Mataioo 10:42 - Anutuna Ufa

⁴² Faiqí anaasee yafee moo fannoo maa faiqi anaaqisa asooara nammari neemariana niminaqa qinisaa atooeemariasa minara irisee amiqi amiqimmasee niminaqa, kuqaa anoona ufa qimannimidaqa, mifa sia uqanna mina akiaqara sia maraannoo. Anutufa amiannoo.

Mataioo 10:42 Referans Kwoze

Heeburu 6:10

Anutufa sia qaaraiki marifa maridanoo, andeeqasee amana amana kai nimimarifa maridanoo. Mifa sia innee kadaapirinnana akiaqara aunuannoo, iridanoo. Innee Anutunara nidinara quandaki inneeqa niqoonausa Yisuna ufa irimariasara amiqimaseenoo nimuqusinaqa kaqi dadaaqifanoo Anutufa minara faqa sia aunidanoo, iridanoo mina akiaqara inni nimiannoo.

Mataioo 25:40

Qinee misa ufa iriseeqa quandafiqa kooroo qimannimianaura, maa qini qikaqaafasauqa misaki ureeqarausa innee misa amiqimmannimaqaidaqa qini faqa amiqimmaqimaqee marusa mariafanoo minara amiqira ququsaki keeqaaqeera qimannimidaqa.

Mataioo 18:10

Innee aufariaqa. Sia uqanna faiqi aanaaqi moo fannoo maaqirafa akoo uqannaqaani. Innee mi oosannara eerairiaqa. Minara qimannimianaura. Innaaruna maqusai qangiroouqa maqasaaqaraa faiqi aanaaqi misa naadu naadu rakisinnimaqara qangiroouqa qini innaarunaindaraa qikoona oorisaa kikiqidaqa nári faiqi aanaaqi maa maqanasaaqaraasa rakisinnimaqaranara Anutuna qimamidaqa mina oorisaa maridaqa.

2 Koorinti 8:12

Inni munnimma amanaikinaqa nimisainanoo Anutufa narindiara foora dufi dufi qiannoo. Sia amanaikinana aqusainanoo Anutufa sia minara dufi dufi qiannoo. Sia amanaikinana sia aqua.

Ruka 6:35

Innee sia misa naanna raaqa, inneeqa namuqaara nimuqusi marinaqa misa amiqimmannimaqaaqa ufaasu ainainara innaaru qimariasa nimiseeqa sia mina akiaqara nifu maqaaqa innee miqidaqa firaa uriqarara Anutuna faiqi namu marifaranoo mina akiaqara firaa qumiasana Anutufa inni nimaqaannoo. Anutufa miqi marifa manda oosana maree mariasa faqa minara auni mariasa faqa amiqi amiqimmannimaqee marifa maridanoo, innee mina aanna raaqa.

Aaquqira Ufa 24:14

Anee maana faqa iria. Amiqira irirafa ookasaasa anoonara foora adiafaa irafa maridanoo. Anee mina qumareenana kasooaqee amiqiranaki marinnaranoo.

Mataioo 18:14

Miqi kai mandee qini innaarunai qikoofa faiqi aanaaqi moo kuridiranara akooqaidanoo. Aiqama uqanna kaqi naaruara mariranara innaarunai nikoofa aididanoo.

Aaquqira Ufa 19:17

Anee kudi fasiqa anaasee narana aina nimidana Yaaweena amiara foora imariananoo kasooaqee Yaaweefa mina akiiqara ani faqa amiannoo.