Mataioo 10:23 - Anutuna Ufa

²³ Misa inni moo maqusaki narifaqa innee moo maqusai sandeeqa qiniara miqoo qimannimiaqa. Qinee anoona ufa qimannimidaqa. Innee Isaraee maqusa maqusa aiqama qiniara qimannimimarifaqa sia aiqama qimannimi taikainnaqoo qinee faiqí nimaaku kaifaa innaarunaindari qumuanaura.

Mataioo 10:23 Referans Kwoze

Mataioo 16:28

Kuqaa anoona ufa qinee qimannimidaqa innikiqari faiqí qaaramoo sia kuqirai kaqi marifaqa qinee faiqí nimaaku qeeqa innaaruna ququsa uriqarara ququsa namufaqa inni nifusaa qumuanaura.

Mareekoo 13:26

Miqoo qinee faiqí nimaaku asuruki kooroo ianaura, qinee firaa afeeka namufaqa firaa areenarana namufaqa minaki kooroo ianaura.

Ruka 21:27

Mi ainainausa oosana arasee kooroomambinaqa innee findifiqa ninuka uqeerasee qafaaqa inni innaarunai asumu marirafa adeedi ramafuannoo. Mikari qinee faiqí nimaaku innaarunaindari asuruki firaa afeeka faqa firaa areenarana faqa kooroomambi qumuanaura.

Ruka 18:8

Minara sia innaaruqiranara nikoo nikaa masee minnisaaqa, afeekaikamasee innaaru qiaqa, qinee faiqí nimaaku kafaa qumuree qafaanaqa faiqí anaasee Anutuna saqarikidaqa innaaru kaqi fee ida marifaree sia fee ida marifaree.

Yoohanee 7:1

Miqooqari Yisufa Kariree maqa maaqaki nimarinau. Sia Yudeeaa maqa maaqai finau. Yuda maqannaasa miqoo mina arira ufa qimarunara sia finau. (Ooqai Isaraee maqannaasa Isipa maqusaindari qaara fasiqa niku nisauku taikasee aukuana nifuru faiqaqa uqiqaana maaqaki fimarufanoo Anutufa innaarunai maridanoo narí afeekannai Isaraee maqannaasa maqasaaqaraasa qumee dadaaqidanoo aandau narana nimimarufaqa naqafimariqau. Kaasau maqa maaqai nini iusa oonu randee nári maqasaa Isaraee maqasaa animaridaqa aukuana aukuana Yeerusareenni suqufidaqa uqiqaanarasaida faiqeeunara iriseeqa minara afaarurumanaida nári naambeeqa nári naambeeqa uqiqaana maqa usakasaida dinni qisauku taikasee dinni ani qaara marasaida (7) faasaana minaki faiqaida qoomaqa sakasaida namasaida minara susu imariqau.)

Mataioo 26:64

Miqi qimasoofanoo Yisufa qinau. Anee qiniara qiannana, qini ufa iria, maa maqee innee qini qiqafee mariafanoo. Kasooqaqee sia maa qirausau marianau qiqafeefarau. Uriqararana Anutuna asauku uqannai mina aaqa ooqumarifi marianaura, mari inaqa kasooqaqee asurukina qumuanaura. Innee miqimaseeqa qini faiqí nimaaku qiqafeefaranoo.

Mataioo 24:30

Mi kamu qoo qinee qumuanna kari innaarunai moo kira ainaina uqannifiqara ainaina quqasaanaqa mina naaree qafaifaqa qumuanaura. Faiqí anaasee aiqama maqasaa fasiqa anaasee aiqama qafamaseeqa nisaurusee ikifaafau qimarifaranoo. Mikari qinee asuruki qeeqa kaaqa qarananamu faqa qeeqa afeeka firaana faqa qumuanaqa faiqí anaasee maqusa maqusa aiqama qini qiqafamasee qiniara rufiasee ikiraqeefaranoo.

