Mareekoo 4:7 - Anutuna Ufa

⁷ Aaqasoofanoo akaqa qaqama amuka faqaafa marunaki aaqamakinoo aqufinoo kambiqafufanoo amuka faqaa ainaina fannoo mina arusaifanoo mandaikinoo marida sia qaqama ireenoo.

Mareekoo 4:7 Referans Kwoze

Ruka 8:14

Raisa qaqama amuka faqaa ainainaki aqufifa maaqimmidanoo, faiqí anaasee akaqausa Anutuna ufa iriseeqa maqasaa adiafaaimari ainainara faqa oosana oosana qumiasana faqa munnimma maree mariana faqa ummaara narimari ainaina faqa amuka faqaa ainainara foora minasaa kukuqammafinoo radamifanoo adusa qaqama iraidanoo.

Ruka 21:34

Innee minara irisee inneeqa mariranara rakisiaqa. Inni aaquqimannimaqaidaqa. Sia maqee maqee qoomaqamasaida naidaqa sia nammari namasee furufariaqa sia maaqoo maria ummaarana faqa minara kai mammaree fimarifaqa qinee innaarunaindari qumira aukuana tautuma nimaqaanafaara.

Ruka 12:15

Miqi qimaseenoo quandafi faiqí anaasee minara qimanniminoo qinau, innee aiqama ainainara fanandiranara eerairiaqa. Faiqi anoona marirafa sia qumiasanasaa mundinoo maridanoommi.

Ruka 8:7

Akaqafa reereeroondaana marunaki aqufufanoo reereeroondaana namufaqa kambiqoofanoo reereeroondaana fannoo rafaaqafu fufanoo aadanusinau.

Mataioo 13:22

Amuka faqaanaki aqufu qaqammafa moo fasiqara foora maridanoo. Mifa Anutuna ufa irinoo maqasaa kadaapirirana faqa kaaqa ainainara munnimmara amuqusirana faqa mi ainainafa mi ufana anukaki kukuqinoo sia qaqamma iraidanoo, sia anoona kambiqaidanoo.

Mataioo 13:7

Akaqafa amuka faqaa ainaina marunaki aqufufanoo amuka faqaa ainaina fannoo urureenoo rafaaqafinoo arusanau.

Mataioo 13:8

Akaqafa amiqira maqasaa aqufufanoo qaqamma moomoo iranau. Akaqafa urureenoo qambaana irara iranau. Akaqafa urureenoo oodaa iranau.

Mareekoo 4:8

Akaqa qaqama fannoo amiqira maqasaa aqufufanoo maqakiqari urureenoo kambiqafinoo doo qaqama ireenoo, akaqafa oodaa ireenoo akaqafa amiqimasee ireenoo akaqafa fiqaramasee ireenoo.