Mareekoo 8:2 - Anutuna Ufa

² Qinee maa fasiqa anaaseesara qimuqusammidaqa qaaramoo faasaana qini faqa mariafanoo maqee doo narana misaindi sia maridanoo.

Mareekoo 8:2 Referans Kwoze

Mataioo 9:36

Yisufa faiqí anaasee nindafamaseenoo firaaqoo amuqusufanoo qinau. Boo faiqí anaasee sia rakisirafa marisa, kaqi fifau tia maridaqa. Sipsipauqa fooqaasa rakisirana siaisa maa fasiqa anaaseesa maridaqa. Kaasau fainiara foora marida, aukuana aukuana sia amiqimmasee marida, mi manda kaasau faininara rufiaqa rufiaqa kaimmidaqa, aukuana aukuana miqi kaimmida marida, dadaaqirana siaisa rakisirana siaisa maridaqa.

Idi Ufa 145:15

Aiqama kasi maria ainainausa narana nimianneera nifu mundusee ani kai qafaafana narana nimi mariananoo.

Idi Ufa 103:13

Faiqi nikausa faiqiara firaaqoo nimuqusidaqa. Miqikai inoo Yaaweefa nariara rufiee mariasara firaaqoo amuqusidanoo.

Heeburu 5:2

Mi aanaiqikira fasiqafa faiqí faiqi maridanoo narí faqa amanna marinara faiqí anaasee furufarammasee aaqee marianara amuqusinanoo amana dadaaqiannoo.

Heeburu 4:15

Maasa aanaiqiki maria fasiqausa uriqararafa maasa daunduraki ummaararee marifaqa maasa kudoosaapee marunnana sia sia qafee marifa maridanoofau, qafee marifa maridanoo. Sadannafa aiqama ainaina amanamasaifanoo sia mina qumaraifa qafamaqaifa kai maridanoo, minara kai maasara qimudaoo qimasee amuqusidanoo.

Ruka 15:20

Miqi qimaseenoo mi fasiqafa findifinoo aanai aqufufanoo narí akoofinnai finau, aanai meeaqoo ani marufanoo mina akoofa maqusasaaqari mara meeqa qafamaseenoo amuqusufanoo sandeenoo oonu mara narí amaaku aripimma qumareenoo amooqanau.

Ruka 7:13

Oo maa kumaaraa qinee ani qimamidaqa doo findifua qufanoo mi kuqira kumaaraafa rutaqinoo findifinoo ufa qinau.

Mareekoo 9:22

Moomoo kari mi afaannafa mina kuqaruanee qimaseenoo idaki fee nammariki fee kaqi mara aqi marufa maridanoo. Anee amanaikinana maasara amuqusinana dadaaqia.

Mareekoo 6:34

Yisufa kanuqakiqari maqasaa aqufinoo faiqí anaasee moomoo nindafamasoofanoo firaaqoo amuqusufanoo qinau. Oo maaqoo mariasa sipsipa aandaurafoora rakisirafa siaisa mariafanoo fee qimaseenoo Anutuna ufa oosana oosana ainainara qimanniminau.

Mareekoo 5:19

Yisufa irisee qaoo qimasee qimaminoo qinau. Anee aneenna maaqai anirandee oonureenana aneenna anoona akoona atiuqa qinee karaambaiqa ani firaaqoo dadaaqunnanara faqa firaaqoo aniara amuqusunnara faqa qimannimia.

Mareekoo 1:41

Yisufa mi fasiqana qafoofanoo amuqusa mandaikufanoo asauku uqeerasee mina afaaqasaa munduseenoo qinau, eeoo qini dididanoo doo rukafua qufanoo doo miqoo uqanna aaqee miqi qimarufanoo karoora ruka taikanau.

Mataioo 20:34

Miqi qimasoofanoo Yisuna kaaqa amuqusufanoo asauku nifusaa mundinau. Mikari kai misa nifu maqasoofaqa miqanda Yisuna faqa fiqau.

Mataioo 14:14

Yisufa kanuqakiqari maqasaa aqufinoo nindafoofaqa moomoosa ani marufanoo. Oonureenoo misara amuqusufanoo misaki aurimarusa aurirana taikannisanau.

Idi Ufa 145:8

Yaaweefa aidi marifanoo nifauaidanoo. Mina aranaqarafa kasooaqee kasooaqee qimarifanoo mina sia taikaaninna amuqusirafa qumbiqaidanoo.

Heeburu 2:17

Yisufa narí akaqaafasaauqa maa maqanasaaqaraaasa dadaaqianee qimasee amiqimmandee misara maqi qiara mambiqa amiqimmandee misa aanaiqikianeera miqinau. Sia fifau Anutuna ainainira aanaiqikirafa mariannoo maqee maqee narí akaqaafasaa nifauee marianinafa oori runusee miqoo kai marianinna aanaiqikira uriqararafa mariannoo. Anutufa faiqí anaasee mandainaina minnisaanifeera Yisufa miqinau.

Mareekoo 8:3

Qinee sia narana nimirai kaqi niqiqaanaqa fidaqa aanai kudoosaapee foora, akaqausa nianaindari ani maridaqa qufaqa mina faiqi namu irammiriqa qiqau. Maa aadana maqa maaqanaki maridaqa yai fee narana paqurimandee maa moomoo fasiqa anaaseesa nimana nimianauree qufanoo Yisufa irammirinoo qinau inni feemu naqummee maridanoo fee qufaqa misa moodaannai qisauku dinni ani qaara marasee feemu maridanoo fee qiqau.