Mareekoo 9:9 - Anutuna Ufa

⁹ Mi ainainafa taikoofaqa misa Yisuna saimbaqa mi aaqannasaaqari ooqu fimarufanoo Yisufa maaqi qimasee afeekaikamandee qimanniminau. Innee meerai aaqanasaa qafaanara ooquree sia uqanna qimannimiaqa. Qinee faiqí nimaaku kuqiranakiqari findi fuannaqoo miqoo kai qimannimiaqa.

Mareekoo 9:9 Referans Kwoze

Mareekoo 5:43

Yisufa afeekaikamasee qimanniminau innee maa manaaqana andeeqaqaunnufana umeeraaqee qimasee quandaki maanaaqara qinau maa manaaqana narana amifanoo naani qimasoofaqa miqimmiqau.

Mataioo 12:40

Yoonaafa firaa noodaanna aranandaki qaaramoo faasaana faqa eendaki faqa marinau. Miqi kai iqa qinee faiqí nimaaku qaaramoo faasaana faqa qaaramoo eendaki faqa maqa aundurai madikaki marianaura.

Mataioo 27:63

Oo amiqirafa mi unna fasiqafa kaqi maridanoo qaaramoo faasaana mariqa findifuaqee qinoo.

Mataioo 16:21

Mikari oosanarasee miqooqari narí kuquaninnanara qimannimi maree finau. Mifa Yeerusareenni ooru firanara faqa qimanniminau. Faiqí firaasa faqa amaana maqasaa rakisimarusa faqa Mooseena sandufa uqannifiqee marusa faqa misa firaa dinee miqoo narí Yisuna amiranara qimanniminau. Kuqariranara faqa qaaramoo faasaana findi fuaninnanara faqa qimanniminau.

Mataioo 12:19

Mifa sia dapi ufa oosana oosana firaaqoo qiannoo. Sia faaqa rumasaida qiannoo. Maqusaindari sia mina ufa irifaranoo.

Mataioo 8:4

Mina karoora taikasoofanoo Yisufa qimaminau. Simai sia uqanna moodaa fasiqa qimamia. Findifinana munu amaana maqasaa aanaiqikirana aneenna afaaqa karoora arimaruna uqafiqainanoo aiququmasainana Mooseefa ufa qimaqoomau ainaina mara maree amaana maqaki qaindasaa suqarana tatufinana Anutuna amia. Faiqí anaasee qafamasee doo mina karoora taikeefoo qimasee sia aniara eerairiaqeera. (Ooqai Mooseefa karoora narinausa sia maqusai aniaqee qimaqoofa. Andandakinai kai nuaqee qimaqoofa. Faiqí moo fannoo narí karoora taikaseenoo amaana maqaki ani kikiqamafufanoo amaana maqasaa rakisirausa qafamasoofanoo doo maqusai fuannee qufanoo doo kaifaa maqusai finau. Kaqikaa ainaina amaana maqaki Anutunara dufi dufi qimasee nimiseenoo doo maqusai kaifaa finau.)

Mareekoo 7:36

Ufa qimasoofanoo Yisufa aiqamausa aranaiqi qimanniminoo qinau, sia maanara moosa qimannimiaqa qinau. Yisufa kafaa kafaa qaoo qimarufaqa misa moo faqa moo faqa qimannimiqa fimariqau.

Mareekoo 9:8

Yisuna faiqinamu mi ufana iriseeqa kaqi kaqi miqoo munu randee mini randee ufanoo, sia faiqí miqoo marufanoo Yisufa kai miqoo misa faqa marinau.

Mareekoo 9:10

Mi faiqinamusa eedoo qimasee sia qimannimiqau, Yisufa kuqiranakiqari findifuaninnara minara kai narí qimami narí qimami umee kai qimariqau. Misa miqi qidaqa Yisuna iramiriqa qiqau, Mooseena sandufa akoofasauqa minakiqari maaqi qidaqa. Faiqí moo fannoo Eeriaafarafoo qira fasiqa mifa naaree findifumafinanoo miqooqari Anutuna asauku mundirafa kambiqaannoo fee qidaqa. Misa miqi qidaqa nanee fee qidee miqi qidee qufanoo Yisufa maaqi qimasee qimanniminoo qinau.

Ruka 9:36

Mi ufafa taikafufanoo misa qafoofanoo Yisufa naríara kai miqoo marinau. Miqooqari Yisuna faiqi namu miqoo mariusa mi ainainna qafoonara sia uqanna kooroo iqau. Kaaqa umeeraqau.