Mareekoo 5:2 - Anutuna Ufa

² Yisufa kanuqakiqari maqasaa aqufufanoo faiqí moo faafasaaqa aunduraki marufa Yisufinnai aniranau.

Mareekoo 5:2 Referans Kwoze

Mareekoo 1:23

Yisufa qimannimi marufanoo faiqí moo aundurai faafasaaqa marufa amaana maqaki keeqafi faaqa quqasee Yisuna qimaminau, Yisu anee Nasareetee maqusanaafa anee nanaree maasa soodaaqidanee, anee maasa daru taikararee anidanee, qinee aniara iridaqa anee Anutuna naaquqara ufa maree marianafa mariananoo.

Mareekoo 5:8

Mi fasiqafa sia fifau miqi qinau. Yisufa mina aundurakinaa afaannara anee manda afaanna maa fasiqana aundurakiqari rafudamaki fua qunara mi fasiqafa miqi qinau.

Ruka 8:27

Yisufa kanuqakiqari maqasaa aqufufanoo faiqí moo fannoo faafasaaqa mina aundurai marufa aniranau, mi fasiqafa kisaaqasaa kaqisamu nimarinau, sia narí maaqai marufa faiqí madikai marufa aniranau.

Mareekoo 4:1

Yisufa kaifaa Kariree nammari afainni ooqu maridanoo Anutuna ufa miqoo suqi marusa qimannimi marinau. Faiqí anaasee moomoo mina ufa iriraree qimasee aiqama anireeqa Yisuna ititasoonara mifa kanuqaki akaramafufanoo nammariki afiqa quqaqoofanoo munu kasoomasee maridanoo minakiqari nammari afaisaa faiqí anaasee marusa Anutuna fasaasa ufa qimannimimarinau.

Mareekoo 3:30

Misa manda oosana maree maru afaanna Yisuna aunduraki marunara Yisufa mi ufana qinau.

Mareekoo 3:9

Yisufa misakinaana moomoo aurimarusa andeeqannisee marunara faiqí anaasee aiqama oosana oosana aurirana maraqanusa nisaukukoo Yisuna auqaananoo maasa aurirana taikaanifee qimasaida Yisuna auqaidaqa radamuaqaa imariqau. Yisufa minara iriseenoo narí faiqinamu qimanniminau innee kanuqa rarisama daaqa nammariki quqaaqa misa qini radamifaqa kanuaki akaraanaqa sia radamuaqa qufaqa misa miqimmiqau.

Mareekoo 4:36

Misa eedoo qimasee faiqí anaasee minnisee Yisufa ooqu marunaki akaramafufaqa Yisuna afiqee farumaki fiqau, akaqausa mariqa kanuqaki misa saimbaqa fiqau.

Mareekoo 5:3

Mi fasiqana maqannaasa faiqí iri mara maraida ooni aamarai akundee mariqau. Mi fasiqafa mi ooni aamaranaki faiqee marufa marinau. Moomoo kari misa mina qumareeqa sainandannai mina aiku asauku rumba quqasoofanoo afeekaikamandeenoo asaukusaaqaraa sainanda rakeemma aquseenoo aiku rumbaqoo sainanda turi mandee mina rakeemma aqusoofaqa sia amana mina qumaree mariqau. Mina afeeka uriqaranoo marunara misa sia amanaikiqa minnisoofanoo faiqí madikamaqoonakiaqa faqa aaqana aaqanakiaqa faqa faaqa quqanoo nidanoo oonisamu qumaraidanoo narí afaaqa ateekanoonufa marinau.

Mareekoo 5:21

Yisufa miqooqari kanuqaki akaramafufanoo nammari taqamaree dindanai kafaannai finau. Miqoo oonuroofaqa faiqí anaasee moomoosa Yisuna ani mara ititasaqau.