Mareekoo 4:2 - Anutuna Ufa

² Yisufa sia akooqoo qimanniminau, quandara ufakiqari qimannimidanoo maaqi qimasee qimanniminau.

Mareekoo 4:2 Referans Kwoze

Mareekoo 4:11

Anutufa narí ququsakinaa qumee irirana qimannimiannee qimasaifaqa qimannimidaqa akaqausa aqoosai mariasa quandara ufa kai qimannimunaqa iridaqa.

Mareekoo 3:23

Yisufa minara iriseenoo faiqí anaasee naaramma quqasoofaqa aniroofanoo moo ainaina kikiqa ususeenoo quandara ufa kai qimanniminoo qinau. Naqimasee Sadannafa quandaki Sadannana aqiqaannoo fee sia amanaikianoo.

Mataioo 13:10

Yisuna faiqi namu mina ufa iriseeqa mariufaqa mifunnai anireeqa irammiriqau. Naqaaifanee quandara ufa kai qimannimidanee, akooqoo kooroomasee qimannimiaqaana.

Mataioo 13:3

Mifa kanuqakiqari oosana oosana quandara ufa qimanniminau. Mifa maaqi qinau. Faiqí moo fannoo Yuda maqannaafa nári oosana maraseenoo raisa fooqaana ummaqirara maqa rumaqoonaki qaqama kaqi aaqee marinau.

Mareekoo 12:38

Faiqí anaasee moomoo uqanna aniree asasamandee Yisuna ufa iriqau. Yisufa ufa qimannimidanoo maaqi qimasee moo ufa qimanniminau. Innee Mooseena sandufa akoofasauqa misa mandoosanara aufariaqa. Misa kisaaqa qamunna afisuseeqa maqusamau fee makeetaki fee nimarifaqa faiqí anaasee amiqimandee nimandaranara randaqa nidaqa kisaaqa qamunna afisuqirausa nidaqa.

Mataioo 7:28

Yisufa mi ufausa qimaqoosa faiqí anaasee moomoosa irufanoo naaquqee marufaqa qiqau.

Idi Ufa 78:2

Qinee quandara ufannai inni qimannimianaura. Qinee ooqeennaasa ufa oonukeeqee anikeeqee qirana qimannimianaura.

Idi Ufa 49:4

Eeqá naamuaqira ufa quandasee qianaura. Qini quandara ufa piripuna aridaqa idinnai qimannimianaura.

Yoohanee 18:19

Amaana maqasaa Anutuna aanaiqiki marusa uriqararafa Annasafa mifa Yisuna faiqi namuara faqa Yisufa faiqí anaasee qimannimira ufausara faqa mi ufanaramma Annasafa maaqaki Yisuna iree marinau.

Mareekoo 4:3

Innee amiqimmasee iriaqa faiqí moo fannoo maasa Yuda maqannaasa oosana mareenoo maqa rumaseenoo raisa fooqaana ummaqirara mina qaqama marasee minaki aaqasoofanoo ururanau.

Mareekoo 10:1

Yisufa mariu maqusana minniseenoo Yudeeaa maqa maaqaki ooqu finau. Yooradanna nammari taqamareenoo dinni afainni fufaqa faiqí anaasee moomoosa mifa maruqoo aniroofanoo narí oosana maraseenoo ooqu marifinoo Anutuna fasaasa ufa qimannimimarinau.

Mareekoo 12:1

Yisufa miqi qimaseenoo quandara ufakiqari qimanniminoo qinau. (Yisufa Yuda maqannaasa mandoosana qimanniminnaree qimasee nári munnimma maree marianara uainna qaqamara qimanniminau. Maasakina sia uainna qaqama maridanoo koofi kai marinara mina kikiqusuanaura.) Faiqí moo fannoo koofi asumu ummaquseenoo ququsa auqu ititaseenoo koofi nammari uqimaria difaaninai firaana auquseenoo kisaaqa qainda auquseenoo aufarira fasiqa fannoo mi qaindanasaa akaramafifanoo maridanoo rakisida aufaridanoo. Mi saikafa taikaifanoo ququsa akoofa moo maqusai niannai firaree qimaseenoo akaqa fasiqauqasaa narí koofi ququsa niqiqamaseenoo maaqi qimasee qimanniminau. Innee qini koofi ququsa rakisidaqa qaqama irainna aukuana innee akaqana inneeqara mareeqa qini koofi akausa akaqana qimiaqee qimasee doo quqasee moosaa finau.