Mareekoo 6:11 - Anutuna Ufa

^11-12 Innee moo maqusai fifaqa misa sia inni mara quqeeqa sia inni ufa irifaqa innee fidaqa kookoomma afaqa ninaamarasee fuaqa. Innee miqiqa Anutuna naruaninnanara misa aaquqima nimaqeefaranoo. Yisufa miqi qimaseenoo niqiqoofaqa maqusa maqusa fidaqa faiqí anaaseera nári mandainainara nimeesuquaqeera qimannimiqa fiqau.

Mareekoo 6:11 Referans Kwoze

Yudeesa 1:7

Innee Soodooma maqusa faqa Koomoora maqusa faqa misaqa maru maqusanaasa faqa innee iridee. Misa manda qangiroo naanna reeqa nári qimaqoomau fiqa faiqí anaasee narí ummuari narí ummuari iqa faiqí narí aqoonna fasiqa ummuariqa oosana oosana mandainaina faqa maroofanoo Anutufa aiqamausa mi oosanna qafeeqa rufiaaqee qimasee naaru marira idaki misa quqanau.

1 Yoohanee 4:17

Anutuna amuqusirafa sia fifau maasaki anoonaikidanoo. Anutuna ufa irira faasaana sia narí afusaa rufiaaqeera paasoosiaqeera mina amuqusirafa maasaki anoonaikidanoo. Maaqoo maria kamuqoo maasa marirafa Yisunaindi miqirafa maridanoo nariara nariara andeeqara nimuqusiranaki anoonaikinoo maridanoo. Nariara nariara andeeqara nimuqusira oosana sia maparaairafa minaki maridanoo.

2 Peetooroo 3:7

Maa maria maqa maaqana faqa innaaruna faqa Anutufa narí ufannai afeedidanoo idannai qamataikaanifeera afeedidanoo. Innaaruna faqa maqa faqa manda oosana maree mariasa faqa Anutufa afeeda maqaifaqa marida moodaa kari idaqama taikaannoo fee qidanoo. Minauqara faqa misa qikooqaifaqee qimasee unnaqidaqa sia iridaqee qidaqa.

2 Peetooroo 2:9

Qinee Peetooroosa minara irisee maaqi qidaqa Anutuna ufa irimaria fasiqausa oosana oosana nimaniranaki aqufifanoo Karaambaiqa misa mi nimaniranaki dadaaqira oosana iridanoo dadaaqiannoo. Mandoosana maree mariasa narirana ameemaanai quqaqaifaqa maridaqa ufirira faasaanara afeesida rakisira oosanara Anutufa iridanoo maridanoo.

2 Peetooroo 2:6

Soodooma maqusa faqa Koomoora maqusa faqa Anutufa idannai aiqamausa naru taikanau. Maasa aiqamausa mandoosana akiaqa qafamasee rufiaaqeera naru taikanau.

Roomma 2:16

Kasooqaqee anianinna faasaana Anutufa narí asauku mundirana Yisunannai faiqí anaasee aiqama naunduraki kukeeqarana kooroomaseenoo rainannimaqaannoo, Qinee Pauroosa Anutuna amiqira fasaasufa faiqí anaasee qimannimiqa nidaqa minara qimannimidaqa.

Roomma 2:5

Inni naaqooki ooni ititanoo marifaqara foora sia ufa irimariafanoo. Miqianara Anutuna andeeqara ufa faqa mandainaina akiaqara narira ufa faqa kooroo inna faasaana mikari inniqa mandainaina fannoo inniqa narira ufa firaaqoo uriqaramafuannoo.

Ruka 9:5

Yamaqusanaasee inniara qaoo qifaqa Anutufa naruaninnanara aaquqimannimaqasee kookoomma afaqa ninaamarasee fuaqa.

Mataioo 12:36

Qinee qimannimidaqa numoo aukuana anirainaqa faiqí misa nariqa aiqama dapi ufa oosana oosana Anutuna afusaa kooroommasaifanoo minara ufa qiannoo.

Mareekoo 6:10

Innee maqusa maqusa fidaqa moo maqusaki oonu raifanoo mara quqainna maaqanaki quqasaina sia namummaqaqa nuaqa minaki kai faiqaida nuaqa, minakiqari moo maqusa fiqa fuaqa.