Mareekoo 4:23 - Anutuna Ufa

²³ Innee naaqoo faqaasa iriaqa.

Mareekoo 4:23 Referans Kwoze

Mareekoo 4:9

Yisufa mi ufana qimannimidanoo maaqi qinau. Innee naaqoofaqaasa kai maa ufana qimannimunnana iriaqa.

Mataioo 11:15

Aaqoo fainafa iriaqa, sia aaqoo fainafa sia iriaqa.

Uqafiqoo Ufafa 2:29

Anutuna maraquna fannoo amaana maqaki keeqee mariasa qimannimidanoo naaqoo faqaasa mi ufana iriaqa.

Uqafiqoo Ufafa 2:17

Anutuna maraquna fannoo aiqama maqusa amaana maqaki keeqee mariasa qimannimidanoo naaqoo faqaasa iriaqa. Ooqai Isaraee maqannaasa aadana maqa maaqakinai nimarufaqa kananaana kananaana innaarunaindaraa feemu nimiaafanausa maridaqa. Maa maqee mariaqoo mandainaina faqa rakiraridaqa mina uriaaqararausa qinee kukeeqara feemu innaarunai misa nimianaura. Eekara oonisaa nári fuka nuqu akara rirana moodaa kai moodaa kai nimianaura. Mi fuka auquna sia moo fannoo misa oosana iriannoo narí kai mina oosana iriannoo. Doo mi ufana Yisufa Peerakamumma amaana maqasaa Paatoonara Yoohaneena qimaminau.

Uqafiqoo Ufafa 2:11

Anutuna maraquna fannoo aiqama maqusa amaana maqaki keeqee mariasa qimannimidanoo naaqoo faqaasa mi ufana iriaqa. Andeeqara oosana kaqi maraqa fifi inaqa Sadannana nimanirana uriqararausaiki mariasa inaaqianna kuqirafa sia misa naruannoo.

Uqafiqoo Ufafa 2:7

Anutuna maraquna fannoo amaana maqaki keeqee mariasa aiqamai qimannimidanoo. Naaqoo faqaasa mina ufa kai iriaqa. Mandainainaki afeekaikamasee rakiranara foora maraqa fifi inaqa uriqaree mariasa qinee misa qimannimianaqa misa Anutuna innaaruna ququsaki keeqafi innaarunai asumu marirana nimira saqari qaqamma neefaranoo.

Mataioo 13:9

Aaqoo faqaafa irinana anee kai andeeqasee iria.

Mataioo 13:43

Miqooqari andeeqarausa suaniara foora kaimmifaranoo. Innaarunnai nári nikoona maqusaki maridaqa kaaqa qeefaranoo. Naaqoo faqaasa mariafanoo inneeqa kai andeeqasee iriaqa.

Ruka 8:8

Akaqafa amiqira maqasaa aqufinoo firaafa kambiqeenoo qaqama moomoo uqanna iranau, Yisufa kafaa qimanniminoo qinau, naaqoo faqaasa amiqimasee qini ufa iriaqa. (Mi aukuanna mi maqannaasa kaqikaa ainaina qaqama raisa fooqaana neemariqau, mina auqu uita, misa maqa rumasee nisaukunnoo mi qaqamana afaqa qumaraida aaqasoofanoo kambiqee marinau, qaqama irafufaqa ateekamaree munusee aindirumasee feemu uqusaidaqa neemariqau. Misaindi uita, raisa fooqaafa maasaindi sakuma maridanoo.)

Ruka 14:35

Sia adiafaa inna ooruku andanda atukaki teeqimasainanoo mi andandafa faqa mandaikammiannoo. Innee kaqinni aquaqaana. Mandainaina maridanoo. Innee qini faqa fifandinausa sia amiqimasee mi kadaapi oosanna irirainni kaqi firarianara qaoo qidaqa kasaaqai kudoosaapee marifanoo maaqa usakaaninafa maaqa faakana rakiasainaqa sia amanaiki foora, innee ooruku adiafaa siaina aanna ree foora kaqinni aqua noora. Innee naaqoofaqaasa mi ufana iriaqa.

Uqafiqoo Ufafa 3:6

Anutuna maraquna fannoo aiqama maqusa amaana maqaki keeqee mariasa qimannimidanoo naaqoo faqaasa mi ufana iriaqa.

Uqafiqoo Ufafa 3:13

Anutuna maraquna fannoo aiqama maqusa amaana maqaki keeqee mariasa qimannimidanoo. Naaqoo faqaasa mi ufana iriaqa.

Uqafiqoo Ufafa 13:9

Aiqama naaqoo faqaasa ufa iriaqa.

Mareekoo 7:16

Innee naaqoo faqaasa kai naaqoo iriani.