Mareekoo 9:5 - Anutuna Ufa

^5-7 Nindafaidaqa firaaqoo maparaaida rufiaidaqa ufa qiranara randee marufanoo Peetooroofa Yisuna aaramaseenoo qinau Oo ufasaa rakisira maasa maaqoo marunanoo amiqimminoo amanee maasa maaqoo uqiqaana maqa qaaramoo auquanauree, aniara moo Mooseenara moo Eerianara moo usakaanauree. Rufiaqa rufiaqidanoo ufa qiranara randoosia miqi qinau. Miqi qimasoofanoo asuru fannoo anireenoo aiqama misa dukunimaqasoofanoo asurukiqari ufa moo kambiqeenoo maaqi qinau. Maafa qini qimuqusira qimaaku marifa, innee mina ufa kai iriaqa.

Mareekoo 9:5 Referans Kwoze

Firipi 1:23

Qaara irirafa qini daundurai maridanoo dinni dinni oonurarisee ani rarisee imariafaqa maridaqa. Roomma maqannaasa qini kuqa kai darifaqa qinee maa marirana minnisee asauku mundirafa marinnai firara firaaqoo dididanoo amiqira ainaina maridanoo.

Mataioo 23:7

Faiqí anaasee suqidaqa makeeti marunakina narí anufaqa uqeera qafeeqa, Oo maasa faiqí firaafa anee fee anidanee miqi qufanoo narí fifau sumoo summidanoo. Misa aatata fidaqa maqusa maqusa nimarufaqa faiqí misa nindafeeqa, oo maasa ufasaa rakisirafa misa miqi qunara kaaqa nidufaqa asasammidaqa. Misa iandee innee sia miqi iaqa.

Idi Ufa 84:10

Moodaa faasaana ani amaana maqaki marirafa uriqararafa maridanoo. Wan tauseena faasaana kaqinni marirafa oorudupirafa maridanoo. Qinee qeeqa Anutuna amaana maqa kooqiki keeqarara dididanoo. Manda oosana maree mariasa maaqaki mariranara qikooqaidanoo.

1 Yoohanee 3:2

Qini qifaaqasaa qiqoondiuqa, maqee maria aukuana Anutuna faiqi namu maridaqa. Kasooqaqee innaarunai mina faiqi namu maridaqa nana amiqira ainaina fee moo faqa ootupamma qimiannoo fee maasa sia minara iridaqa sia akooqoo maridanoo. Moodaa ainaina kai maasa iridaqa. Asauku mundirafa innaarunaindari koorooinaqa maasa mifara foora marianaura. Maasa mina narí uqanna raquramisee qafamasee minara narí fooqaanaikammianaura.

Mataioo 17:4

Peetooroofa qafamasee Yisuna qimaminau. Karaambaiqa, dufi dufi anee maasa qifiqee adiafaa irannai mai uruananoo. Anee qinaqa kaqikaa uiqaana maqa qaaramoo auquanaura. Anindi moo, Mooseenaindi moo, Eeriaanaindi moo.

Mataioo 23:8

Faiqí anaasee inniara maasa uqannifiqara fasiqa fee qifaqa qaoo qimasee qiaqa. Innisaimbaqa amanamana kai maridee qiaqa ooreeqarausa nikaqaafasaa kai maridee qiaqa. Anutufa kai innisaimbaqa uqannifiqara fasiqa maridanoo fee qiaqa.

Mareekoo 9:4

Eeriaasa faqa Mooseesa faqa ooqai tamummaqara fasiqaqanda maridaqa kuqiqa ooru fuqanda miqoo aaqanasaa Yisuna faiqinamu nifusaa kooroomafufaqa Yisuna faqa ufa qimarufaqa Yisuna faiqinamu nindafaqau.

Ruka 9:33

Mi fasiqaqanda Yisuna aisee firarufanoo Peetooroofa narí oosana sia irirai Yisuna qimaminoo qinau. Ufasaa rakisirafa, maasa maaqoo marunanoo amiqidanoo. Maasa qaaramoo uiqaana maaqa maaqoo usakaanaura, aniara moo Mooseenara moo Eeriaanara moo usakaanaura.

Yoohanee 4:31

Mi anaaseefa maqusai oorufufaqa Yisuna faiqi namu Yisuna qimamiqau ufasaa rakisira doo narana naa qufanoo mifa nariqa qimanniminau. Qini narana moo maridanoo innee minara sia irimariafanoo.