Mataioo 11:19 - Anutuna Ufa

¹⁹ Qinee faiqí nimaaku anireeqa narana faqa nammari faqa naunaqa innee qiniara manda fasiqa marida, kaaqa neemarifa, kaaqa nammari neemarifa, kaaqa ummuarimaria takisa munnimma mareemariasa niqiqeemariasa aqoondiki marifa, mandoosana mareemariasa aqoondiki marifa. Innee qiniara miqi qimariafaqa qinee minara maaqi qidaqa. Yoohaneefa nammari nimimarifa faqa qinee faqa maaqanda Anutuna iriramau andeeqasee fimarunanoo mina anoona koorooidanoo. Innee maqee mariasakiqari sia inni ufa fannoo anoonaikidanoo, qaaraikammida miqimariafanoo.

Mataioo 11:19 Referans Kwoze

Ruka 19:7

Yisufa mina maaqaki marufaqa faiqí anaasee aiqamausa noori runusee ninunuridaqa qiqau, maa fasiqafa manda oosana mareemari fasiqana maaqaki keeqafinoo adooaidanoo.

Ruka 14:1

Yuda maqannaasa amaana faasaana moo Saririqa Farisai amaana ufa qimarusa misa uriqararana maaqaki Yisufa mina faqa narana nararee qimasee keeqafufaqa aqoonna Farisai amaana ufa qimarusa Yisuna qumarararee qimasee amiqimasee apuree mariqau.

Ruka 7:29

Faiqí anaasee kaiqeesa faqa ummuarimari takisa munnimmana maree mariasa faqa Yisuna ufa Yoohaneenara quna amiqimasee iriqau, misa ooqai Anutuna andeeqara ufamau fidaqa, Yoohaneefinnai nammari maree marusa maridaqa Yisuna ufa amiqimasee iriqau.

Aaquqira Ufa 17:24

Irirana faqaa fasiqa fannoo irirana narí oorisaa kai quqaqaifanoo maridanoo. Irirana siai fasiqafa aiqama aanai afu munu maqee mini maqee ifanoo sia amanaikidanoo.

Roomma 15:2

Maasa naadu naadu qeeqa qikaqaafasaa narí Yisuna saqarikirana dadaaqiananoo afeekaikiani. Sia aneennara iria, aneenna akaqaafasaa amiqi amiqianifeera minara irisee dadaaqia.

Uqafiqoo Ufafa 7:12

Kuqaa amooqirana faqa areenarana faqa irirana faqa dufi dufi qirana faqa auqu uqeerarana faqa uriqararana faqa afeeka faqa naaru naaru maasa Anutunaindi kai maridaqa. Kuqaa fee qiqau.

Aaquqira Ufa 23:21

Nammari moomoo neemariasa faqa moomoo narana neemariasa faqa qusasaa ainainara sarau ifaranoo. Narana namasee faasaana faiqaqee marifa qusasaa qamunna anaqi anaqirana afisusee mariannoo.

Mataioo 5:46

Innee inni nidinausa kai nidinaqa innee naqimmasee Anutufa mina akiaqara maasa feefauru qimiannoo fee qifaree. Sia nimiannoo. Innee miqinaqa unna qira takisa maree mariasa naanna reemariasa mariafanoo.

Idi Ufa 109:20

Oo Yaaweefa qini namuqaa miqimmasee aupurarana nimia. Mi namuqaasa qiniara manda ufa qimariasa aupurarana nimia.