Mareekoo 7:15 - Anutuna Ufa

¹⁵ Sia moo ainaina fannoo faiqí anaasee ooki namasainanoo mifa maaqinaki putaamma amaqaannoo faiqí anaasee naunduraindari urimari manda ufafa mifa faiqí putaamma nimaqaidanoo.

Mareekoo 7:15 Referans Kwoze

Aaquqira Ufa 4:23

Maa firaa ainainnara qimamianaura. Aneenna amuqusasaa rakisia. Aiqama marirana oosana amuqusaki qari ururaidanoo minara aneenna amuqusa amiqimmaseenana rakisia.

Titusa 1:15

Qikairi siaisa aiqama ainaina qafamaseenoo minakinaa manda oosana sia irirai minakinaa amiqira oosana kai qafamasee minara asasidanoo. Nári maraquna kuqirausa nári marirana irirana putaa irausa anoona ufara sia fee qimasee aiqama ainainara mandaikinoo maridanoo fee qidaqa. Misa náriara maasa Anutunara iridaqee qimariasa.

Heeburu 13:9

Akaqausa Anutuna ufara oosana oosana irirana uqeeraidaqa. Innee sia misa naanna reeqa oonuree anireeaiqa. Anutuna afaariranara mi irirafa kai inni nimana mapuku nimaqainaqa mariaqa, mifa andeeqarafa amiqirafa maridanoo. Oosana oosana sandufa moo narana neeqa moo narana sia neeqa mi ufana qimaqoonannai sia inneeqa nimana mapukusee marifaranoo, mi ufana maroosa sia mi ufafa misa nimana mapuku nimaqanau, sia misa dadaaqinau minara innee Anutuna afaariranara iriaqa.

Heeburu 9:10

Anutuna ami maria ainainna faqa aandau tatufusee ami mariafa faqa mi namusa naranara faqa nammariara faqa nammarinnai findaukarana oosana oosana faqa qidaqa. Nipatasaaqaraa ainaina mi ainainafa ufaasu maridanoo. Anutufa fuka ainaina quqaranara minara afeesidanoo ufaasu maridanoo.

Mataioo 12:34

Innee sakani faiqi miqirausa inni naundura mandamuqanoo maridanoo. Inni naundurai moomoo ainaina marinakiqari ufa uridanoo. Minara naqi fee mandee inni naundurakiqari amiqira ufa uruannoo fee. Sia amana miqirafa. Faiqí afauru fannoo narí amuqusaki mari ainainara kai ufa qidanoo.

Roomma 14:17

Anutuna ququsaki mariasa maasa nirana marirana sia narana nammarisaafau mundinoo maridanoofau. Anutuna naaquqara maraquna nimimari ainainausa andeeqarana faqa asooarana faqa asasirana faqa minamusasaa maasa marirana nirana mundinoo maridanoo. Faiqí anaasee moo fannoo asauku mundirana ainainidanoo narí akaqaafasaauqara amuqusimarifanoo dadaaqinoo rakisinanoo Anutuna amooqirafa faqa faiqí faiqi eedoo qirana faqa maraannoo.

1 Koorinti 10:25

Innee Koorinti maqusanaasa aandau maree makeetai fimariana akaqaandau arusee aukusee tumunnai auqira afaannara dufi dufi qimasee makeetaki quqasaafaqa feefauridaqa. Akaqaandau kaqi arusee auku quqasaafa feefauridaqa. Innee Yisuna ufa irimariasa makeetaki keeqafi inneeqa aandau marararee qimasee oonuree sia tumunnai auqira afaannara dufi dufi qinnanara iramasee eerairiaqa kaqi mana mana maraaqa. Aninna karaambaiqa saqarikiananoo aninna aakirafa marina sia minara irisee eerairiaqa, kaqi maraaqa.

Mataioo 15:16

Yisufa iriseenoo qimaminau. Aneenna faqa irirana siai fee maridanee.

Mareekoo 7:14

Yisufa miqi qimaseenoo Farisai amaana ufa qimarusa niqiseenoo miqoo faiqí anaasee moomoo marusa kafaa naaramaseenoo aniaqee qufaqa aniroofanoo qimanniminoo qinau. Innee aiqamausa qini ufa irisee amiqimmasee iriaraasiaqa.

Mareekoo 7:16

Innee naaqoo faqaasa kai naaqoo iriani.