Mataioo 10:16 - Anutuna Ufa

¹⁶ Iriaqa, qinee inni niqiqaanaqa innee sipsipara foora kaasau faini qambaana inni niqiqaidaqa. Faiqí oodaa mariafanoo faiqí moomoosa inni narusee naaqaammidammia. Minara innee sakani maaso̱o aanna reeqa reendeenamasee nuaqa. Nakipurunara foora kaqi muquriqa marida, reendeenammida mariaqa.

Mataioo 10:16 Referans Kwoze

Ruka 10:3

Doo fuaqa, qinee qini sipsipa aanaaqi kaaqa reendeenimariasa kaasau faini qambaanai inni niqiqaidaqa.

1 Koorinti 14:20

Oo qini qikaqaafasaa sia inni irirafa faiqi aanaaqi iriranara foora mariani, faiqí firaasa iriranara foora mariani. Oosana oosana mandainainara minara kai inni irirafa faiqi aanaaqindiara foora nisakadiki qikairi siaisa mariaqa.

Kooroosee 4:5

Innee Kooroosee maqannaa Yisuna aiku oosana mariasa innee Yisuna ufara nikoo nikaa imariasa faqa moodaa maqusaki mariafanoo. Innee misa nifusaa reendeenamasee irirana faqaasa naanna ramasee nuaqa. Innee misa faqa maridaqa innee sia fifau nifaurunnai kai ufa qiaqa, Yisunara qimannimiraree qidaqa deedaqammaqaifanoo mariani, iraifaqa dauni qimannimiaqa.

Ruka 21:15

Mikari qinee qeeqa kai qumee dadaaqianaqa innee irirana faqaasa ufara foora qimannimifaqa inni namuqaakiqari moo fannoo sia amana inni ufa rukiasee qaoo qifara.

2 Koorinti 11:3

Ooqai sakani fannoo narí kaaqa irira unnufannai Eeuana akaru qundee kai inni irirafa faqa iandoora. Asauku mundiranasaa kai inni irirafa amiqimandee andeeqasee mundinoo mari inanoo kaqi runna fifoora minara qinee inniara rufiaidaqa.

1 Teesaroonika 5:22

Oosana oosana mandainainara eerairiaqa.

2 Koorinti 11:14

Sia minara tautiaqa, Sadannafa faqa miqi kai imarifa maridanoo, mina aanandaidaqa miqidaqa, mifa kaaqa qara qangiroo nimammana usufinoo marifa marifaqa misa mina aannandaidaqa miqidaqa.

Oosana 3:1

Karaambaiqa Anutufa aiqama aandauqakina auquqoona qambaanaindari sakani mifa nikaru qira ufa akoofasa marinau. Mifa anaasee iramirinoo qinau. Kuqaa fee Anutufa saqariuqaki aiqama qaoo qinoo fee sia naaqee qinoo fee.

1 Teesaroonika 2:10

Maasa innee Teesaroonika maqannaa faqa mariafanna kamuqoo sia Anutufa kai maasa marirana qafanau, innee faqa qiqafoofanoo. Maasa inni Yisunara rimarusa faqa maridaqa maasa anukarana faqa andeeqarana faqa pisoopisooirana faqa sia aaqarana faqa mariafanaqa qiqafee marusa maridaqa.

Kooroosee 1:9

Maasa indaaru mi ufana iriseeqa miqooqari inniara innaaru qidaqa. Maasa inniara Anutuna iriranamau fifandinnanara inni naundurai qumbiqaanifeera innaaru qidaqa. Anutuna maraquna fannoo nimi irirana faqa iriranamau fira irirana faqa inni naundurai qumbiqaanifeera minara faqa innaaru qimannisaidaqa.

2 Koorinti 1:12

Oo Koorinti maqannaasa maasa maqusa maqusa nidaqa inni faqa mariafananoo qini daakirafa irirafa maaqimandee qimaqimidanoo. Maasa inni faqa mariafananoo sia faiqí irirafa maasa uqaqifiqanau. Anutufa dadaaqufaqa narikinaana akooqoo anoona ufa faqa noori runusee auqarafa faqa, Anutuna afaarira amiqi amiqira afeeka faqa mifauqa kai rakisiqimaqee marifaqa inni faqa maridaqa minara maasa irisee nasuridaqa.

2 Koorinti 8:20

Akaqausa raiqara ufa qifoora maasa amiqimandee inni moomoo afaaramandee nimifandinna munnimmana maasa rakisianaura.

Oosana 3:13

Miqi qufanoo karaambaiqa Anutufa mi anaaseena iramirinoo qinau. Anee nanaree maa oosanna mareenanee. Mi anaaseefa iriseenoo qinau. Sakani fannoo anireenoo qini qikaru qifaqa neeqa.

Mataioo 24:25

Yisufa mi aukuannara mi unna fasiqausara maaqi qimasee narí faiqi namu qimanniminau. Innee mi aukuannara oonumafi iriaqa, eerairiaqa rufiaaqa. Doo maqee kamu doo kooroomma nimaqaunnana iriaqa.

Mataioo 24:45

Ainaini mariasasaa rakisirafa amiqira fasiqa oosana maaqimminoo maridanoo. Mina firaafa minara qinoo. Anee qini ainainira faiqiuqasaa rakisida narana ainaina andeeqasee amiqimmasee nimisee rakisi marinaqa qinee moosaa fuanaura.

Mataioo 25:2

Moodaannai qisaukunamu furufari marusa maridaqa nári rambi kai uqusee marida afeesimariqau.

Mataioo 25:4

Moodaannai qisaukunamu irirana faqaasa rambi faqa minaki adiee maria nammarina faqa uqusee maridaqa afeesimariqau.

Mataioo 25:9

Nammari faqaasa misa qaoo qimasee qiqau. Sia amana inni adia nimianaura inni adia nimiseeqa maasa faqa randaanoora innee sandeeqa sutuaqai oonu feefauriaqa. Miqi qufaqa misa eedoo qimasee sutuaqai nammariara fiqau.