Mataioo 10:5 - Anutuna Ufa

⁵ Maa namusa qisaukuqara taikasee qikunni ooqu qaaraqanda marasee Yisufa Isaraee maqa maaqaki minakina niqiqeenoo qimanniminau. Anaamuru maqusai sia fuaqa. Samaria maqusai faqa sia fuaqa.

Mataioo 10:5 Referans Kwoze

1 Teesaroonika 2:16

Maasa Anutuna ufa faiqí asumu marararufa aanaamuru qimannimimarunaqa misa nikooqaifaqa maasa rafaaqafirara amanidaqa. Miqidaqa Yuda maqannaasa aaqarafa doo firaafa uriqaranoo maridanoo, doo maqee mandainaina akiaqara Anutuna aranaqarafa doo misasaa aqufinoo maridanoo.

Ruka 9:2

Nimiseenoo maaqanna maaqanna niqiqamaseenoo qimanniminau, innee Anutuna innaaruna ququsara faiqí anaasee qimannimidaqa misa aurirana taika nimaqaaqa, innee sia moo ainaina maree fuaqa saunu faqa aakauqa faqa narana faqa munnimma faqa aabaa qamunna faqa sia maree fuaqa kaqi fuaqa.

Yoohanee 7:35

Yuda maqannaa uriqararausa mi ufana iriseeqa narí qimami narí qimami qiqau. Mifa yai fee finaqa maasa sia amana fuanauree. Mifa aanaamuru Kirisa maqannaa mariannai fee fuannoo fee. Yuda maqannaasa miqoo mariasa faqa maridaqa Kirisa maqannaasa narí ufa qimannimiraree fidanoo fee qida qinoo fee.

Yoohanee 4:5

Miqoo fidanoo Yisufa moo maqusa auqu Sikara mi maqusana paqurinau. Ooqai Yakooboofa miqoo maridanoo nammari sia marufanoo madika indufuseenoo minakinaa nammari neeneeufanoo narí amaaku Yooseefaana amu nammarifa marinau. Meemai uqanna indufu maree nammari paqurinau. Sikara maqusa mi nammari madikana aaqa marinau.

Ruka 10:33

Mina aanaaqiana faiqí moo fannoo Isaraee maqannaasa namuqaa marufa Samaria maqannaafa mi aatata ooqu fidanoo aru quqaqoo fasiqana misa namuqaa Isaraee maqannaana qafamaseenoo firaaqoo amuqusufanoo uainna nammari faqa fadameena faqa mina afaaqa ateekaranaki akuseenoo banisannai rumbaseenoo mi fasiqana rauseeqeenoo narí doonkisaa quqaseenoo afiqeenoo maqusai oonureenoo pasindiaqa maaqaki quqaseenoo minaki maridanoo rakisi marinau.

Mataioo 4:15

Mifa qinau. Seepuruna maqa maaqaki mariasa faqa Yooradanna nammari dinnafai mariasa faqa faruma dinni, ooruku nammari dinni qambaana maqa maaqaki mariasa faqa Kariree maqa maaqaki aanaamuru oosana oosana mariasa faqa innee aiqama faiqí anaasee asukunaki mariasa maqee kaaqa qarana qafeefaranoo. Kuqiranakiara foora asukunaki mariasa inniki maqee kaaqa qarafa radiqifinoo mariannoo. Tamummaqara fasiqa miqi qinau.

Yoohanee 8:48

Yuda maqannaa uriqararausa Yisuna ufa iriseeqa aqiqa qiqau. Anee manda Samaria maqannaa mariananoo afaanna moo ani aunduraki marifa mariananoo. Maasa kuqaa fee qidee, sia fee.

Yoohanee 4:20

Maasa Samaria maqannaasa maa aaqannasaa Anutunara innaaru qidaqa amooqidaqa. Innee Yuda maqannaasa Yeerusareenniara Anutuna amooqimaria maqusa fee qidaqa.

Ruka 10:1

Marikinoo Yisufa faiqí moomoosa rusandeesamumaseenoo qaara kai qaara kai niqiqeenoo maaqanna maaqanna Yisufa narí fuaninnannai indaaru fuaqeera niqiqamaseenoo qimanniminau afuqakinaa nandi aiqi marianara foora tatafinoo rairaainoo maridanoo moomoo fasiqa anaasee maridaqa aiqu innaarunai quqeemariasa oodaa maridaqa. Innee suana akoofinnai innaaru qifanoo aiqifandinausa niminaqa dadaaqiqa suana aiquaqeera.

Mataioo 22:3

Suqaseenoo narí faiqi namu niqiqeenoo qinau. Maqusa maqusa fifainiqa eenda qimannimunausa nifiqee minisaifaqa narana naaqa. Qimasoofaqa fifainiqau. Faiqí oonu naaramasoofaqa misa qaoo qimasee minnisaqau.

Mareekoo 6:7

Qimannimiseenoo narí faiqi namu naarama quqaseenoo manda afaanna faiqí anaasee naundurai marusa misa niqiqara afeeka nimiseenoo qaaraqanda qapamandee qaaraqanda qapamandeenoo qimanniminoo qinau, Sia moo ainaina maree fuaqa saunu kai qara maree fuaqa, feemu faqa uqa faqa munnimma faqa sia maree fuaqa, niku aanaamu afisumareeqa siuta moodaa afisumaree sia aabaa moo maraaqa.

Ruka 9:1

Yisufa narí faiqi namu (12) qisaukuqara taikasee qikunni ooqu qaara marasee naarama moodaaqoo quqaseenoo Anutuna afeeka faafasaaqa afaqara afeeka faqa aurirana oosana oosana taikara afeeka faqa niminau.

Yoohanee 17:18

Anee qini maqasaa diqiqoonnana qinee faqa miqikai iqa quandaki misa maaqanna maaqanna niqiqaidaqa.