Mareekoo 3:6 - Anutuna Ufa

⁶ Farisai amaana ufa qimarusa minaki marusa qafamaseeqa amaana maqakiqari rauda makufaqa Eeroodeena ufa irimarusa faqa suqufufaqa Yisuna arira ufa qimariqau.

Mareekoo 3:6 Referans Kwoze

Mareekoo 12:13

Farisai amaana ufa qimarusa akaqausa faqa Eeroodeena ufa irimarusa akaqausa faqa aniree irarufara fusee ianee qimasee qimamiqa qiqau.

Mataioo 22:16

Miqi qimaseeqa misa nári faiqi namu faqa Eeroodeena aqoondi mariasa faqa moodaanaki Yisufinnai oonu reeqa unna qimasee amiqira aqoondiara foora mafufaqa noori quqasee reendeenamaseeqa maaqi qimasee irammiriqau. Oo ufasaa rakisirafa, anee andeeqara ufa qimarianafa, sia unnufa qimarianafa anee sia moonara amiqira fee qimasee amiqira ufa qimamianafa, sia moonara mandaikira fee qimasee mandufa qimamianafa, aiqamaqara anoona ufa kai qimannimimarianafa andeeqarafa mariananoo.

Mataioo 12:14

Farisai amaana ufa qimarusa qafamaseeqa misa aanoomandee raudamafufaqa suqufi narí qimami narí qimami qiqau. Naqimmandee maasa Yisuna aruanauree qimariqau.

Mareekoo 8:15

Yisufa naranara aiaaee qunara iriseenoo moo ainaina kikiqa ususeenoo qimanniminau, Innee amiqimmasee aufariaqa, Farisai amaana ufa qimariasa faqa Eeroodeena faqa minauqa feemu ooruku ati qaranara rufieeqa aufariaqee qufaqa mina faiqi namu iriseeqa tautumasee narí qimami narí qimamiqa qiqau maasa aafaqa sia maree anunnanara mi ufanara Yisufa qidaqinoo fee qiqau.

Yoohanee 11:53

Doo mi faasaannasaaqari Yuda maqannaa uriqararausa Yisuna arira ufa oosanarasee deedaqiqau.

Ruka 6:11

Amiqufanoo farisai amaana ufa qimarusa faqa Mooseena sandufa irimarusa faqa firaaqoo aanoo qimasee Yisuna uneemaana qimasee ariranara randaqau.

Ruka 22:2

Amaana maqasaa aanaiqikirausa misa uriqararausa faqa Mooseena sandufa akoofasauqa faqa Yisuna kuqa ariranara qumee randee marufaqa faiqí anaasee Yisunara amiqira fasiqee qufaqa minara rufieeqa sia ariqau.