Mareekoo 9:3 - Anutuna Ufa

³ Mina qamunna aiqama dupuqa aruaqufufanoo aiqama eekara aruaqufufanoo nifu faqa daroo daraa inau. Sia maqasaaqaraa fasiqa amana qamunna miqimandeeqa nammari uqusaifanoo eekara arinoo dupuqara maqi aruaquannoo.

Mareekoo 9:3 Referans Kwoze

Mataioo 28:3

Mina oori afiri aakuasaa idauru miqirafa marinau. Mina qamunna kaaqa eekara kaaqa qarafa marinau.

Uqafiqoo Ufafa 7:14

Sia qinee iridaqa anee qimaqimia qiafananoo mifa kooroo qimasee qimaqiminau. Maa fasiqa anaaseesa Anutuna ufamau fimarusa minasaara narirana maree marusa minakiqari amiqimasee ani marusa maridaqa. Misa nári ikairi aanaaqi qamunna sipsipa aanaaqi Yisuna fidikaki nári qamunna nammaruqusee eekara arufifaqa afisusee maridaqa.

Uqafiqoo Ufafa 7:9

Qinee Yoohaneesa mina qafamaseeqa quandaki qafaafana moo suqirafa marinau faiqí anaasee firaaqoo qusimariqau. Sia faiqí moo fannoo nisaanarirana amana moomoo uqanna mariqau. Misa aiqama firaa maqannaasakiqari faqa kaqikaa maqannaasakiqari faqa aiqama fasiqa anaaseekiqari faqa aiqama ufakiqari faqa Anutuna qaari oorinni sipsipa aanaaqi oorisaa aiqama ufa qimarusa kikiqammafiqau. Misa qamunna eekara afisirausa aufaqaa saqari asaana uqirausa Anutuna oorisaa kikiqiqau.

Idi Ufa 68:14

Mi rakiranaki aiqama afeeka faqaa Anutufa karaambaiqauqa Saramoona aaqanasaa naru nindaqaaqa ufaqa fifainufanoo firaa oonnamuara misaqa aiqamai itita aqufinau.

Idi Ufa 51:7

Anee qini anukama qisainaqa qinee anukaqa maria. Qini nammari uqusainaqa qinee eekara arira qasuruara foora qiqa maria.

Uqafiqoo Ufafa 19:18

Innee suqufiqa karaambaiqauqa faqa sundiauqa faqa misa kiateenauqa faqa qoosauqa faqa minasaa akaraqa mariasa faqa aiqama fasiqa rumbee mariasa faqa iduki mariasa faqa kaiqeesa faqa uriqararausa faqa Anutufa misa aiqama narusainaqa misa nimaqi anireeqa Anutufa qoomaqa sakaseenoo misa nimaqi aniree naaqa.

Mareekoo 9:4

Eeriaasa faqa Mooseesa faqa ooqai tamummaqara fasiqaqanda maridaqa kuqiqa ooru fuqanda miqoo aaqanasaa Yisuna faiqinamu nifusaa kooroomafufaqa Yisuna faqa ufa qimarufaqa Yisuna faiqinamu nindafaqau.

Ruka 9:29

Yisufa miqoo innaaru qidanoo moo oori afiri maroofanoo mina qamunna kaaqa eekara rinoo nifu daroodaraa inau. Qaara fasiqa tautumaki kooroomafufaqa Yisuna faqa ufa qimariqau. Miqanda Mooseesa Eeriaasa ooqai kuquqanda tautumaki miqoo maqasaa misa nifusaa innaaruna areenaranaki kooroomafiqa Yisufa qusasaa Anutuna ufamau finoo Yeerusaree maqusai kuquaninnanara Yisuna faqa ufa qimariqau.