraana aanna raidee qimasee Mooseenasaaqari rakeemaku aadumarunna nariara moo karaambaiqee qimasee fufanoo Anutufa mina faqa mina aiku asauku mina faqa fusa faqa narinau. Maa inniki mandoosana uqeeree mariasa nariqa kai nári narirana mareeqee Anutuna nariranaki quqaseeqa minaki maridaqa.

Yoohanee 1:44

Firipifa faqa Andurufa faqa Peetooroona faqa Beetasaida maqusaindari moodaa maqusanaasa mariqau.

Ruka 6:17

Yisufa misa nifiqa quqaseenoo niqiqara fasiqauqee qimaseenoo mina ufa irimarusa moomoosa faqa amuaqu namusaaqari qumureenoo afaasai marufaqa faiqí anaasee moomoosa ani mariqau.

Mareekoo 8:22

Misa Beetasaida maqusai aniroofaqa faiqí moo afu dimbarana afiqee anireeqa Yisuna aaramaseeqa qiqau, amanee afu dimbarana auqainanoo fee afu maqaannoo fee qufanoo Yisufa mi afu dimbara fasiqana asauku qumareenoo rarisameeqeenoo maqusa aqoosai quqaseenoo aqaara afuki fidiseenoo asaukuqara minasaa rusiseenoo irammiridanoo qinau, anee akaqa ainaina qafaidanee qufanoo mi fasiqafa oori uqeeraseenoo qinau faiqí qini qifusaa saqariara foora nidaqee qufanoo Yisufa kafaa narí asaukuqara mina afusaa quqasoofanoo mi fasiqafa afu maqasoofanoo mina afu amiqufanoo aiqama ainaina amiqimasee qafanau.

Mareekoo 7:31

Miqooqari Yisufa Tiree maqa maaqaki minniseenoo Sidoona maqusai keeqafi fiqummakufanoo Kariree farumma afainni ooqu ranau. Ooqu fidanoo qisaukuqara taikasee maqusa misaqa marusa finnaaqareenoo fimarufaqa akaqausa faiqí moo aaqoo aunirana ufa qirara mammaqi maruna afiqamaree mini Yisufa maruqoo mini quqasee aranaiqi qimamiqau. Anee maa fasiqanasaa aneenna asauku mundusainanoo andeeqaani.

Mataioo 18:7

Maa maqanasaa manda ainaina moomoo minaki mariannoo. Mi manda ainainna aukuana aukuana sia taikaannoo kaqi mariannoo, faiqí mara quqaidanoo. Minara numoo firaatia mari ifoo qidaqa qimudao̱o qidaqa. Mandainaina oosana oonu rarisainafa mi fasiqanaki faqa firaa numoo tia mari ifoo qidaqa. Minara qinee qimudaoo qidaqa.

Mataioo 11:22

Qinee kuqaa anoona ufa inni qimannimidaqa. Firaa numoo aukuana anirainanoo Anutufa Taia maqusanaasa faqa Sidoonna maqusanaasa faqa naridanoo kaqikaaqoo afauaanno. Innee Koorasinna maqusanaasa faqa Beetasaida maqusanaasa faqa sia afauaannoo firaaqoo inni naruannoo.

Ruka 4:26

Mi aukuanna Isaraee maqannaa adeedaana anaasee moomoo marufanoo sia misa dadaaqinau Sidoona maqa maaqaki Sareefata maqusaki maru aanaamuru adeedaana anaaseena kai Anutufa Eeriaana aqiqoofanoo dadaaqinau,

Mareekoo 7:24

Yisufa mi maqa maaqana minniseenoo moo maqa maaqa Tiree maqa maaqaki oonureenoo moo maqaki faiqí anaasee maqee maqee qinee funnanai anunannai ititee mariafaqa sia qiqafaaqee qimasee qumee ireeda keeqanau. Sia mifa amana kukeeqaranaki marinau. Anaasee moo fannoo narí araamuna aundurai qooqeena faafasaaqa marufanoo Yisufa ani marunara iriseenoo aniree Yisuna amuqusa ookiqari dadaaqiranara dadaaqinanoo findifuanifeera mina aikuki maqasaa rumafinau.

Mataioo 26:24

Tamummaqara fasiqauqa akara fannoo qiniara faiqí nimaakuara doo kuquani fee qinoo maridanoo. Kuqaa qinee kaqikaa qoo kuquanaura ueeqasainaqa kuquanaura. Qini ueeqaaninna fasiqafa kuqaa maaqi qimasee nariara iriannoo. Nanaree qini qinoofa qini maqaqisoofaqee maridee. Qini numoo firaafa maridanoo fee qiannoo.

Uqafiqoo Ufafa 6:12

Miqi qimasoofanoo sipsipa aanaaqi mi papiqana rumbarana moo sanda idukinau. Idukusoofanoo maqa firaaqoo uqanna kasinoo suani afu arusoofanoo runduqarira qamunnaikinoo marinau. Quqoona faqa aiqama taatuqee arinoo fidikandandinau.

Uqafiqoo Ufafa 11:3

Mi kamuqoo mi aukuanna qinee Anutusa qini ufa kooroo qimaria fasiqaqanda soofaara qamunna afisiraqanda niqiqaanaqa qini ufa maqasaa mariasaki kooroo ifaranoo. Miqanda nuqu kooroo imariaqandee qinoo maridanoo.