Mataioo 1:1 - Anutuna Ufa

¹ Maa akarafa Anutuna asauku mundirana Abarahaamana ati Yisunara qidanoo. Karaambaiqa Dafidina ati maridanoo. Mina akeeku akaaku mina oosana maaqimminoo maridanoo.

Mataioo 1:1 Referans Kwoze

Oosana 22:18

Aiqama maqannaasa qiniara ani aiku asauku amiqi amiqimma nimaaqaafanandee masee maasa faqa amiqi amiqimma qimaqaannee qifaranoo. Anee qini aakapara ufa qaindusuannanara miqiqa.

Karatia 3:16

Miqi kaimmasee Anutufa narí qima afeekaikira ufa Abarahaamanasaa faqa mina atisaa faqa quqaseenoo akara rinau. Ooqeenaa akara fannoo sia narí atiuqa moomoo fasiqa anaaseera qidanoo. Mifa maaqi qidanoo, ani ati kaimma qima afeekaikirana amianauree qidanoo asauku mundiranara moodaara qinau.

Roomma 1:3

Mi amiqira fasaasa ufana narí amaaku narí asauku mundirana Yisunara maasa karaambaiqara qidanoo. Mifa Dafidinakiqari kambiqoonara maasa maqasaa fasiqee qidaqa. Anutufa narí firaa afeekannai kuqiranakinaana Yisuna mara findifumaseenoo minannai uqannifiqasoofaqa iriseeqa misa minara Anutuna amaaku innaarunaindaraafa naaquqarafee qidaqa.

Uqafiqoo Ufafa 22:16

Qinee Yisufa maa ufausa amaana maqaki keeqee mariasa qimannimiaqee qimasee qeeqa qangiroo aqiqeeqa. Qinee Dafidina oosanakiqari minati maridaqa. Qinee kananaana duqudeeqiara maqi kaaqa qeemarunausa maridaqa. (Yisuna saqariki mariasa aiqama mina aqoonausara foora mariafanoo misara Yoohaneefa moodaanaki sipsipa aanaaqi Yisuna anaaqa fee qidanoo maa papiqanaki qidanoo.)

Idi Ufa 132:11

Anee oori kandamasee Dafidinara qima afeekaikinau. Sia kaifaa mi qima afeekaikirana rukaanauranoo fee qimasee qima afeekaikamasee maaqi qinau. Qinee ani faiqi namukinaana moo karaambaiqaika masaananoo anee kuqu finanoo mifa Isaraee maqannaasasaa rakisiannoo.

Yoohanee 7:42

Tamummaqara fasiqa akara minara Anutuna asauku mundirafa Dafidina ati mariannoo. Dafidina ooqeenaa maqusaki Beetareeqeemma miqoo kambiqaannoo fee qiqau.

Oosana 12:3

Aniara amiqi amiqi mariasa qinee faqa quandafiqa misa faqa amiqi amiqi ianaura ani aqurarainausa qinee faqa quandafiqa misa faqa niquraraanaura. Aniaroo qimasee misa aiqama maqasaaqaraasa amiqi amiqimma nimaqaanaura.

Mataioo 1:18

Ooqai Anutuna asauku mundirafa Yisufa mina maqoo ufafa maaqimminoo maridanoo. Mina anoofa Mariafa faqa mina áqoonafa Yooseefaafa faqa qutaaqama amaqarafa mariqau. Miqanda naadu naadu mariqau. Miqinoo maridanoo Mariafa amuaquqaikinau. Anutuna kaaqa areenara maraquna fannoo Mariana aranandakina anoonaikufanoo amuaquqaikinau.

Roomma 9:5

Misa ooqeenaasa faiqí nuqufaqaasa Abarahaamana faqa Isakeena faqa Yakooboona faqa misauqa faiqi namu niku nisauku mariasa, misa asauku mundirafa mi maqannaasaki qumu kambiqafufaqa moodaa maqannaa marusa maridaqa. Anutufa aiqamausara rakisidanoo, naaru naaru mina amooqiaqa. Kuqaa.

Roomma 4:13

Anutufa maa maqa maaqanara Abarahaamafa narí aiku asauku saimbaqa maqa maaqa fee qinoo qimafeekaikinau. Sia Abarahaamafa Anutuna sandufamau andeeqasee finoofau mina akiaqara maqa maaqara qima afeekaikirana marano̱ofauinau. Mifa Anutufa ufasaa narí irirana rusisoonara minara kai Anutufa mina mareeqeenoo narí afusaa andeeqaranaki quqaseenoo maqara qimafeekaikinau.

Mataioo 15:22

Miqooqari Kannaana maqannaa anaasee fannoo aanaamuru anaasee anireenoo Yisuna qimaminau. Anee Dafidina ati karaambaiqa mariananoo. Anee qiniara amuqusiani. Qini qiraamuna ooqeena aakinoo marifaqa ooqeena fannoo maqee maqee qini qiraamuna mara furufari marifaqa aurirana amimarifaqa minara ani qimamidaqa.

Mataioo 9:27

Mi manaaqafa findifufanoo Yisufa moosaa fimarufanoo faiqí qaaraqanda nifu dimbaraqanda aanaaqiana fidaqa faaqariqa fida qiqau. Oo Dafidina ati anee maaqanda qiqafainanoo ani amuqusinana maaqanda dadaaqia.

Oosana 2:4

Miqimmaseenoo Anutufa innaaruna faqa maqa faqa auqinau.

Mataioo 3:16

Yoohaneefa Yisuna nammariki ooqumari amaqasoofanoo nammarikiqari findifufanoo mikari kai innaaruna rakeeufanoo Anutuna naaquqara andeeqara maraquna fannoo Yoohaneefa qafoofanoo nakipurunara foora mambufanoo qumureenoo Yisunasaa quqanau.

Oosana 5:1

Adamana aiku asauku misa oosana maaqimmasee akaraki marinau. Anutufa indaaru narí amana kai faiqí anaasee auqinau.

Idi Ufa 89:36

Miqianaqa Dafidinasaa aru akinausa naaruara marifara. Qinee misasaa naaruara suaniara foora qaida rakisi nimaqaanaura.

Idi Ufa 89:3

Anee Anutufa maaqi qinau qinee qeeqa moodaanaki kira ufa qinee rusandeesamu masee maraafanna fasiqanasaa Dafidinasaa quqeefee qinau. Qinee qeeqa ainainira faiqi Dafidinara qima afeekaikiqa.

Mataioo 1:2

Abarahaamafa Isakeena akoofa marinau. Isakeefa Yakooboona akoofa marinau. Yakooboofa Yudana faqa mina akaqaafasaa faqa nikoofa marinau.

1 Timooti 2:5

Moodaa Anutufa kai maridanoo moodaa fannoo kai narí Anutuna faqa faiqí anaasee faqa mara moodaanakikamma nimaqaidanoo. Mi fasiqafa Anutuna asauku mundirafa Yisufa maridanoo faiqí anaasee oonu kafaa marasee nariki quqaanifeera narí afaaqa kuqiranaki quqanau. Maasa mina qafamaseeqa maaqi qidaqa. Oo Anutuna narí aukuana maridanoo. Oo mifa kuqaa aiqama fasiqa aanaaseera asumu mariranaki mariaqeera miqidanoo.

2 Timooti 2:8

Aneenna aaqooki asauku mundirana Yisunara iria, mifa Dafidina ati kuqiranakiqari findifufa maridanoo. Mina amiqira fasaasa ufa qinee qimannimi marunnana mina koorooidanoo.