Mataioo 25:13

Yisufa maanaaqauqa kikiqa qususeenoo narí faiqi namu qimanniminau. Innee sia qinee qumira aukuanara irimariafanoo sia deedaqifoora. Minara inni qimannimidaqa innee iridaqa qiniara rakisiaqa.

Mataioo 24:48

Ainaini mariasasaa rakisirafa moo manda fasiqa narí firaafa moosaa finanoo mifa minara sia dauni aniannoo fee qimasee narí ainainira faiqi namu sia amiqimmasee narana niminoo, misa narinoo misa kaukaata qimannimaqaidanoo quandafinanoo naríara qoomaqanduquseenoo faiqí akaqausa naaramaseenoo misauqa faqa namafinoo afeeka nammari moomoo misa saimbaqa namafidanoo furufaramma qafeenoo.

Mataioo 24:27

Qinee faiqí nimaaku sia kukeeqasee qumuanaura. Aakuasaara foora aiqamai innaarufa rakeemamaree fifaininanoo qinee faiqí nimaaku miqirafa tautumasee kaifaa qumuanaura, aiqama qiqafaaqeera.

Mataioo 23:34

Yisufa kafaa Farisai amaana ufa qimarusa qimanniminau. Qinee tamummaqara fasiqauqa faqa Anutuna ufa irimariasa faqa Anutuna ufa uqannifiqeemariasa faqa qinee marunannai mariasa innee iannai niqiqaanaura. Innee misa nindafamaseeqa akaqausa aunirira saqarisaa narifaranoo. Akaqausa innee inni amaana maqaki raitasaa qainna ateekasaida rumbeeqoo samunannai nitaufakaaqa nariisaifanoo fidika radiqinoo qumuannoo. Akaqausa maqusa maqusa nifaqasaifaqa sandeefaranoo misa fidika faqa inni nikeeku nikaaku narusa misa fidika faqa inniki marianifeera, ooqai indaaru Abeerana fidika fifau kaqinni adianau. Miqooqari anidanoo moomoosa fidika fifausaqa adianoo ani ifanoo Seekariaafa Barakiana amaaku Yeerusaree amaana maqaki Anutuna naaquqara oosirana dinni marufanoo dinni qainda marufanoo, mi qambaanna fifau arusoofanoo kuqinau. Mi kamusaqa fidika moomoo fifau adianoo maridanoo.

Mataioo 4:12

Mi kamusaqa rakisirafa Eeroodeefa Yoohaneena nammari rumannimaqee maruna karabusakina rumba quqanau. Yisufa minara iriseenoo Karidaia maqusai finau. Miqoo oonureenoo kaqikaa maqusa moo auqu narí maqusai Nasareetee, miqoo oonu marinau.

Mataioo 2:13

Fasau asaana rimarusa misa fufanoo Anutuna qangiroo moo fannoo Yooseefaana qainasaa afunnareenoo qinau. Eeroodeefa faiqi aanaaqiara randasee rutukirara qidaqinoo. Anee faiqi qisanoosa nifiqeenana Beetareeqeemma maqusara rufiasee Isipa maqusai oonu marinaqa kasooqaqee qinee qianana ooqurandee urua.

Mataioo 16:27

Minara qinee faiqí nimaaku qumuanaura, qini qangiroo namufaqa qini qikoona kaaqa areenaranaki qumuanaura, aiqama faiqí anaasee misa saika auqee mariana akiaqara nimirara qumuanaura.

Mataioo 23:36

Mi fidikafa inniki kai mariannoo inni nikeeku nikaaku nisaifaqausa misa maru kamuqoo numoo fifau faiqí nariu numoofa innee maa kamu saqa mariasaki mi numoofa inniki qumaara ramafuannoo.

Mataioo 24:34

Maqee maria fasiqa anaaseesa akaqausa kaqi maridaqa aiqama ainaina qinee qimannimiafannandee kai inoo kambiqaannoo.