Mataioo 1:20 - Anutuna Ufa

²⁰ Miqi qimaseenoo Yooseefaafa irisee fimarufanoo karaambaiqa qangiroo fannoo qainasaa akooqoo qimaminau. Yooseefa, anee Dafidina mi oosanafa mariananoo. Anee aneenna aqoonnanara sia rufia, sia qumuarimari manaaqafa maridanoo mifa amuaquqaiki ainainafa Anutuna kaaqa areenara maraquna fannoo quqasaifanoo anoonaikinoo. Sia minnisaa kaqi maraa.

Mataioo 1:20 Referans Kwoze

Ruka 1:19

Mi qangiroofa mina ufa iriseenoo quandafi qimaminoo qinau, Qinee Kabarieerasa maridaqa Anutuna afusaa kiki iqa marunausa maridaqa. Mifa kai qini diqiqaifaqa maa amiqira ufana ani faiqí asumu faiqi aanaaqi maqeemaria faasaana kambiqaannoo fee qunana sia iriananoo.

Mataioo 1:18

Ooqai Anutuna asauku mundirafa Yisufa mina maqoo ufafa maaqimminoo maridanoo. Mina anoofa Mariafa faqa mina áqoonafa Yooseefaafa faqa qutaaqama amaqarafa mariqau. Miqanda naadu naadu mariqau. Miqinoo maridanoo Mariafa amuaquqaikinau. Anutuna kaaqa areenara maraquna fannoo Mariana aranandakina anoonaikufanoo amuaquqaikinau.

Mataioo 2:19

Yooseefaafa Isipa maqusai kaqi marufanoo Eeroodeefa kuqufufanoo Anutuna qangiroo moo fannoo Yooseefaana qainasaa afunnareenoo akooqoo qimaminau.

Ruka 2:4

Yooseefaafa ooqeenaa Isaraee maqannaa karaambaiqa Dafidina ati marufa Kariree maqa maaqakiqari kaqikaa maqusa Nasareetee marufa miqooqari Yudeeaa maqa maaqaki kaqikaa maqusa Beetareeqeemma maqusai Dafidifa mariu maqusanaki auqu maraanifeera ooqu finau.

Mataioo 28:5

Maqasaa noorindari faiqaqeeufanoo qangiroo fannoo anaasee oonuroosa maaqi qimasee qimanniminoo qinau. Innee sia rufia rufiaqiaqa. Innee Yisuna aunirira saqarisaa pirimmannoo aruqaanara randaidaqa qinee iridaqa.

Oosana 31:11

Qinee qainasaa qafaafananoo Anutuna angiroo moo fannoo qini daaroofaqa qinee maqi qiqiafana.

Mataioo 2:22

Yuda maqasaa oonureenoo Eeroodeena mina amaaku auqu Aakeerausifa doo mifa narí akoona ainaina afapita qumareenoo rakisirafa marinau. Yooseefaafa minara iriseenoo rufiee marinau. Qainasaa afunnaroofanoo Isaraee maqa maaqa dinnatinni Kariree maqa maaqaki oonu marinau.

Idi Ufa 143:8

Aiqama kananaana anee daaqoo auqainaqa ani sia taikaaninna amuqusiranara irisee qeeqa saqarikirana aniki quqaanaura. Qini innaaru qirafa anee iannannai ooru fidanoo. Anee qiniara fuannee qinnaqoo uqaqifiqainaqa fua.

Idi Ufa 119:125

Oo Yaawee qinee ani ainainira fasiqa maridaqa anee irirana oosana qiminaqa qinee ani naamuaqira ufa oosana irianaura.

Idi Ufa 94:19

Qini daunduraki ummaara darimarifaqa moomoo irirana irimarunana anee Yaaweefa qini daundura uqbiqasee asasirana qimi mariananoo.

Mataioo 2:13

Fasau asaana rimarusa misa fufanoo Anutuna qangiroo moo fannoo Yooseefaana qainasaa afunnareenoo qinau. Eeroodeefa faiqi aanaaqiara randasee rutukirara qidaqinoo. Anee faiqi qisanoosa nifiqeenana Beetareeqeemma maqusara rufiasee Isipa maqusai oonu marinaqa kasooqaqee qinee qianana ooqurandee urua.

Aaquqira Ufa 12:5

Kuqaa anoona ufa qimariasa aiqama ainaina andeeqa nimaqeefaranoo. Manda oosana maree mariasa inni nikaru qiranara kai iridaqa.

Oosana 46:3

Qufanoo Anutufa qimaminoo qinau. Qinee Anutusa ani akoona Anutusa maridaqa. Anee sia Isipa maqasaa ooqu firaranara rufiaa. Mi maqanasaa ooqu marinaqa ani aiku asauku firaa maqanaasaikamma nisaanaura.

Mataioo 2:12

Miqimmasee marufanoo qaina nifu naroofaqa Eeroodeefa marinnai sia kafaa anirandee fuaqa. Anutufa miqi qufaqa misa moo aatata qumee nimaaqa fiqau.

Mataioo 27:19

Piratoofa ufa irira maqaki ooqumarifi marufanoo narí anaaqa fannoo narí maaqakiqari pasa akara rumaseenoo moo fasiqasaa quqasoofanoo minisoofanoo Piratoofa asaana rumaseenoo qafanau. Narí anaaqa fannoo qinoo. Sia Yisuna arua. Asauku raqandaamasee ireeda maria. Qaina daaquqara qaina qini qifunnareenoo. Mi andeeqara fasiqanara qainammaqaunanoo daunduraki mandaiki marifaqa. Sia anee mina aruanee qimasee akara rinau.

Uqafiqoo Ufafa 19:7

Tatufirana aruaninna sipsipa anaaqifa Yisuna amundarafara foora doo animaridanoo, minara maasa susuiqa asasiaqa mina uriqararana amooqiaqa. Mina aanaaqara foora Anutufa fuka siara eekara arimaruna aminoo maa siarana iraannee qufanoo irasee deedaqinoo maridanoo. Mi eekara siarafa Anutuna maqasaa fasiqa anaasee andeeqara oosana kikiqamusinoo maridanoo.