Mareekoo 3:7 - Anutuna Ufa

^7-8 Miqooqari Yisufa Kariree farumma firaa farumma tia marunnai ooqufufaqa faiqí anaasee moomoosa afaqa maree ooqu fiqau. Akaqausa Kariree maqa maaqakiqari aniqau, akaqausa Yudeea maqa maaqakiqari aniqau akaqausa Yeerusaree maqusakiqari aniqau akaqausa Idumeea maqa maaqakiqari aniqau akaqausa Yooradana nammari dinni afainni marusa aniqau, akaqausa Tiree maqusakiqari faqa Sidoonna maqusakiqari faqa misaqa marusa faqa aniqau. Doo mi fasiqa anaaseesa moomoosuqanna tatufufaqa Yisufa imaru ainainausara iriseeqa qafararee qimasee ani suqiqau. Faiqí anaasee moomoosa Yisuna auqaidaqa radamuaqaammimariqau.

Mareekoo 3:7 Referans Kwoze

Ruka 6:17

Yisufa misa nifiqa quqaseenoo niqiqara fasiqauqee qimaseenoo mina ufa irimarusa moomoosa faqa amuaqu namusaaqari qumureenoo afaasai marufaqa faiqí anaasee moomoosa ani mariqau.

Mataioo 4:25

Mifa maqusa maqusa fimarufaqa faiqí anaasee moomoo suqumaree mina faqa fimariqau. Karidaia maqa maaqaindaraasa faqa qisaukuqara taikasee maqusa marunaki marusa faqa Yeerusaree maqannaasa faqa Yuda maqa maaqa afumaki marusa faqa Yooradanna nammari dinnafai marusa faqa suqu maree mina faqa fiqau.

Mataioo 12:15

Yisufa mi ufana iriseenoo findimeeqee moosaa finau. Faiqí anaasee aiqama mina faqa fufanoo aurimarusa mandaikimarusa aiqama andeeqannisanau.

Ruka 23:5

Yuda maqannaasa mina iriseeqa afeekaikamasee Piratoona qimamiqa qiqau, mifa qimannimu ufanannai rakirana uqeeraidanoo, mifa Kariree maqa maaqaindari oosana arasee mindari anufa aiqama Yudeeaa maqa maaqaki miqimmamaree aniufa maqee maasaki Yeerusaree maqusai anireenoo miqikai idanoo.

Ruka 6:12

Mi fasannai Yisufa innaaru qirara amuaqu namusa ooruree mi eendanaki innaaru saika imarufanoo iqaqanau.

Mareekoo 1:39

Miqi qimaseenoo Yisufa Kariree maqa maaqaki oonuree aniree idanoo nári amaana maaqakiaqa keeqafida qimannimidanoo naundurai faafasaaqa marusa niqiqee marufaqa rafudamakida fimariqau.

Mataioo 10:23

Misa inni moo maqusaki narifaqa innee moo maqusai sandeeqa qiniara miqoo qimannimiaqa. Qinee anoona ufa qimannimidaqa. Innee Isaraee maqusa maqusa aiqama qiniara qimannimimarifaqa sia aiqama qimannimi taikainnaqoo qinee faiqí nimaaku kaifaa innaarunaindari qumuanaura.

Yoohanee 7:52

Misa mi ufana iriseeqa Nikoodeemusana aqidaqa qiqau. Anee faqa Kariree maqannaa fee maridanee. Anee tamummaqara fasiqauqa akarauqakiaqa asaanarumasee iria. Sia moo tamummaqarafa Kariree maqasaa kambiqaannoo. Miqi qimasee aiqama daraani mambufanoo Yisufa amaana maqakiqari raudamakufanoo Oorifa aaqanai oorufinau.

Yoohanee 7:41

Akaqausa minara maafa Anutuna asauku mundira fee qiqau. Akaqausa maaqi qimasee furufaramasee qiqau. Anutuna asauku mundirafa sia Kariree maqusakiqari kambiqaannoo.

Mataioo 12:16

Andeeqanniseenoo aranaiqi qimaseenoo qimanniminau. Qumee uqannandaaqa kukee uqanna saaqa sia qinee andeeqasaunnanara kooroo qiaqa.

Mareekoo 1:45

Mi fasiqafa karoora taikafufa sia Yisuna ufa irisee umee ranau miqooqari fidanoo aiqamai qimanniminoo finau. Firaaqoo qimannimunara Yisufa moomoosa ititoonara sia faiqiki amana marinau aadumai sia faiqí marunnai marufaqa faiqí anaasee aiqamaindari mifa marunnai fimariqau.

Mareekoo 3:20

Miqooqari Yisufa narí maaqai Kapeeranaumma maqusai maaqaki keeqafufaqa faiqí anaasee moomoo uqanna maaqaki ani umbiqafufanoo narana naani quna minniseenoo narí faiqi namufaqa sia nanau.

Mareekoo 4:1

Yisufa kaifaa Kariree nammari afainni ooqu maridanoo Anutuna ufa miqoo suqi marusa qimannimi marinau. Faiqí anaasee moomoo mina ufa iriraree qimasee aiqama anireeqa Yisuna ititasoonara mifa kanuqaki akaramafufanoo nammariki afiqa quqaqoofanoo munu kasoomasee maridanoo minakiqari nammari afaisaa faiqí anaasee marusa Anutuna fasaasa ufa qimannimimarinau.