Mataioo 11:10 - Anutuna Ufa

¹⁰ Ooqeenaa akara minara kai qidanoo. Mi akaranaki Anutufa maaqi qimasee Yoohaneenara qidanoo. Iriaqa. Qinee qini ufa maree marinnana ani Anutuna asauku mundirana ani oorinni aqiqaanauranoo mifa ani aana ani oorinni afisumaree finana anee mi mau fuanneera.

Mataioo 11:10 Referans Kwoze

Mareekoo 1:2

Anutuna ooqeenaa tamummaqara fasiqa auqu Eesaiaafa Yoohaneefa nammari nimarunara maaqi qimaseenoo akara rinau. Iriaqa qinee qini ufa maree marinnana qini Anutusa qisauku mundirana ani oorinni aqiqaananoo fidanoo ani aana afisuannoo.

Yoohanee 1:23

Yoohaneefa misa ufa iriseenoo maaqi qimaseenoo qimanniminau. Anutuna tamummaqara fasiqa Eesaiaafa ooqai maaqi qimasee qiniara akara rinau. Qinee karaambaiqara nammeera qimasee qimannimira fasiqausa maridaqa. Kaasau maqa maaqakiqari maaqi qimasee nammeeraqidaqa. Innee karaambaiqa anianinna aanna andeeqaseeqa afisuaqa.

Mataioo 3:3

Yoohaneefa miqi qimasee qimannimimarufanoo ooqai Anutuna tamummaqara fasiqa Eesaia mifa qimaqoo ufafa anoona Yoohaneenaki kambiqanau. Mifa maaqi qimasee akara rinau. Faiqí moo fannoo faiqí sia marunnaindari aadana maqannaindari ufa fifi qimasee faiqí anaasee maaqi qimasee qimannimidanoo. Karaambaiqa anianifeera mina aana afisuaqa. Aana eendirana andeeqasaifanoo karaambaiqa fuani. Miqi qimasee akara rinau.

Mataioo 11:3

Yoohaneena faiqi namu Yisufa maruqoo oonuree irammiriqa qiqau. Anee ooqai tamummaqara fasiqa kambiqaannoo fee qimaqoofa anee mifee maridanee. Anee Anutuna asauku mundira fee maridanee. Maasa mooree afeesianauree.

Mataioo 11:11

Akarakinaa ufa miqi qinoo marinara qinee Yisusa anoona ufa qimannimidaqa. Anaasee faiqiuqaindi moomoo maridaqa. Yaanaasee fee Yoohaneena uriqararana maqanoofee inau. Sia moo fannoo mina uriqararana maqanau. Innaaruna ququsa mariasa ureeqarausa misa kai Yoohaneena uriqararausa maridaqa.

Ruka 1:76

Oo qini faiqi aanaaqi misa aniara firaa uriqarara Anutuna tamummaqara fasiqa fee qifaranoo. Anee karaambaiqa afunni fidana mina aana afisinnaranoo.