Mareekoo 4:11 - Anutuna Ufa

¹¹ Anutufa narí ququsakinaa qumee irirana qimannimiannee qimasaifaqa qimannimidaqa akaqausa aqoosai mariasa quandara ufa kai qimannimunaqa iridaqa.

Mareekoo 4:11 Referans Kwoze

Mataioo 11:25

Mikari Yisufa innaaru qimasee qinau. Qini qikoofa, maa maqana faqa innaaruna faqa rakisirafa dufi dufi ani ufa qinee maqee maqee maa ufana qimannimimarunnanara irirana faqaasa nifusaa rafaaqafunniseenana kaiqeesa nifusaa kooroo mannimaqee mariananoo.

Ruka 8:10

Yisufa iriseenoo qinau, Anutuna ququsakinaa qumee irirana Anutufa inniara qimannimianee qinau, faiqí anaasee sia kooroomasee qimannimia quandasee qimanniminaqa nifu qafamasee sia paqurifara naaqoonnai irisee sia naundurai quqeefara.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.

1 Teesaroonika 4:12

Innee Yisuna ufa irimariasa miqi faqa mina ufara nikooqee mariasa inni nimooqiqa andeeqeeaafoo qifaranoo. Innee faqa miqidaqa sia moo ainainara sarauqinana moonasaa oonu mundua.

Kooroosee 4:5

Innee Kooroosee maqannaa Yisuna aiku oosana mariasa innee Yisuna ufara nikoo nikaa imariasa faqa moodaa maqusaki mariafanoo. Innee misa nifusaa reendeenamasee irirana faqaasa naanna ramasee nuaqa. Innee misa faqa maridaqa innee sia fifau nifaurunnai kai ufa qiaqa, Yisunara qimannimiraree qidaqa deedaqammaqaifanoo mariani, iraifaqa dauni qimannimiaqa.

1 Timooti 3:7

Yisuna ufara suqimariasasaa rakisiranaiki mari fasiqanara Yisuna ufara sia irimariasa faqa minara amiqira fasiqee qimariafa mariannoo. Miqi qimaria fasiqafa sia Sadannana namufaqa moodaa madikaki aqufinoo asauruannoo. Doo Yisuna ufara suqimariasasaa rakisimaria fasiqausa oosana doo miqiminoo mariani.

2 Koorinti 4:6

Ooqai indaaru Anutufa asukunakiqari kaaqa qaranara qaani fee qufa mi moodaa Anutufa kai narí areenarana maqee maasa qitikuraki qoomara foora qeenoo. Anutuna areenarafa narí asauku mundirana oorisaa areenaidanoo mi areenarana aufakiana innisaimbaqa iriaqee qimasee Anutufa innisaimba maasa qitikuraki qoomara foora qaidanoo.

Mataioo 16:17

Yisufa iriseenoo narí qimaminau. Oo Simoona Yoonaana amarana amaaku, maqasaa fasiqa sia miqi qimasee ani qimamiaqini. Innaarunai qini qikoofa mifa kai ani aaqoosaa rinoo. Minara anee asasimarianafa mariananoo ani qimaminoo.

Mataioo 13:16

Innee qini faiqi namu inneeqa nifu qafee mariana inniqa naaqoo irimariasa marianara asasiaqa, inneeqa kai qafaidaqa, inneeqa asasiranaki mariafanoo inneeqa qini ufa oosana iridaqa.

1 Koorinti 4:7

Inniki akaqausa náriara uriqararausee qimariana unna qimariasa mariafanoo. Yafee mi uriqararana niminoo fee, Inniki mari ainainna aiqama Anutufa kai niminau. Innee minara iriaqa, naqaa fee qifaqee qeeqa kai maraafanausa firaaqoo uriqaraqa maridee qidee. Anutufa kai aiqama ainaina niminau.

Mareekoo 3:23

Yisufa minara iriseenoo faiqí anaasee naaramma quqasoofaqa aniroofanoo moo ainaina kikiqa ususeenoo quandara ufa kai qimanniminoo qinau. Naqimasee Sadannafa quandaki Sadannana aqiqaannoo fee sia amanaikianoo.

Mareekoo 4:2

Yisufa sia akooqoo qimanniminau, quandara ufakiqari qimannimidanoo maaqi qimasee qimanniminau.

Mareekoo 4:10

Qimannisoofaqa fufaqa Yisufa naríara marufaqa akaqausa mina faiqi namu qisauku qara taikasee qikunni ooqu qaara mararausa faqa aniree quandara ufa oosanara iroofanoo qimanniminoo qinau.