Mataioo 10:19 - Anutuna Ufa

¹⁹ Misa inni rumbamaree nári mariannai nifiqee fifaqa naqi fee qianau naqi fee qianau sia qiaqa. Mikari kai qini qikoona maraquna fannoo qimannimina ufana mi ufana kai qimannimiaqa.

Mataioo 10:19 Referans Kwoze

Rafudoo Akarafa 4:12

Moosee anee doo fua. Qinee ani ufa dadaaqi aakapaanana qinnaranoo.

2 Timooti 4:17

Misa fufanoo Karaambaiqa kai qumee qini pooduqee marufaqa qinee kootaki kikiqamafi Yisuna ufa aiqama amiqimasee aanaamuru aiqama qimannimiafanaqa iriqau. Miqimasaafananoo Anutufa kaasau aandau ookinaanara foora qini rafieenoora foora inau.

Ruka 12:11

Kasooqaqee misa qini ufasaara inni qini ufa irimariasa rumbamaree amaana maaqaki fee siaasinnai fee nariqa uriqarara finnai fee munusaifaqa inni ufa iriraree qifaqa inneeqa nifaaqa ititara ufara faqa qimannimira ufara faqa sia randaaqa. Anutuna naaquqara maraquna fannoo qimanniminna ufana miqoo kai inni naakapaannoo.

Rafudoo Akarafa 4:15

Anee mina qimaminanoo mifa misa qimannimiani. Qinee inniqara dadaaqianaqa ufa qimannimifaranoo. Qinee inneeqara ifandinna ainaina qimannimianaqa auqeefaranoo.

Yameesa 1:5

Inniki akaqausa irirafa sia amanaikinausa Anutunai innaaru qifanoo nimiani. Anutufa paapaa imarifa amiqimasee irirana kaqi nimimarifa maridanoo.

Mataioo 6:31

Innee sia nimukaina maaqiaqa nana qamunnee afisuanauree nana naranee naanauree, nana nammari fee naanauree. Sia miqi qiaqa.

Mataioo 6:25

Minara qinee qimannimidaqa. Innee sia inneeqa kaqi mariranara nimuqusiaqa. Inni narana neemariana faqa nammari neemariana faqa qamunna afisimarianara faqa sia minara yai fee maraanau yai fee maraanau qiaqa. Qamunna narana oorudupirafa marinara sia minara irinanoo umaara raani. Anee sia kuqimariananoo kaqi mariannanara minara kai asasiaqa. Aneenna kaqi mariannanara mina akiaqara firaa ainaina maridanoo narana faqa nammari faqa qamunna faqa oorudupirafa maridanoo.

Firipi 4:6

Inneeqa oosana oosana sarauqira ainainara sia oonumafi irifanoo nimuqusiani, innee Anutunara innaaru qidaqa miqoo kai inneeqa sarauqi maria oosana oosana ainainara innaaruqiaqa. Innaaru qidaqa Anutunara dufi dufi qirana namufaqa innaaru qiaqa.

Mataioo 6:34

Minara qinee inni qimannimidaqa maqeera kai iriaqa. Duna faasaana ainainara sia irinanoo ummaara raani. Duna narí kai narí aiqama kambiqaaninna ainainara rakisiannoo. Faasaambaasaana maqee ainainara kai iriqa fuaqa qidaqa.

Mataioo 10:18

Misa inni akaqausa kiapafinnai maree fifaranoo, mandaikammida ufa rukiee marifaqee unna qimasee nifiqee kiapafinnai fifaranoo, karaambaiqa marinnai kootara inni maree fifaranoo. Qini duqusaara miqifaranoo. Misa oosana oosana mandainaina qini ufa taikaanifeera miqimma nimaqeefaranoo. Anutufa qumee misa faqa aanaamuru mariasa faqa qiniara iriaqeera miqimannimaqaannoo.